浮潛報告：
蘇梅：係麻麻哋清嘅～～～
綜合我浮潛過嘅地方：
十幾廿年前去大堡礁當然係最震撼啦！一望無際嘅珊瑚群，七彩海水魚條條大過我大脾！皇帝、太后、神像、紫吊、藍吊、斑⋯應有盡有！不過依家好似話已經差好多？
沖繩都非常極之正！不過要睇季節，三四五月好靚，水凍啲珊瑚都開得燦爛啲，尤其軟珊瑚，水凍啲真係精神啲！魚嘅種類同大堡礁不遑多讓，係size冇咁大。但啲水係非常非常清，清到好似無水嘅咁，完全透明嘅！喺水面已見底！但有次七八月黎，旺季好多人，人撞人，水都濁啲，同埋聽教練講，6-9月啲魚&珊瑚排卵，啲水都係會濁啲。
馬爾代夫清嘅，但唔係玻璃感嘅清，比沖繩爭少少，但都多魚嘅，而且易見到海龜，珊瑚總類都ok多，軟硬珊瑚都見得到。
蘇梅，水唔係藍色嘅，都望到珊瑚，但硬體如：鹿角較多，腦珊瑚都有啲。細魚較多，最普通嘅三間、魔等最多，其他較大嘅有關刀、碟魚、彩雀等，好普通。
好玩抵玩，都係沖繩最user friendly，飛機飛兩個零鐘就到，搭船出去亦唔遠，join tour 人數都reasonable ，即使一個coach帶自己人一group或一pair都唔貴。
大堡礁嗰程船最大鑊，唔好話企唔到，即使坐都坐唔穩，極大浪！暈硬！
馬代ok，坐大船算幾穩，人數亦唔太多，船程亦近。
蘇梅真係no good，private speed boat可能好啲，但要25000bahts，成$6000 好貴，join tour 都要 2500 bahts一位，tour人數極多！一隻快艇坐爆，三十幾人，人貼人身貼身咁坐，而且都大浪，水亦唔夠清，唔浮冇損失。留喺酒店或villa hea好過。
#左上角沖繩 #右上角馬代 #下面今次嘅蘇梅 #大堡礁年代久遠 #電話冇儲存
#大家睇完喜歡或覺得有用就俾個like
#唔嫌麻煩仲會幫手share更感激萬分
#大家幫手like下share下係發帖者嘅出post原動力
#有其他日本野化妝野想知 #歡迎留言 #請留言唔好inbox
#自遊行 #旅遊 #化妝 #化妝師 #JessUp
#曼谷 #泰國 #蘇梅 #浮潛 #Samui #snorkel
#JessUpHK #2019ThaiJessup
大堡礁旅遊季節 在 【 澳洲旅遊】大堡礁奇妙海底| $4000兩日一夜船宿體驗 的美食出口停車場
【 澳洲 旅遊 】 大堡礁 奇妙海底| $4000兩日一夜船宿體驗| 潛水清單| 凱恩斯| 18 days in Aus | Great Barrier Reef @momokwokMMK. ... <看更多>