#出文救老母
#飲飲食食最開心
話說，我咪答應左大家話會出爆汁甜醋蕃茄食譜嘅？我見聖誕節就到，大家都係時候準備露兩手，我就將個食譜公開啦！
材料：
室溫（不是溫室啊，有人鍾意將蕃茄擺雪櫃嘛！）帶枝車厘茄一盒
八珍甜醋一枝
係呀，就係咁簡單，唔好噓我住，呢個爆汁蕃茄，吃的是手工和心機，而正因為無野可以收得埋，麻煩大家盒帶枝車厘茄買靚一點，散裝的你就唔好買、來自大陸的你拎去餵狗算了。
首先，帶枝蕃茄如果新鮮，個蒂係會癡得好實，唔會搖兩下就甩。你就逐粒用手向外拗，正常會發出清脆的啪啪聲，就可以逐粒連蒂拗落黎，而你亦會嗅到蕃茄枝獨有的草香味。如果你發現你一拗佢就跌晒落黎唔癡蒂，你就知道佢地唔夠新鮮啦。不過無蒂唔緊要，睇落無咁美觀，賓客唔係人妻先生，無人知你俾人搵左笨嘅😉
然後，用刀由蒂下方輕輕介開蕃茄表皮，呈十字型，如果想增加難度，可以學家燕姐一面跳十字步、一面𠝹十字花。個人建議用有鋸齒的餐刀，因為你需要的是很輕輕的𠝹破表皮，鋸齒刀比生果刀較易食力和拖刀，生果刀俾唔識就力的新手試，反而會𠝹得深，𠝹得太深也不美觀哦～
然後就是去皮：準備一煲100度熱水和一煲凍水，將所有已切好花的蕃茄，一口氣輕輕倒進熱水，決勝負的時間只有3-5秒，一倒進去，在3-5秒過後就要把熱水倒走，然後立刻把蕃茄倒進冷水。各位很清楚，當慶烚烚之際突然倒一煲凍水落黎，即時會縮到見到皮，唔信？各位可以今晚回家搵老公試試（傳說中的黑太陽731實驗？！）咳... 離題了，總次在凍水裡能阻止蕃茄被煮熟，你只需要在水裡一挘，就能把蕃茄去皮。（如果你的蕃茄唔新鮮，可能要在熱水多幾秒才能褪皮）
然後就很簡單了，把八珍甜醋加熱至約50-60度。怎樣是60度？你擺隻手指落去，頂到一秒先想縮就60度，即刻條件反射縮就肯定太熱，如果見到煙就直情錯曬，唔好擺隻手落去，加藤鷹都死啊！
夠熱了吧？就把去皮的蕃茄擺落甜醋內，熄火，浸到佢攤凍，再轉容器擺入雪櫃，最快3-4小時就食得。如果想上色靚，每隔兩三個鐘反佢一反，等浮面的那一面都上到甜醋的顏色。
擺夠一日的話風味更佳，兩日就開始收水有梅乾的感覺了... 到底你要嫩滑的口爆蕃茄、定係要葉劉式滲漏蕃茄，大家根據自己口味決定擺幾耐啦！唔好笑呀，我認識某金融才俊，就是喜歡佢老人家的「滲水長劉」，所以口味這回事，很個人的，你幸福我就祝福你了。
#Bitches_got_talent
#必廚好煮意
#無收八珍甜醋錢架
#但我強烈建議大家要一齊唱
#八珍甜醋份外香
#識得唱呢句廣告歌嘅朋友都唔年輕了
#記得食嘅時候提親朋好友係一口就好
#唔好切開
#亦唔好咬一半滴到成身係
#大佬我同完隻法國仔食飯都返黎整口爆食譜
#係咪抵讚先
#我梗係唔會寫食評啦
#我呢啲良家婦女點會做出傷風敗俗之事
#點對得住我個精接牌坊
#打錯字添🙈
#感謝咸池桃花
