#暑假好去處 #隱世臨海親子餐廳CafeRoma #pizza工作坊
夏天當時要同陽光玩遊戲啦！
小朋友最鐘意玩沙 ， 次次去沙灘都要帶一大袋野，有冇啲方法可以玩得Chill 啲又特別啲？
今次就帶左雯雯豬去左馬灣Cafe Roma🍕
參加Pizza工作坊！ 玩足一日呀！
之前都好鐘意嚟CafeRoma , 呢度絕係一間非常親子有善嘅餐廳。啱晒我呢啲要湊女又想輕鬆食飯飲野傾偈嘅媽媽們。
因為呢度同馬灣東灣泳灘相連，餐廳門口有個戶外沙灘遊樂區。
有齊大量沙灘玩具、城堡、網床、滑梯…
乜都唔洗帶，小朋友可以玩沙，媽媽我就可以嘆住冷氣睇住佢玩！ 絕對爽到爆！
唔好聽馬灣就好似好遠咁，其實去馬灣嘅Cafe Roma都好快！ 青衣、荃灣或葵芳均有巴士直達，車程只需15至20分鐘，交通非常方便🥰
今次呢個工作坊啱晒雷小囡，佢成日都話要整野食，整pizza就啱晒佢啦！
呢度有好專業嘅廚師👨🍳教路，媽媽我仲可以喺旁邊偷下師🥰
每人一個Pizza嘅麵團 ，加上超豐富材料，小朋友可以一手一腳完成，完全唔洗（唔俾）我幫手。我可以輕輕鬆鬆影下相，爽爽的🥰
兒童餐仲非常有特色，「Cafe Roma x Marcus & Marcus Amusing Kids Set 兒童套餐」
包括：是日餐湯、主菜、新鮮雜果及果汁。主菜提供兩個選擇，番茄西蘭花蝴蝶粉及迷你夏威夷薄餅。
餐具選用色彩鮮艷Marcus & Marcus嘅皇牌產品沙灘玩樂餐盤盛載，立體的沙池、城堡及小水池等，以觸感加強小朋友的用餐體驗。 每個小朋友見到勁興奮，特別開胃😋
就算唔玩沙、唔玩工作坊，呢度都有好多玩具俾小朋友玩，拼圖、仲有圖書閣、顏色筆同畫紙。
乜都唔洗帶，都唔怕小朋友悶啦！
懶媽湊b首選🥰
食飽飽仲可以去沙灘🏖️游水玩沙！ 玩足一日呀！
工作坊詳情
收費：每位小童港幣$320
費用包括：薄餅材料、果汁一杯、證書一張、廚師帽及圍裙套裝
工作坊時間：上午11時至下午12時
名額：四位小朋友起即可自組工作坊
對象：適合2歲或以上小孩參與
日期：逢星期二至日
*需一星期前致電(852) 3446 1226或電郵(reservations@caferoma.com.hk) 至餐廳預約
@cafe Roma
地址：香港珀麗灣沙灘商場地下 7-8 號舖 (馬灣東灣泳灘右側)
營業時間：下午12時至晚上11時(逢星期一休息)
電話：(852) 3446 1226
電郵：reservations@caferoma.com.hk
網址：www.caferoma.com.hk
Facebook：www.facebook.com/caferoma.hk
Instagram：www.instagram.com/caferomahk
夏威夷pizza遊戲 在 壓倒性好評價的免費遊戲『夏威夷披薩』也太殘忍【Pineapple ... 的美食出口停車場
大家因為我的關係都沒機會跳舞了【鳳梨披薩夏威夷披薩 ... 壓倒性好評價的免費遊戲『夏威夷披薩』也太殘忍【Pineapple On Pizza】. ... <看更多>