Staycation in the wild - 坐農夫車住進農場
雖然上次camping 嘅地點有啲伏，不過無損大小公主對camping 的興趣，彷彿大小公主不自覺地愛上露營🏕️ 今趟我哋不如住進農莊啦！
香港原來好多地方都自稱 #農莊，不過大部分都係得兔仔、羊仔 同埋小量花圃🤷🏻♀️
由於上次經歷咗同豬豬味共存一晚後，今次我認真的研究附近有冇豬場，以免又中伏😅 事不宜遲，同大家分享下有咩玩啦！
#坐農夫車入營
由於泊車地點同營地有段距離，所以營方可以安排小型農夫車🛻載你入去。路程唔長但係好刺激！我和大小公主同埋行李一齊坐響後面，就好似坐住tuk-tuk 響村莊小巷行走，
有片你睇 ➡️ https://bit.ly/familycamping2102
#雞全部都係雞
恕我見識少，我真係好少見咁大隻活生生嘅火雞🦃️周圍行😅
最特別係有幾隻母雞、公雞同火雞響我哋附近自由放養，佢哋好似巡邏小隊咁來回行走，大小公主第一次咁近距離見到咁大隻雞覺得好新奇😆 跟住又延伸問我哋rooster vs hens vs chicken 嘅分別，差啲俾佢哋考起😅
雖然我成晚都擔心會俾啲雞啄我哋個營，不過睇嚟係我大驚小怪😛 第二朝真係聽到雞啼即醒，想瞓多陣都有啲難度⋯⋯🥲
#沒有期望是最好
好多家長都會關心廁所問題，更何況帶住比較年幼嘅小朋友。今次終於唔係流動廁所喇！ 不過卻遇上踎廁🤦🏻♀️ 經過今次camping 大公主又一成就解鎖🔓 😂
#小朋友天地
農莊設有遊樂場，亦有小量單車、滑板車、平衡車俾大家自由使用，響營區唔同地方都有彈床，小朋友可以盡情放電 ⚡️
今次我哋仲同大小公主玩爬樹，一齊坐響樹上睇風景👀
#夜闌不寧靜
現實與幻想總有落差🤷🏻♀️
雖然每個家庭嘅營區都有一定距離，不過到夜晚十一點幾多嘅時候仍然會聽到其他老遠嘅小朋友響度打緊機大嗌，唔通8/9歲嘅小朋友真係咁夜瞓㗎？
#reflection
每一次露營就好像上一課 #生命教育，每一次的體驗也為大小公主的adventure log寫下新的一章。
為免篇幅太長，稍後再和大家分享一步一驚心的「踏上水管去收割」和「小飛一家」🐥啦
大家記得要禁個like 先睇到日後嘅分享㗎💗
地點響邊？
📍 BeeBeeFarm 小蜜蜂農莊
#mimimomoma #mimitreeba #MRsisterhood
#親子博客 #快樂童年 #CoolHKG #本地遊
#親子露營 #香港露營 #hkcamping #自費系列
坐農夫車入營 在 #坐農夫車入營 - Explore | Facebook 的美食出口停車場
explore #坐農夫車入營at Facebook. ... Staycation in the wild - 坐農夫車住進農場. 雖然上次camping 嘅地點有啲伏，不過無損大小公主對camping 的興趣，彷彿大小 ... ... <看更多>