激長文！
唔好意思，好多朋我inbox 問我攞大阪嘅行程，我真係整理得有啲慢...但又好想真係有心情時間先慢慢寫返出嚟，有時行程可能已經過左氣，但又想自己做返個記錄留意回味一下。我會盡快，俾少少時間我☺️☺️🙇🏻♀️🙇🏻♀️
#老少平安遊大阪-Day3
是日景點推介： 大阪環球影城
酒店：神戶ANA皇冠假日
大阪環球影城係突然加插嘅環節，之前一直都計劃去 美山睇合掌屋，但係車程來回四個鐘，而且附近景點唔多，只有合掌屋影吓相，冬天嗰邊溫度實在太凍，最怕小朋友去到冇嘢玩，真係影兩張相就走。唔適宜一家大細。所以最終臨出發前幾日決定去環球影城。
本來一早都去 #環球影城 嘅，但係聽過好多朋友講，d遊戲唔啱小朋友。我再上網睇過，真係好多都有高度限制，而雷小囡好多都玩唔到。但最後因為臨時改變唔去合掌屋，諗嚟諗去最終都決定去環球影城！
就係咁，我喺出發前嘅三日就上咗 tavelababies.com 訂左環球影城嘅飛。用埋優惠碼減埋5%。價錢平左之餘，最緊要係唔使排隊買換飛。因為當場買飛條隊真係好長，好彩我上網訂咗，用QR code入場，慳返唔少時間。
雖然話好多野都唔啱玩，但其實都唔係。首先有好多卡通影相，有佢哋超級鍾意嘅Minions、sloppy....等等大量可愛卡通人物。最估唔到嘅原來連Hello Kitty都有啊。真係連我的母親大人都即刻充滿童真。攬到實一實要同隻Kitty影相添！
雖然BB好多都入唔到場，不過對我來講又冇乜影響嘅。因為我本身都唔玩機動遊戲！一家大細行吓影吓，玩下食下！都唔錯！
親子推介：Wonder Land
咖啡杯，小飛機，火車、旋轉木馬.....應有盡有！
推介Snoopy Land , 室內嘅，落雨都唔怕！裏面仲有一個 #室內迷你過山車。好玩又唔洗排！又有個啱細b嘅小公園。仲有好多小遊戲！
玩左幾樣一家大小都入得嘅：
推介回本節目，必睇 #水世界。
見識少嘅我開頭以為水世界就係類似睇大白鯊坐船仔。點知入到去係類海洋劇場嘅看台。未開場前仲驚會好悶呀，因為聽唔明日文吖嘛！點知原來非常極度精彩！真係值回票價！大量爆破場面，聽唔明都睇得明。連雷囡s都睇到好興奮！而且佢哋好識攪氣氛，一開始嘅時候仲搵咗觀眾開玩笑。溫馨提示：唔想全身濕晒，就千其唔好坐中間嗰牌第一行！俾佢揀中記得走人，有機會照頭淋，全身濕晒。睇到我地笑爆！
大白鯊：類似迪士尼果個。但導隊姐姐非常入戲，令全程氣氛刺激緊湊，有啲位我驚到個埋眼，抱住小囡都要攬實佢心口，適當時候幫佢遮住眼睛唔好睇！氣氛好好！
Hello kitty 屋：
入面有幾個打卡影相位，又有高踭鞋滑梯，俾小朋友放下電影吓相。最開心係完結嘅時候Hello Kitty會係最後一間房同你影相。Hello Kitty非常熱情，連婆婆都忍唔住要攬住佢影相啦！小朋友當然興奮到爆啦！
中伏遊戲：4D劇場！
入門見佢仲有十幾分鐘開，就即刻衝入去啦，點知.....中伏！
以為係芝麻街一定啱小朋友睇啦，排完入場，去到大廳，要企喺度聽介紹。有啲似迪士尼嘅古老大宅咁。喺大廳聽一陣間介紹。但呢度嘅介紹係....介紹晒所有芝麻街十幾隻公仔嘅詳細資料...企到腳都軟埋！最終可以入場，一直期待佢嘅4D效果。點知....乜都冇發生嘅情況之下....「完」，計埋嘥左我成個鐘！
中伏景點：同蜘蛛俠（公仔）合照！
鍾意蜘蛛俠嘅朋友可能會影得好開心。但我就影到一肚火！工作人員會逼你擺指定動作！唔擺唔俾影！感覺好差！就算影完佢指定動作，想影多一張自己動作！都！唔！俾！
我明可能每人只能影一張，但後面完全冇人排隊都唔俾影。嬲嬲地。
最終結果：玩到人哋收工都唔捨得走啊！
當日都算人多，雖然我哋冇買到fast pass，但我地揀啲唔洗點排嘅景點順住玩。都唔算排好耐！
開頭對環球影城冇乜期望，所以都中午先出發。點知入到場即刻比個歡樂氣氛感染左。樣樣都想玩，樣樣都好玩，真係好後悔咁晏去。
雖然話BB好多嘢唔玩得姐，但三歲以下係免費架！諗返呢一點都唔算好蝕姐！🤣🤣
值得帶小朋友去見識下！好玩！
如果你有興趣喺以優惠價預訂景點門票，可以去呢度：https://shop.travelababies.com/
網上預約會有折扣優惠。而且雷囡媽媽嘅讀者於付款時輸 < jfvmq5sq >仲可以有額外折扣優惠！
#雷囡媽媽 #雷囡媽媽食譜 #雷囡媽媽簡單食譜
想知多啲我地嘅 #生活小貼士、#簡單食譜、#育兒分享、#吃喝玩樂、#美容，#親子遊、#親子烹飪 ，快啲Like我地啦😘
FB page: 雷囡媽媽
雷囡媽媽
IG : www.instagram.com/luiluimama/
Travelababies - 親子旅遊資訊平台
大阪小雨簡譜 在 大阪小雨台語歌曲簡譜談詩玲F Alto Sax Cover 中音薩克斯風 ... 的美食出口停車場
... <看更多>