心情不佳決定黎屌下鬼，講下自己中伏野！頭盔唔適合我唔代表唔適合你，如果下面有講到你中意嘅產品請不要hard feeling，如果係我用錯或者誤會左個產品歡迎提醒我！
·
//自購// OPI Expert Touch Lacquer Remover
買個時店員話可以卸除soak off gel，諗住有時可以自己卸俾啲指甲抖下，店員教我用法係：先用指甲挫磨走表面層coat，用呢支remover浸濕化妝棉，再加一層錫紙包住手指等15至20分鐘。🤯步驟咁繁複但係我都試咗好多次，發現淨係磨走面層嘅coat係唔夠的，要狠狠地磨到層soft gel勁薄，薄到幾乎見到自己嘅真指甲，再濕敷勁耐，先叫卸到，而且都係差唔多咁傷指甲。因為我屋企無磨機，用指甲挫soft gel 真係勁攰兼勁浪費時間，同埋浸濕化妝棉嘅用量都唔少，卸多幾次好快用晒支野。💸可能我方法唔啱？或者可能屋企有磨機先會覺得好用？我諗我都係出去俾錢人幫我卸算。😭
·
// @samanthaluiii 轉贈// CHANTECAILLE Just Skin Anti-Smog Tinted Moisturiser SPF 15
我知呢支野賣點係低遮瑕，但係真係太低啦！低到我唔覺得自己搽咗野，張相我搽咗上手之後要即刻mark返邊面搽咗邊面未搽，如果唔係我自己都分唔到搽咗同未搽有咩分別😂 可能我皮膚唔夠好？什麼修飾毛孔個啲我完全感受唔到🤣總之就係國王的粉底，不是我的菜。
·
//自購// ADDICTION Concealer Palette
有三格深淺不一嘅膚色遮瑕，色號唔夠白，只有一格我用到，同埋身為concealer palette 竟然無corrector🤯。其次就係有啲乾，好容易卡紋或者一撻撻，遮瑕度都唔係特別出色，好多牌子嘅concealer palette都好過佢。😕
·
//試用// TALIKA Lifting Creamy Eyeshadow
其實jit出黎隻顏色我幾中意，可惜唔夠顯色，搽得薄係眼皮上幾乎睇唔到，搽多一兩層就會因為膏體太濕潤而kick哂係雙眼皮摺。持久度一般般，同埋所謂lifting效果我係完全感覺不到。😴
·
//自購// CEZANNE Pearl Glow Highlight
係好閃好反光效果好高調無錯，但真係好顯毛孔同皮膚紋理，妝感都幾粗糙，雖然好平但不推不推。
·
//試用// REVLON PhotoReady Instant Cheek Maker
流線型設計理論上係俾你係顴骨位掃一下再blend開就搞掂highlight同胭脂，但實際用落個位唔係好夾我面形，最後都係要用手指上。第二就係呢個色號太太太深，我完全用唔到，我諗普遍香港女仔膚色都唔會用到呢隻色，所以十分抱歉，要將佢列為伏野。😣
埋線雙眼皮香港 在 自然款埋線雙眼皮$9800 改善：天生單眼皮眼皮下垂/鬆弛大小 ... 的美食出口停車場
自然款埋線雙眼皮$9800 ✨ 改善：天生單眼皮眼皮下垂/鬆弛大小不滿眼睛不對稱 （ 價錢已包含所有醫生費用/麻醉/藥費/複診） - 歐美混血款埋線雙眼皮$12800 ✨✨ ... <看更多>