大甲芋頭鮮奶 ($30)
-
📣📣下文最後有芋頭奶評比呀💜🤤
.
喺香港飲過咁多杯始終覺得最最最神係台北嘅芙蓉同源，
而喺香港云云芋頭鮮奶當中沐白算係最合我意嘅一間；
雖然芋泥主宰整杯飲品徹底蓋過奶香，
但芋泥份量足足有半杯之多，
質感綿滑濃稠並混有粒粒芋頭，
甜度適中保留天然芋香
.
老老竇竇香港好多間都不相伯仲😂
何況個人口味唔同，
加上買嘅時間唔同質素亦可能有出入，
要一決高下真係好難亦無咩參考價值咁，
但都想同大家分享下我最鍾意嘅幾杯：
沐白小農、迷客夏、Thailax（芋泥椰奶）😚
其他嘅我就只係客觀事實簡評不分先後，
遲啲再獨立post如果唔係十世都未整合到，
大家有興趣可以參考下根據返自己口味買啦😆
.
.
.
＜芋頭奶簡評＞
🔻Share Le Pain：奶味出眾、混合面層鮮忌廉更加香滑順口、綿密甜芋泥份量唔夠多、有少量芋頭顆粒
🔻迷客夏：感覺最純淨天然嘅芋頭奶、奶香醇厚、芋頭大塊而且口感粉糯
🔻丸茶手作：綿滑甜芋泥、芋香弱、奶味香
🔻籠町茶番：同迷客夏同類但較甜而奶香較弱、帶粉糯芋頭塊、部分芋頭太大塊飲管飲唔到要最後揭開篤嚟食
🔻歇腳亭：凍飲係芋頭牛奶徹底攪拌成沙冰狀、水準飄忽有時好香有時好淡／熱飲太甜零奶香、但有大量粉糯芋頭蓉同芋頭塊
🔻清玉：奶綠但無奶味亦無綠味、甜芋泥零芋香、有少量芋頭顆粒
🔻天仁茗茶：奶綠、水準世界級飄忽參差，每次買都似買六合彩、芋頭一時粉糯但一時好硬甚至試過食到爽嘅芋頭、一時黑仔直頭似奶水
🔻茶湯會：奶綠、比天仁好飲同穩定、奶味茶味俱全、芋頭顆粒粉糯但份量唔多
🔻喜茶：芋泥漿糊、芋圓偏軟、似奶粉味、飲到最後仲有芝士奶蓋味唔知咩事
🔻品茶弄啡：以鮮奶為主、芋頭份量少而且比較細碎
🔻探客TANTEA：圖片只供參考佼佼者、睇落完全無芋泥、實際芋泥偏甜份量少、整體太甜零奶味
🔻鮮茶道：我飲當時仲加咗黑白珍珠有啲影響口感、芋頭顆粒細碎偏實、奶還奶芋頭還芋頭兩者極之分離
🔻賞茶：同歇腳亭熱飲相似但甜度再高三倍、有粉糯芋頭塊但同樣吸滿糖水
🔻Check-in Taipei：鮮奶打成沙冰奶味偏弱、完全唔甜整體味道太淡、芋泥當中芋頭口感怪異帶爽
🔻茶理史：香芋雪糕味鮮奶、粒粒芋圓雖然芋頭味唔突出，勝在口感煙韌亦真材實料食得出芋頭微粒
🔻小茶堂：將鮮奶同芋頭徹底攪拌而成，芋頭顆粒細碎偏硬、芋香奶香同樣欠奉
.
.
—————————-——————————
📍沐白小農
元灣：裕景坊27-31號金倫大廈地下4號舖
荃灣：荃興徑2-8號昌泰大樓地下6號舖
———————-————————————
.
.
