報章報導: 3.5.2015☀️
感謝東網報導- 娛樂專題：柯嘉琪文武雙全闖影壇💗
【on.cc東網專訊】 「中國小姐」柯嘉琪多才多藝，文武雙全，修讀傳理系的她除了希望像鄭裕玲般成為出色司儀外，她亦有學習截拳道，視章子怡為偶像，最近更加入影壇當打女！
柯嘉琪（Kiko）奪2010年中國小姐香港區亞軍後正式踏入娛樂圈，近年開始藝人工作，除了拍電影，還擔任司儀。Kiko曾參演電影《重口味》、《溝女不離3兄弟》及《辣警霸王花》等，對演戲非常有興趣：「之前做嘅係靚女角色，想試吓多啲動作，例如跳舞或者打女嘅角色。（有跳舞或功夫底子？）有做開瑜伽，亦跳過Jazz，上年開始學截拳道。」
發揚李小龍武術
Kiko坦言學截拳道過程非常辛苦，大呻拉筋痛到喊：「好似生仔咁痛，痛到喊！師傅話截拳道係李小龍嘅學術，對自己係一種挑戰，同自己講：『You can do it！（你做得到）』堅持就冇問題。（怕唔怕學武整傷？）唔驚，付出咗會有好大成功感，係一個大挑戰。」
談到最喜愛的偶像，Kiko一直視內地女星章子怡為目標，希望自己都不止睇得，功夫還要了得，她大讚偶像：「佢平時斯文靚女，一入戲就功夫上身！（睇戲偷師？）有！《臥虎藏龍》！佢係非一般女漢子！除咗戲內，現實生活我都想Tough啲。」問到是否不想再演靚女角色？她笑說：「邊有女仔唔想做靚女！如果有機會都想，但想有唔同嘅嘗試同挑戰。（性感？）要睇角色同劇本。（底線係咩？全裸呢？）依家暫時係比堅尼。」
彈琴演戲搞生意
Kiko於音樂和口才方面亦非常了得，她說：「鋼琴考到九級，有諗過作曲自彈自唱。我讀傳理系，最希望係做出色嘅司儀，我鍾意Do姐（鄭裕玲）嘅風格，好有風範。」她表示一直有接司儀工作，認為臨場反應最重要：「除咗睇熟啲稿，都好考即場反應，除咗中文，又要翻譯做英文，有時個心好驚，但要表現到冷靜。（失過手？）有次支咪冇聲，為咗緩和現場氣氛，同大家講『啲美女震撼到連咪都壞埋』！」
女士愛美始終是改不了的事實，Kiko亦有將興趣當成事業一部分：「最近開咗網上店賣代理嘅韓國服裝，我着緊呢件都係，日圓跌我都會大量入貨。（自己做生招牌？）所以今日着出嚟，香港人着重Quality多啲，除咗款式時尚，最緊要舒服。全部衫都係我親身去睇過先買。」
打入國際演法導演作品
一直視章子怡為偶像的Kiko，很感謝監製Bey Logan給予機會讓她參演著名法國導演基斯拿漢（Chris Nahon）的動作電影。Kiko表示與前港姐好友林慧倩（Giselle）及林雅麗（Alice）參與拍攝，為了拍攝過程順利，她在家中做足準備，拉筋拉到喊都不介意，有功夫底子的她演起來亦非常有魄力，她認為習武除了能鍛煉意志，還能強身健體，一舉兩得。
除了電影，Kiko亦希望可以嘗試演舞台劇：「因為舞台劇每一場都講求一Take過，唔可以NG，演出前嘅綵排一定要訓練有數，而且要同拍檔多作交流，可以幫助提升演技，對日後拍電影會有好大幫助。」
Hair Sponsor by Eddi SoHeadquarter Hair Salon💇💇
她說鋼琴 在 林俊傑JJ Lin - 她說- 鋼琴教學Piano Tutorial [HQ] Synthesia 的美食出口停車場
Apr 16, 2019 - 林俊傑JJ Lin - 她說- 鋼琴教學Piano Tutorial [HQ] SynthesiaPiano Cover, How to Play, Music Sheet, Midi作曲：林俊傑作詞：孫燕姿他靜悄悄地來過他 ... ... <看更多>