今日我地唔討論大學生應否講粗口，我接受唔到自詡文采風流的我，竟然淪落到要去討論呢種咁無營養的師奶話題。
我地今日講偷野！偷咩？梗係講偷畫啦！唔通叫傅穎出黎分享偷偷地講粗口咩？
唔講大家未必知道，原來好多名畫都係藝術品大盜的目標，而且亦曾經被偷走過！作為畫王之一的《蒙羅麗莎》也曾經在1911年失竊，然後，幸好在1913年賊人打算賣出時被捕，順道起回名畫。至於另一幅曠世名作《吶喊》更是多災多難，分別於1994年及2004年兩次被盜，堪稱藝術品界的宣萱—只要出場就知道佢最尾一定會當人質被脅持。而上兩個月，《吶喊》亦被國際高端生活品味旅遊雜誌U travel指為梵高的作品，是史上第一次原作者（Edvard Munch)名字被盜去事件，可謂震驚十三億人。
說到梵高，這個我所偏愛的倒楣鬼，他的畫作也是常常被盜竊的目標。當中《View of the Sea at Scheveningen》及《Congregation Leaving the Reformed Church in Nuenen》雙雙於2002年於梵高博物館被盜，事隔十多年後才於2016年在意大利那不勒斯賊王父親的家中廚房的暗格被起回，可憐梵高一生孤獨、渴望組織家庭，死後的名畫竟然被你們拎去攝灶罅，好彩荷蘭話無廣東話呢個講法，不然他還真的會從棺材彈返出黎同你死過。
好啦，講左咁耐，大家應該覺得很奇怪，呢啲名畫有頭有臉，點可能拎到出去賣？偷完都係有價無市，邊個收藏家敢接你呢幅畫？咁偷黎做咩呢？
其實岩左一半，大部份的藏家唔會敢接貨，但很多大賊/大毒犯/軍火走私商人都會買呢啲名畫。原因當然不是用來收藏，而是用作護身符—呢啲名畫對全世界文化意義重大，萬一這些大賊失手落網，自然可以把這些名畫的下落當作減刑討價還價的籌碼，而梵高那兩幅畫就是透過這種討價還價才能找回來重見天日的。
對了，要是你真的想知道一幅名畫在黑市值多少？答案是十分一。大部份藝術品在黑市的販賣價都是市價的十分一，就像是早前佳士得拍出達文西的《救世主》，價值4.5億美元，要是萬一被盜（大吉利是），一折後在黑市裡就是4500萬美元，咦... 呃... 嗯... 似乎還是買不起啊...
參考資料：https://en.m.wikipedia.org/wiki/List_of_stolen_paintings
#寫返篇文講藝術
#即刻成個人都精神爽利
#另外仲有好多名畫未搵得返
#大家有時間就拜訪一下有錢的朋友
#可能佢個廚房就收左幅名畫
#講笑姐
#香港有錢人屋企冇名畫但通常都會僭建
#哎我都係唔講啦講黎又係扯火
#今日只談風月呀下
大家有時間就拜訪一下有錢的朋友 在 大家好國樑在百福市場跟各位朋友們問好 | By 謝國樑| Facebook 的美食出口停車場
的朋友大家好,你看我們這兩位帥哥候選人,兩位未來的里長, 大家應該就可以猜出我們在哪一個市場吧,我們在擺福黃昏市場, 我左手邊呢是鵝夢漢,我們百埔里的里長, ... ... <看更多>