咁樣樣……話時話呢個Page好似好耐都無Update鳥
不過我有樣嘢都幾認同佢，就係今時今日，真係掛個「學者銜頭」就9噏咩都可以當做「學術討論」（唔係我屈佢，篇嘢自稱架）
「經濟學KOL」比人嘲笑得多，早排轉行做「歷史KOL」響明報係咁講歷史，當中講的論點其實都幾「有趣」，遲啲值得品評一下。
但無論講乜都好，評論水平始終係有能力上嘅限制。「經濟學KOL」最大嘅問題係成日強調自己識呢個識果個，將人地啲口水尾執番講完再加幾句阿媽係女人就算。
好似呢篇海洋公園評論咁，「經濟學KOL」就想借Harry Potter一枝摩法棒賣幾十蚊美金，然後走去嘲笑海洋公園得個威威司令完全無Selling Point，再大肆吹捧移移迪士尼「迪士尼贏的是整條文化產業鏈，不單靠經營樂園。」
其實呢位「經濟學KOL」知唔知，Harry Potter摩法棒其實係響環球影城度賣，而Harry Potter個版權原先係賣比迪士尼嘅，係去到最後一刻先比環球影城搶番黎？Universial Studio入面啲蜘蛛俠、進擊的巨人、Minions、One Piece，唔撚通全部都係佢本身就有嘅「整條文化產業鏈，不單靠經營樂園？」，你有錢，就咩IP都買倒番黎合作啦唔該！
你走去串海洋公園得威威司令之前，唔該走去做下評論員最基本嘅資料搜集，人地海洋公園響舊年就曾經特地同One Piece搞過夏水戰Crossover，就係你最吹捧嘅「品牌合作」，當然好多去過玩嘅人覺得個佈置太Hea、搵幾件公仔郁下郁下就算，完全做唔倒環球影城果個One Piece劇場連動效果出黎，呢個係文化策展問題；同埋日本啲水族館本身就係咩IP都無，齋靠賣可動動物公仔一樣可以成功搵倒遊客錢，唔該唔好乜都屈哂落威威司令。
呢排睇緊森崗毅兩本講佢點樣拯救環球影城嘅書，入面講到當初環球影城業績每況愈下，原因就在於好多人安逸於「環球影城距離迪士尼500公里唔會有太大競爭」，所以森崗毅一接手行銷長位置，就立刻將所有大阪附近嘅樂園、公園遊樂設施，甚至年輕人所有潮流玩意，全部都當做潛在競爭對手走去做相關調查，目標由專打本地客市場，變成以打造一個外國遊客願意特別搭5飛機黎環球影城玩作為目標──「一個市場容納唔倒兩個Theme Park」呢種分析，就阿豬阿狗都識講啦，唔通就係要由香港大學經濟及工商管理學院助理講師把口講出黎，先至特別有說服力？
我當然都贊成海洋公園執七咗佢，但原因卻唔係乜嘢「威威司令無人鍾意」、「亞洲地區進步很快，鄰近地區很多吸引的類似景點」，而係成個管理架構出現咗嚴重問題。「經濟學KOL」話「管理層花紅袋袋平安」，偏偏就係成個海洋公園最大毒瘤嘅董事局，就係義務性質。
正正係劉鳴煒之流覺得搞海洋公園只係玩票性質同「攞威」，完全無為海洋公園諗一個令所有人會去完再去嘅發展方向，結果下面班人其實都花咗唔少努力同金錢，幾億幾億咁去更新遊樂園設施、同One Piece合作又或者花成億搞咗個世界級大Show「光影盛夜」出黎，中哂森崗毅所講，當年環球影城最大嘅「技術導向」問題。
不過唔好又問我「錦鯉有咩高見」，我唔似得「經濟學KOL」寫完堆垃圾仲有稿費可收，我網上無責任吹水咋，高見留番啲有錢收嘅人講啦。
