Search
奶爸好忙，因為今日係杏凜妹妹（あんちゃん）一歲生日🤩🤩🤩生日快樂～
🎉🎈🎉お誕生日🎂おめでとう🎉🎈🎉
係上個星期六，多毛師奶就問我去唔去湊B搞八爪魚丸派對，我見有小朋友玩就搖身一變做奶爸mode☺️
去人哋屋企又點可以兩手Fing fing呢？買少少餅乾仔同零食想去都好呀！而聰明嘅多毛師奶竟然順手買埋生日蛋糕，預祝あんちゃん一歲生日添🎂（其實我連啲B幾時生日我都係唔知😂）可能我哋喺廚房切餸太大聲，嘈醒左呢個衰豬～喊到拆天咁樣匿埋喺媽咪身邊！！好再煲多兩煲friends咗就對我已經放下戒心‼️
名義上係八爪魚丸派對，我食咗幾多粒八爪魚丸應該五隻手指數得晒，因為我大部份時間都係同杏凜妹妹玩🙊疊數字杯又搞破壞，爬來爬起又怕佢撞到，企起身唔夠腳骨力驚整親，我直情全天候360度望實啲個B😅😅😅
重點係陪杏凜妹妹唱兒歌手舞足蹈貼我扭作一團，嗰個moment係全日最冧最enjoy，直頭當人哋個老豆無到😏how sweet🤦🏻♂️🤦🏻♂️🤦🏻♂️下次見面嘅時候可能要索吻兼威迫佢叫我做「靚仔仁叔叔」了🙊
ps：如果搵童星搵我啦～等我做佢地經理人😅😅😅
曾幾何時我會有個理念，希望公司可以好似一個家庭咁對待同事！好唔好就兩睇，曾經係香港做過一間event公司有俾過呢個錯覺我🤦🏻♂️
今朝返到公司，社長就叫我俾顔写真佢～我知佢想整tag，諗咗陣俾搞笑樣佢好定正經樣佢！佢最後都衝咗去我個位到影相，返入去幫我畫咗我個樣上呢間「家庭」裡面😣😣😣早排先同多毛師奶&惠依子呻我好似融入唔到佢地，呢頭社長單方面搞呢一大壇嘢！！一向鑽開牛角尖嘅丫仁會怕其他同事點睇😱我會寧食開眉粥，莫食愁眉飯😉👍🏻因爲同事有可能對足24小時，陪你時間仲長過社長架嘛😂😂😂
ps：係香港我會覺得畫自己個tag好低能，但今日收到社長親自畫俾我proof個下好感動🙇🏻
邊個話小朋友係天使？佢地係徹徹底底嘅惡魔，可以瞬間溶咗你個心😈😈今次我一遇就遇到三隻俘虜我心嘅小惡魔🙈🙈🙈
同日港遠戀到同棲生活多毛師奶夾好咗去參見佢地之前買少少「貢品」進貢俾俾面小弟留下好印象嘛😂有咁多小朋友係到，當然想坐得舒服d同佢地玩。但可能八月係處於夏休，好多餐廳都勁爆～多得多毛師奶臨急都可以訂到晴空塔31樓嘅勁華麗餐廳，先可以舒舒服服 high個貴婦afternoon tea🙌🏼🙌🏼🙌🏼🙌🏼
今次有曾經肆無忌憚壁咚我嘅安梨ちゃん，腳骨力強健嘅 慧ちゃん的日本奮鬥育兒日記 小米同第一次見面嘅 老人與我在東京的日常生活紀錄 🍙草草見面😱😱😱太興奮啦～一見到就失晒理智搶咗佢地個B抱入懷中先，吸收下蘇蝦仔嘅蘇味🤤🤤🤤
三個月齡相距差不多大，但抱起來手感截然不同。安梨ちゃん開始怕陌生人，要同佢玩「煲熟」咗先對你甜絲絲傻笑，一笑我就成身軟晒，完敗🤦🏻♂️
小米肉地最好，腳仔實啲啲蓮藕咁，第時曉行曉走個時捉住佢踢波！上次因為爸爸係到收儉咗好多，今次仲唔盡情糟質夠本？
草草就第一次見唔敢亂來，抱住佢個時好似抱住堆肉.....唔係.....係脂肪🙈因為摸草草肚腩仔同摸自己肚腩個團脂肪一樣鬆泡泡☺️☺️☺️可能被兩個面珠仔嘅影響，同草媽直言草草好似飯團而頭髮濃密到似紫菜放咗係尖尖頂位🍙
雖然係對住晴空塔食lunch，我完全唔知食咗啲乜嘢落肚，只係顧住抱完一個B接手另一個🤤🤤🤤🤤根本就係比三個小惡魔勞役，但係我嘅ドM被虐心態又好滿足，我懷疑自己係一個鍾意小朋友鍾意到想自我繁殖嘅好變態嘅叔叔😱
最後開一個相簿去記錄自己做奶爸嘅被勞役日子，多啲嚟密d手😂😂😂歡迎各位日港混血B加入虐待我😘
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
銀座開新商場叫ginza 6，之前我都帶大家率先參觀。可惜嗰個時候中村藤吉排晒長龍，丫仁又自己一個人所以就冇去食???
之後同多毛師奶溝通過，原來佢都想試下參觀下，就爽脆應約一齊參觀之餘，再去試吓中村藤吉嘅魔力?話晒香港分店永遠都排晒長龍，假日始終食極都食唔到?難得佢喺東京開第一分店，即刻去仕事呢個抹茶專門店嘅抹茶係咪blogger所講好食到曉飛......
果然係名不虛傳，綠茶同埋煎茶係非常之出色??????入到去店舖已經每枱有一壺叫「中村茶」食水雖然好淡，但係茶味非常之濃，而且仲可以無限添飲??
芭菲有好多層唔同嘅東西組成最先有布甸狀嘅厚奶蓋層，其次就係茶味濃郁嘅海綿蛋糕，仲有白團子、紅豆蓉、脆脆、栗子及雪糕等?總之食到你甜到漏為止???到你喉嚨已經唔能夠再食嘅時候飲返之前嘅中村茶解甜，瞬間可以在食埋剩低嘅底層?
除咗甜品出色之外，中村藤吉亦都有綠茶蕎麥麵等熟食，價錢同甜品差不多！我哋兩個都非常之滿意呢一個放工後解壓恩物，丫仁實變硬肥仔啦
懇請大家陪住【丫仁】成長，緊貼我最新動態 ♫
分享在日期間的生活，點滴累積成長！
【丫仁】's FB：https://www.facebook.com/WHJP2015
仲有，緊係要【Subscribe】我既youtube channel啦！
