關於 地鐵圖沙中線 ，我們在網路上蒐集到這些相關的討論、資訊與評價

［港鐵舊年蝕48億］應該史上第一次。不過，三個原因，肺炎同物業重估就預咗啦，個個月出車務數字喎，物業價亦都人人見到，頂多係沙中線整多14億撥備可能少少意外，股價影響？冇乜。分分鐘升添呀！對公司嚟講好細數字。但呢啲市，梗係睇其他嘢。唯一想知佢減唔減派息

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
告個急先：Ivan已被炒，3月開始失業。未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年我已經寫咗25篇，篇篇三千字，冇苦勞都有肺癆
＝＝＝＝＝＝＝＝＝＝＝＝＝＝＝

1. 首先講歷史，連埋今次，港鐵過去18個月內都出咗3次盈警。（唔想睇歷史嘅skip去第6點），3次我都有寫文。

2. 首先係2019年7月，2019年半年業績盈警＋沙中線20億撥備（https://bityl.co/5GKd）。舊文link（https://fbook.cc/3Kdh）．唔睇都得。

3. 之後係2020年7月，2020半年業績盈警（https://bityl.co/5GKZ）。我篇舊文（https://fbook.cc/3Kdg），長，但好詳細解港鐵盤數。

4. 新鮮滾熱辣嘅係2021年1月，2020全年業績 ＋ 沙中線 （https://bityl.co/5GKO）。今篇文寫

5. （留意，2019年嘅全年業績係冇出盈警的，因為全年盈利係跌，但只係26%。所以18個月出咗3次，唔係4次。植樹問題）

6. 順手解兩隻術語，EBITDA同EBIT（識嘅skip去第6點）。EBITDA係 Earnings Before Interest, Tax, Depreciation（折舊） and Amortization（攤銷，你當係無形資產折舊，唔明有得佢）。蔡東豪嘅名句，易必打就唔係純利，你不能下個月拎EBITDA交租。某啲行業，ITBA呢四大金剛可以扣走好多嘢，港鐵都係。咁EBIT咪 Earnings Before Interest and Tax，即係EBITA 再減Depreciation and Amortization。以港鐵1H20為例，收入216億，EBITDA 102億，EBIT就73億。純利係…冇嘅。蝕3億。因為仲有舊物業重估。

7. 廢話少講，知唔知港鐵主要業務係乜？答收車費嘅，就真係冇乜常識。唔少人知係賣樓，「但其實仲有收租」。不過先定義，你講收入，定EBIT，定EBITDA，定純利先？

8. 咁快手講，即使係比較「正常」（未爆社運同肺炎）嘅1H19，客運呢啲嘢，都係佔收入多，但利錢少（開支好甘）。你睇分部EBIT應見到，客運佔EBIT不多。

9. 然後就快手講下港鐵到底有咩業務。左上角，睇EBIT breakdown見到。有經常同非經常。講非經常先，因為簡單，非經常就係物業發展，即係賣樓，借錢（如要）投地起樓賣畀你。留意非經常嘅嘢可以大過非常，正如公司嘅temp可以做得耐過長，偷情可以長久過結婚。即係咁講。賣樓主要係香港，其實大陸仲有盤架咩？

10. 經常嘅就係所有非賣樓嘅東西。香港客運，收車費。車站商務，站嘅舖租同廣告位（巧巧賺的說）。物業租賃及管理，就係啲商場租，同埋管理費，港鐵啲屋苑都好似係（巧巧賺的說）。大陸及海外，問啲鐵路愛好者（aka鐵膠）咪知，瑞典呀深圳呀悉尼呀澳洲呀都有（都幾好賺）。聯營合營？一大抽，留意包埋八達通，但並唔係好好賺。其他？咪其他，但留意黃色格，上次（1H19）沙中線嗰20億撥備應該係打咗入呢度，今次嗰14億（陣間講）都應該會。

11. 咁今次盈警，主要係講橙色格嗰堆嘢。留意呢度係純利了，純利就只係分經常業務（非賣樓）同非經常（賣樓），記住收租（不論車站定商場）都係經常。咁你見「正常時期」（未爆社運同肺炎）嘅1H19，就「經常業務」好賺啲，之後就唔係。但當然賣樓呢啲嘢，好似撞鬼咁，都要講緣份，幾時book 數就唔解了。應該係賣緊日出康城第6期

12. 但留意，除咗經常業務（非賣樓）同非經常（賣樓）（兩者夾埋你可以叫「基本業務」），仲有一舊東西叫「物業重估」，好多地產公司都會有呢舊嘢，非地產嘅如果有投資物業（有舖有寫字樓收租）都會有。咪啲物業（多數係舖同寫字樓）升跌，就有「重估」嘅賺蝕，半年計一次，會幾貼市價。會影響賺蝕。但，一般分析員呀基金經理都會剔走呢舊嘢唔睇，始終唔係核心業務，同埋可以起起伏伏好大。

13. 今次盈警，主要係講橙色格嗰堆嘢，另外話你知沙中線撥備多14億（留意1H19已撥20億），咁呢舊亦都會係在「經常」度反映，都話唔係賣樓就「經常常」。

14. 先睇經常，估都估到了，1H19時正正常常，之後社運，下半年車務收入呀，租金呀都受打擊。然後1H20仲大鑊，肺炎。你睇最頂EBIT見到，客運EBIT 2H19已係負數，1H20仲負得勁。車站商務EBIT呢？2H19微跌，1H20狂跌。反而租金係企得幾硬的。仲有，啲海外業務EBIT都係大跌，人地都要封城。咁當然，仲要打多14億沙中線落去啦

15. 返返橙色格，公司就話你知，FY20全年經常業務蝕錢11億，而1H20係賺錢，即係2H20蝕15億幾—但，當中有14億係沙中線撥備。撇走呢舊，又唔算好誇張。畢竟你有眼見多唔多人搭，商場有冇人（但禁晚市堂食當然打擊商場）

16. 咁但，唔緊要，賣樓賣得好。全年55億利潤，夠冚上面啲細數有突啦。但留意絶大部份都係1H20入咗數，日出康城6期呀好似

17. 之但又，仲要整舊物業重估嘅損失嘛。但，1H20已經有，2H20反而收窄返。況且，都話分析員基金經理多數唔多睇呢舊數。

18. 總評？除咗沙中線比較意外（但，都預咗，梗係乜嘢垃圾一鑊過爆晒架啦，企管/財務101），其他真係點都估到七八成。有冇人坐地鐵，人人有眼睇。而港鐵仲要個個月公佈數字。至於車站有冇人，同上。商場租金人流，甚至物業減值，分析員基金經理全部都可以相當精準地估到。我總唔會等到盈警甚至業績先忽然知，嘩，原來冇人坐，嘩，原來減咗租。

19. 股價表現呢？真係FC過先知，過去一排話好梗係唔好，但話差？又真係唔算極差。恒指成份股入面，你用年初至今，幾個月，或者幾年睇，佢排名都係中中間間。

20. 對公司財務穩定有冇影響？咪玩啦。1800億book呀，蝕幾十億濕濕碎。2019年都仲賺120億呀。有排未死到佢，擔心下 有線，國泰，TVB （應該大鑊指數由高至低）之類好過啦。又，公司負債比率都唔高的，況且，融資成本極低，你見利息個數都好細。港鐵舊年年中先發咗隻綠色債（＊），兩厘息咋。搵舊文見到，1998年港鐵發債？10厘息呀。

21. 我比較想睇係個派息。如果冇睇錯，公司由上市到而家，都冇減過派息（唔好計特別息）。2008 金融海嘯都冇（你有冇坐地鐵丫，講笑，咁租都係要交嘛）。亞洲金融風暴？公司未上市。咁今次會唔會盡保20年金漆招牌？冇跟開公司，亦懶計數，但似乎keep住2019派息水平唔係問題？

22. 但同樣地，公司亦係上市到而家都冇試過蝕錢。但，就冇話蝕錢唔可以派息嘅。況且仲要沙中線撥備呀，物業重估呢啲係non cash item．唔知，或者唔知點解嘅，就要訂Patreon啦（其實知都要訂）

（＊）綠色債真係同角落生物隻綠色企鵝一樣，十分奇怪，有機會再解。

＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。年費仲有85折，仲係睇13個月添。

【龔成問答信箱】（Q18801-Q18820）

Q18801：

龔sir你好，

1. 一直有個疑惑就係，應該幾時賣出優質股？例如1211，係咪應該不理波幅升到300蚊都唔賣？應該如何判斷？

2. 3033是追蹤科技股的ETF, 會有派息嗎？可以當2800一樣長期投資嗎？合理價怎計算？

3. 疫情關係，請問龔sir你幾時開網上課程？

龔成老師：

1）要賣出一隻優質股，在幾個情況下出現：

第一，已無經質素

第二，貴，現價比亞迪（1211）都貴，所以適度賣出都得。不過，無人知賣出後能否買得翻，所以我暫時唔賣。

第三，已經完成成長，我投資這潛力股，原理就是「投入資金等企業成長」，我就是等公司變到好大間，佢發展電動車，我就是等佢的車更普及，這就是我的收成期。

2）有少少，但投資這個潛力股類的ETF，重點是增值，不是派息。

可以長線。

你預現價合理區頂，跌2成會較合理。

3）我遲d，開一個有關於資產配置的網上課程。

至於股票班，由於內容太重要，暫時唔會。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

------------------------------------------------

Q18802：

龔sir，我最近又去左土瓜灣同黃埔睇，睇中佢明年沙中線，你覺得呢區投資價值係咪相對高些？

最近睇到一間比較心儀近黃埔站就315呎 460萬 30年樓齡

如果新界天水圍 屯門新樓盤發展空間大唔大？唔該曬龔si

因為我地冇乜經驗同埋唔係太識分析樓市發展，就比較冇方向要買邊區

龔成老師：

土瓜灣同黃埔有地鐵後，投資價值提高左，可以作為長線投資的地區。

我地分析一個區份時，會睇左幾近商業區，交通方便程度，以及人口密度，加上將來的物業供應。

在質素上，土瓜灣同黃埔會較好，加上啟德的配套不斷成熟。至於天水圍、屯門，始終質素會弱少少，交通，以及長遠仍有一定的供應，因此整體只算是一般。

你要用「投資者」的角度去分析，交通方便，易出租的物業。

------------------------------------------------

Q18803：

龔 sir，原來follow左你 fb半年一直有睇你啲片同問你意見，由最初個本得50萬到依家90萬只係用左半年，而且學到好多其他人唔會提點你嘅嘢

今次問題係我25歲月入3萬，不過工作好大壓力，我應該點做？唔做？投資半年回報已經係我一年人工，幾多錢先可以做財務自由

龔成老師：

見到你財富有實質提高，太好了！之後要保持進步！

你25歲，是財富增長的黃金時期，要好好把握，盡你一切能力，儲錢，投資，提高知識。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

另外，唔好因為半年的投資成績要太過有自信，投資是長期戰。要保持知識增長。

同時，優質股最好長線投資，對長期財富較有利。

------------------------------------------------

Q18804：

請問你覺得疫情如果過去，本地 reits 會否升返去疫前水平？定香港已失去以前的優勢？( let say 2778 and 778)

你認為電能實業疫後可重返50蚊以上嗎？

龔成老師：

疫情過去後，好多舊經濟股都會上翻D，但未必一定能上到疫情前的水平，因為經濟始終回勇要一段時期。

香港房託，面對的主要是中短期問題，現價其實不少都在合理區中下部，因此都有投資價值。

至於電能（0006），因為有歐洲業務，相信中短期仍弱，由於歐洲本身的經濟弱，因此回勇時間更長，但慢慢會上翻去的。

------------------------------------------------

Q18805：

龔老師又係我呀，岩岩睇緊你本書講緊啲優質股，突然就想問下你點睇中芯國際（981）佢近期因為啲壞消息都跌左幾多下，不過我自己認為佢都有一隻優質股黎

所以想買入做長線既投線，想問下你既意見同埋現價識唔識合

另外，手持一萬股 6088、1.5萬股1762 2隻都係睇長線既回報 麻煩老師比啲意見

龔成老師：

我用整體性的角度分析，中芯國際（0981）業務本身有增長力，但未必能稱為好優質的股。

睇翻佢過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

雖然這股都有前景，但以佢面對的情況，但好難將佢定義為最優質的股票。

加上此股近年升了不少，就算有所回落都唔算貴，加上之前熱炒過，股價大上大落，投資要注意風險。這股唔建議大注。

至於，FIT HON TENG（6088）質素中等，雖然都有投資價值，但企業不是最高質之列，因為企業的賺錢能力始終唔算好強，每件產品賺錢唔多。

同時業績有回落情況，不過，這股始終不是無質素，但預期長遠的增長力只是中等。現價合理。

另外隻萬咖壹聯（1762），則是不過不失。

佢幫助企業與中國智能手機用戶建立聯繫，向尋求移動廣告、網絡視頻產品分發及遊戲聯運服務的行業客戶提供安卓內容分發服務。

集團專有的平台，設有數據挖掘、數據分析及場景分析等技術，以定位於智能手機用戶，並通過智能手機製造商自帶移動應用程序及用戶界面發佈行業客戶的個性化、實時及基於場景的內容。

不過，業務就較為波動，過往雖然有增長，但近年的中期業績出現生意與盈利下跌的情況。業務波動。

這類股有危有機，可能有潛力，但只能小注投資。這刻的投資值博率，只可以話屬中等。

------------------------------------------------

Q18806：

老師 你好！ 我媽媽手上有50萬現金

請問老師有什麼投資產品可建議 是否放在有息股票？ 有邊隻可作推介？

龔成老師：

佢可以考慮投資平穩增長股，加上收息股。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

可以將$50萬，分注投資在上述股（當然，你可以選部分）。慢慢分注入。唔好心急用盡現金，可以用一年時間入。同時，要留有一部分現金，不用能盡。

------------------------------------------------

Q18807：

龔Sir, 剛報讀咗你課程，多多指教

想問下你响5年買樓4部曲提到2822同3140，想問而家買入呢個價算唔算高呀? 謝謝你

龔成老師：

你可以投資盈富（2800）、南方Ａ５０（2822），現價都算合理，不過，唔好一次過入，要分注模式投資，原理是慢慢儲貨。

另外，領航標普五百（3140），有可能退出香港市場，我之前有出過片，你可睇睇。暫時唔好投資住，要睇佢發展。

你可以考慮安碩恒生科技（3067），這都是有質素的基金，不過現價已在合理區頂，因此投資，要慢慢分注去入，不要大注。

我會建議你具體的投資策略，等上完堂先，這樣你會掌握得更好。

股票班見！

------------------------------------------------

Q18808：

老師，我係股票班舊生，有以下問題，有勞了！

1：老師，想問下，假設未有益利既股票，如果用ev/ebitda得唔得？，即係例如saas呢類咁

2：老師，想問物管估值果方面，盈利預測下年應該加幾多好，今年計下年既話，每年20％增長算唔算太高?

3：承上題第2題，老師，想假設d比較冇咁強既物管，好似2168同3662咁，呢類應該比預測盈利要比低幾多？

4：老師，想問一個行業既市盈率高低應該點去介定，假設有部份高既去到60，低既得十幾，有d就廿幾三十，如果遇到偏差咁大既情況應該點做

5：老師，想問假設我用下年毛利增長％套用落當pe用得唔得，即係假設每年增長有30％，比30pe佢咁計得唔得？假設得既話，30％增長應該用黎介定上限定下限好

6：老師，想問你係點計1833個估值 ，因為佢負盈利，好似用咩都唔岩咁 ，係唔係只可以用現金折現計？

7：老師，想問中美咁既關係，你覺得1928之後拎賭牌會唔會有危險

8：老師，我想問6049如果以佢既經營情況，有冇可能上番80以上 ，我見物管類，佢都算跌得最多

9：老師，想問點解某d股票，盈利每年有增長，但估值方面，需要每年向下調，呢個問題上網都搵唔到答案😂
thanks

龔成老師：

1）如果佢未有盈利，但已經有正數的ebitda，這樣就可以用這個方法，作為其中一個估值的方法。不過，這方法一般會較多應用在折舊較大的企業，因此，要睇翻該企業，是否初期的投資金額較大，而每年都有一定的數目要折舊。

2）你要睇翻佢的情況，每間企業不同的，例如你分析翻，佢過往的生意增長力，同時生意增長的原因，是因為母公司支持，還是大環境，你要對過往情況了解，利用過往合理推算將來，不是亂估的。

3）除行業情況外，最重要睇翻佢自身情況，要分析翻佢過往及將來的發展。

4）市場會考慮翻這行業的獨特性、賺錢能力、風險度、增長力等，要分析並不容易。所以你可以用行業平均數據作為參考。

5）並不是咁簡單的。

當然，兩隻會有關係，但推論會較為複雜，只可以話，增長較高，當然可以有較高市盈率。

6）用現金流折現法，考慮預測市盈率的估值等，估值的難度高，因此，就算有最終的估值數，都不能完全盡信。

7）金沙（1928），暫時睇，風險不高。當然，政治可以有任何風險。

8）保利物業（6049）都有質素的。

佢係中國的物業管理服務綜合商，主要提供以下三項服務：（1）物業管理服務（2）社區增值服務（3）非業主增值服務：主要向物業開發商提供案場協助服務。

生意與盈利都有理想增長，現金流不差，本身有質素。但市場有時對這類股有少少熱，股價較波動，加上規模不算好大，因此都有風險。

優質度有的，如本身有貨可持有，但如想入就最好小注。

9）有好多可能性。第一，股價之前已超前反映，昭是之前高估左。第二，市場以「將來」為分析核心，當今年的「將來」，比一年前想象的「將來」，無咁強，股價就可能會向下。第三，分析企業有好多因素的，例如佢負債增加左，都會影響左估值。

------------------------------------------------

Q18809：

Sir ,有D嘢唔明，好多人都話明年股市會大霖; 要減股票總％?減20％?

龔成老師：

唔好信。

真正的股災，是無人能預測的，好多人都講的股災，就不是真正的股災。

我唔知會否大跌，但跟據我20年的經驗，無人能預測到的。

你用翻長期的財富配置，持有優質股，咁就得。

------------------------------------------------

Q18810：

請問龔sir的長期持有投票
是否從巴菲特學的？

龔成老師：

對！

我20年前，是短炒者，技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

十幾年前開始學巴菲特方法，長線投資，每星期逼自己用6小時研究一間企業，逼自己寫分析報告。算是十幾年，贏多輸少。

------------------------------------------------

Q18811：

龔sir，在經濟一週看到一篇關於月供股票的文章，談及以下內容，當中說的是可靠的嗎？

但當組合賬面上升了30%-40%回報，達到一早擬定的止賺水平時，市場可能漸漸出現亢奮狀態，股價慢慢脫離自己可承受的範圍，此時應考慮全部出售，鎖定利潤。

此時手上的金錢已經多出了30%-40%，等待恒生指數市盈率重回12倍以下，再重新啓動此月供股票計劃，日後的複合利益力量就更大。

龔成老師：

我多年前，做銀行，有客供港交所（0388），同我講話只入不出，當年$1X開始供，我唔知佢供左幾多年，有無停，但我相信佢賺左幾百萬。

我記得當年，由$1X升到$20，已是當年的歷史新高，當時有人話已亢奮，其他客都賣，但愈賣愈升，股價一直向上，無跌過。

如果你上述所講的方法，相信連$5萬都賺唔到。

我地一定要分析企業質素，增長力，有質素的股票，是值得超長線投資的。

------------------------------------------------

Q18812：

成哥早晨，電池業務應該會係之後十年嘅大勢所趨，除咗比亞迪之外，請問你點睇1772同埋819？

另外我有月供緊2800，2388，1038，1928。我啲擔心1928，因為如果疫情真係成為風土病的話，酒店業嘅前景仲keep唔keep到...

事關我見到就算澳門0感柒，又通咗關，但都係無遊客。唔知成哥你點睇？

龔成老師：

贛鋒鋰業（1772）是潛力股，但估值較難，分析時的確資料較少。由於上市年份少，我地較難有長期數據分析。

佢為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。集團提供涵蓋五個主要類別逾40種鋰化合物及金屬鋰產品。

其實佢的產品應用都廣泛，包括電池相關產品、化學品、藥品及新材料等，而客戶主要包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。

我相信佢長遠有潛力，有長線投資價值，問題只是平貴度的問題。現價略貴，小小注好了，之後等佢回落先正或入，始終行業有一定的變化。

至於另外隻天能動力（0819）有質素的，同時業務仍在增長中，不過，增長力由過往的高增長，轉為平穩增長。

佢主要係中國從事研發、生產和銷售新能源鋰動力電池、特殊用途鉛動力電池、電動自行車鉛動力電池；廢舊電池回收處理；以及智慧能源解決方案業務。

佢業務都正面的，但盈利就比較波動，因為幾年前曾出現過虧損，這是扣分的地方。近幾年已無這問題，見佢生意同盈利都有理想增長。

不過，這股業務始終有潛在波動，股價上落大，現價仍算合理，但不能大注。

金沙（1928）仍有質素的，疫情只是中短期問題，現時內地客去澳門無之前咁方便，但疫情過去，又會回到正常，你不用擔心。這股長遠仍正面的。

------------------------------------------------

Q18813：

你好龔sir，我已經供緊

2800（$8000）
1211（$3000）
9988（$3000）
1928（$3000）

現在考慮再供多一隻，考慮緊1177（$3000）或者12（$3000）。

請問龔sir 有咩高見，可以指點我？
謝謝

龔成老師：

上述的股票，你可以長期月供，如果擔心比亞迪（1211）有少少貴，就減金額。

至於加入一隻新的，要睇你想組合的增長力較高，定較平穩，中生（1177）潛力股，現價可月供，但風險會高D。恆基（0012）就較穩健。睇下你投資目標。

------------------------------------------------

Q18814：

你好，龔成老師。我今年23歲，目標30歲前置業（打算買大約800萬的樓），現時流動現金、股票、基金及保險總值大約40萬。

我有以下三個問題。

1. 假如我將每月能夠儲蓄的$17000，把$9000作月供股票，把$5000買多一份新的儲蓄保險，儲5年。

10年後（33歲)可以選擇取回全部本金及紅利 或 選擇不取回並繼續滾存，最後把剩下的$3000作現金儲備，請問以上理財規劃配置合適嗎？

2. 你認為置富（778）、東航（670)前景發展如何？

3. 你認為現時的內銀股發展如何，我假如投資股票作中長線（5年），我應該首選那隻內銀股？

非常感謝你的時間及教導！

龔成老師：

1）你投資儲蓄保險，不是不可，但不建議太多。

我地理財，攻守兼備是正確的，但同時，你年輕，應該加強增值方面。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，這類儲蓄保險，在理財中有防守作用，但就不用多。如果你到期後，仍想有一部分作防守，可以繼續滾存。

2）置富（0778）正面的，中短期較弱，但長遠無問題，現價合理，都有長線投資價值。

至於東航（0670），其實航空企業的賺錢能力唔強，加上風險高，因為好受油價、對沖等因素影響，東航長遠仍會面對這情況。

雖然本身都有一些業務上的質素，但企業長期價值增長有限，行業有風險。因此投資價值未算好高。

3）你應該選「平穩增長股」，因為你年輕，同時你有5-7年時間累積財富，因此不用太保守。而內銀只是收息股，增長力不強。

------------------------------------------------

Q18815：

你好老師，我今年24歲，因為疫情關係收入唔係好穩定 所以現金唔多。

之前一路月供緊盈富基金$1000同領展$1500 依個月先開始供阿里巴巴同港交所 想問會唔會太遲？

另外想問我呢個年紀月供啲咩潛力股好？同資金唔多有咩潛力股票可以買？

thank you辛苦老師了

龔成老師：

你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你原有的股，可繼續供。

至於加入一些潛力股，可以，但金額這刻唔建議太多，因為始終唔平，但如果你這類股在組合完全無貨，就月供少少合額。

你可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

------------------------------------------------

Q18816：

龔sir你好，今年我20歲係一個00後，一考完DSE就出黎做嘢，宜家做緊咖啡師，一個月得13000，給得家用同給其他嘅興趣班

一個月得翻4000自己用，唔好講儲錢自己用都差少少，我想改變現狀，睇到你嘅班我好上去上堂，但時間全部都唔啱

我想問一下有冇其他嘅班，或者網上教學我都可以架，我寫咁多係因為想龔sir睇到我嘅誠意

龔成老師：

現時你年輕，可以把握機會學多些野，暫時可以好好做咖啡師，再慢慢想進一步的發展，唔能夠永遠停在$13000，中短期就無問題。

這刻，我會建議你大量閱讀投資書，因為時間較彈性，這是最好的。

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的12本書：

《80後百萬富翁》（第8版）
《80後2百萬富翁》（第4版）
《80後3百萬富翁》（第2版）
《財務自由行》（第6版）
《大富翁致富藍圖》（第4版）
《50優質潛力股》（第3版）
《50穩健收息股》（第3版）
《50值博倍升股》（第1版）
《股票勝經》（第3版）
《選股勝經》（第2版）
《年報勝經》（第2版）
《5年買樓4部曲》（第1版）

另外，我有可能在下年，開一個有關於資產配置的網上課程。

至於股票班，由於內容太重要，暫時唔會。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

------------------------------------------------

Q18817：

老師，持有不小美金，但市面美金儲蓄保單要lock3至5年，流動性低，想買 美元etf,有冇建議及推介

龔成老師：

最簡單的方法，就是投資一些指數基金，例如VOO，就是追蹤標普500指數，如果可以承受風險，就可考慮QQQ，是追蹤納指的。

你可以以分注的模式，慢慢去入VOO，都是一個不差的財富配置。

------------------------------------------------

Q18818：

老師，我想請教下 我想係3年內做到財務自由 月入只有17000 流動現金只有10萬 現時同家人住公屋 供養母親 早前有買過股票 亂打亂撞都總算有賺 現時持有小米2手 現時輸緊 等回升在放

我用哂10萬現金去抽螞蟻集團都未必中到 我見人地買牛熊證 我又唔識 唔清楚。上網搵過下資料 但係都毫無頭緒

龔成老師：

財不人急門，你想財務自由，這當然是一個好目標，但都要用合理的方法，一步步進行，而不是盲目去衝。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，你現時應集中投資平穩增長股+潛力股，令財富增值。

但要留意，這不是炒賣，而是累積，是長線投資。

至於牛熊證，不要投資，輸多贏少的。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

同時，我強烈建議你增加投資知識，有知識就可以提高回報，你可睇《股票勝經》或上堂等。

月供股票方面，你可以考慮月供$5000。

盈富（2800）$2000。

另外再加1、2隻（每隻$1500）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

------------------------------------------------

Q18819：

你好，請問我第一次工月供股票現在揀什麼好優質股目標用年？感謝你嘅分享

龔成老師：

咁樣我簡單解釋下先，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入盈富基金（2800），假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

如果你無乜投資經驗，會建議你供盈富（2800）。

------------------------------------------------

Q18820：

sir..我9月失左業
我宜家好迷茫

我可以點樣去草多啲錢
我流動資金得2萬左右

我係咪要繼續腳踏實地搵份工
我唔識買即日個啲買入賣出既股票
我可以點做

有咩書可以幫我一把

龔成老師：

人生總有起跌的，最重要是低谷時，仍保持正向心態。

你這刻，最重要是令自己有穩定的收入，因此「找工作」是你這刻要做的事。

短炒買買賣賣，無法賺錢的，我過往做銀行、證券行10年，見果D短炒的客，就是輸得最多的一群！

理財要一步步，先有收入，再有儲蓄，有一定現金後，剩下資金投資，令財富增值。

你可睇：

《80後百萬富翁》
《股票勝經》
《財務自由行》

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q16961-Q16980）

Q16961：

龔成老師你好！

1）我想問下睇完一本投資書可以點樣應用去現實生活？

2）同埋我想知點樣可以睇書睇得快啲？

龔成老師：

1）當然是應用啦，將現金，有效轉到股票，令財富增值！

以《股票勝經》及《年報勝經》來說，睇完後，你就可以在全港的上市公司裡，選一些有質素的企業，可以跟據中的指標去分析。

銷定一些初步有質素的股票後，就可以分析年報，了解企業的質素，以決定是否買入，買入多少，咩價買入。當你做這個過程多，你的「等待買入名單股票」就會多，當大市回落時，就睇那一隻較有值博率，然後作出投資。

2）可以學下速讀。

又或選一些較有用的書，例如巴菲特已講明技術分析無用，如果你再睇技術分析的書，就是浪費時間。

------------------------------------------------

Q16962：

老師你好，之前一直有睇你啲文章，
已經開始做緊每月供盈富基金3000

有個長遠計劃想問問老師，本人32歲，月入48000左右，無乜投資經驗，與家人同住，其實開支都比較大，每月可以淨到8000蚊，但有3000已經供緊盈富。

如果想喺6-7年後 可以儲到錢買樓 （600-700萬）你覺得有無可能？或者我應該如何分配才可以達標？

龔成老師：

如果6、7年時間，每月儲$8000，一年約$10萬，6、7年連投資回報約有$100萬，你可以作為首期買樓，但要睇到時是否供到，自己的收入及負擔情況。

如果想穩陣D，你一定要加大儲蓄力度，每月要自己儲到$10000-$12000。

月供盈富（2800）加到$4000，再加上其他股去月供，加2隻（每隻$2000）：銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

如果你不懂股，就集中供盈富$8000。

同時，你要留有一定的現金，這會成為你成敗的關鍵。

以你的年齡，財富仍有一定的增值力，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16963：

請老師分析一下9923移卡前景

龔成老師：

移卡（9923）是有風險，有潛力的類別。

首先，佢的業務為一站式支付服務，包括基於應用程序的支付服務及傳統支付服務，並支持逾500款發卡機構的移動應用程序，以支付為基礎的科技平台。

其中包括微信支付、支付寶或雲閃付，涵蓋了中國大多數的電子錢包。

另外，佢業務亦有科技賦能商業服務，即是提供商戶ＳａａＳ產品（包括實時庫存管理、消費者關係管理、智能訂單管理及全方位僱員管理）、營銷服務（包括量身定製的精準營銷及客戶忠誠度計劃電子工具），以及金融科技服務（包括助貸服務、委託貸款及保險轉介服務）等增值服務。

睇翻佢的財務數據，增長快速，但業務變數大，行業有不確定性，估值上比較難，這一定會令股價上落大，這刻仍唔平，投資值博率只是一般。

你預佢有潛力，同時有風險，如果控制注碼，都可以小注投資。

------------------------------------------------

Q16964：

本人43歲有2名小朋友8 &10 歲，想用月供$5000 盈富，去儲蓄教學基金，另配合恆指市盈率高低來高沽低買策略，是否合適呢？

龔成老師：

如果你每月月供$5000盈富（2800），同時有現金剩，是可以的。

這是一個較為平衡的策略，部分資金長期供盈富，同時間，你手持又一定的現金，當大市較平或較貴時，適當買賣，不過，記得要長期進行，唔好太著重中短期的市況波動。

------------------------------------------------

Q16965：

龔sir，恒基如果嗰年有10送1紅股，咁佢嗰年除淨日就會調整返送紅股後嘅股價，連帶以往嘅歷史股價都會自動調整。

所以我如果想計佢某一年嘅股息率，將佢嗰年嘅每股股息除以平均股價就得，因為個歷史股價已經調整咗之後送紅股嘅影響，所以我唔駛再做調整，唔知我咁理解有無錯。

龔成老師：

股價圖會因應派息及派紅股而調整的，例如10送1紅股，就是由10股變11股，而企業價值不會因此而改變，所以，每股的股價，就會自然地下跌，即是要將股價÷（1+10%）。

其實在計算上，有兩個方法。第一，如果你想計佢的股息率，你其實要找翻當年的股息，除以當年的股價數（唔好用股價圖所顯示的）。

第二，如果你用股價圖顯示的（因為已調整），就要用翻已經調整左，一般財網站已調整的股息數據就得。

------------------------------------------------

Q16966：

成哥我經常睇你發表嘅意見

我今年43歲. 結咗婚, 有兩個小朋友6歲同2歲.
都算高薪, 大概由2018年下半年開始每月用8萬蚊月供股票如下.

盈富基金 - 4 萬
地鐵 - 1萬
領展 - 1萬
煤氣 - 1萬
中銀 - 1萬

會唔會太保守? 應不應該改變下月供一啲atm嗎?
多謝你嘅意見

龔成老師：

你43歲，財富仍有增長的能力，你上述投資的，都是平穩增長股，可以保持，不過，的確可以增加一些新經濟類股，提高整個組合的增長力。

你可以考慮加入阿里（9989）或騰訊（0700），都是優質，有增長力的，每隻加$5000都可以。

當然，你最好在每月月供同時，有現金剩，這是最穩健的方法。

------------------------------------------------

Q16967：

龔sir，小弟最近鬼迷心竅，俾左48,888做XXX嘅代理

但係諗深一層，好似做直銷咁層壓式，過唔到自己心理果關，我應該如何自處好？

龔成老師：

你最緊要分析，佢所銷售的產品，有無實際用途，是否真正受歡迎，你問自己心底，是否連自己都想買？另外，就是睇翻佢的價格，是否真的較平？

如果你發現佢的產品根本無用，大家都是為賣而賣，同時大家的目的都是尋找更多下線，幫自己賣貨，而不是真心認為貨品幫到人，這樣便有問題。

如果你仔細分析，發現有問題，就要停止，盡量想方法減少損失。這也是無辦法，但卻是最理智的方法。

------------------------------------------------

Q16968：

老師、聽從你的建議開始動用100万分注買入，組合如下：盈富，金沙，銀河，阿里爸爸，中生1177，福壽園。
這個組合可以嗎？

龔成老師：

這個組合可以。

盈富（2800）會佔較大部分，另外要留意當中有2隻賭業股，比例不宜過多。

至於另外的3隻股，都是有潛力的，但現價都唔平，你這刻買入，只能小注，等佢回落先正式分注，這樣會比較好。

------------------------------------------------

Q16969：

以下是我的買入價和數量
[email protected]
[email protected]
[email protected]
[email protected]
[email protected]
[email protected]
[email protected]
[email protected]

0823是因為去年以500股一手
被迫買比較多的
佔港股比例最多
達30-40%

1177是看完
你的50隻值搏潛力股之後
去年找低位買的
股價回報最高的一間香港上市公司

我最初想法是
看見0823當時股價只有$56
股息率如果達5%
考慮可否
賣出0435/178/1881
再買入500股0823
並拖低平均買入價

但現在已經上升左
我還是以不變應萬變了

龔成老師：

上述的都是有質素的股票，但在比例上，可以調整得更加好。第一，地產相關股的比例太多，要慢慢調整翻。

領展（0823）比例太多，應該減少至15%，你唔需要一次過減，因為這股始終有質素，你慢慢睇市況，長遠調整就得。

唔好比「買入價」影響左你，最重要是組合的配置。

只外，建議你加入盈富（2800），令組合更加平衡。

------------------------------------------------

Q16970：

老師，我之前買了01610,共1.5萬股數@$1.5,現在升了，@$2.X, 請問這股票潛力如何，我應該繼續長遠持有嗎？感謝幫忙

龔成老師：

中糧肉食（1610）質素中等，唔算差，但又唔算好好，持有價值都有。由於現價仍不貴，你如果持貨不過多，可持有，再升多D先賣出，如果持貨較多，就這刻賣部分。

------------------------------------------------

Q16971：

龔sir,你好，由上年問完你問題後，我六月開始左月供股票，盈富同友邦各月供$1000，不過今年個市唔好，都蝕緊

而盈富派息又少左，加上有消息指黎緊應該買有中資成份既港股，係咪應該將個組合轉一轉丫？

如是，買中電同香港電訊可以嗎？

謝謝
定或是轉買金沙，長建，中銀？

龔成老師：

首先，你唔需要太著重中短期的情況，月供是一個長期的策略，你現時月供的，都是有質素的股票，你可以保持進行，唔需要有任何改變。

如果月供要有最大的效果，最好就是股市「先跌後升」，你就能保持買平貨然，然後長期有好回報。

至於你上述的股，都是有質素的，你可以儲多少少現金，之後先慢慢買入。

------------------------------------------------

Q16972：

您好，請問9988阿里爸爸在業務上，是不是大致上同700騰訊差不多一樣？謝謝

另外，買賣股票是不是不建議在證券行到買賣？我剩係知道證券行手續費係超平，雖然係超平，但我都不會考慮使用，我買股票都係中銀做買賣

龔成老師：

業務不同的，但都可以講話是同行類別。騰訊（0700）以通訊平台起家，從中建立了一個很大的系統，當中已擁有了大量的客戶，以及大數據。至於阿里（9988），則提供一個商業平台，例如淘寶，並延伸發展很多項目。同時，佢亦進行很多新項目的發展。

如果你想買賣股票，銀行與證券行都得，銀行較方便及穩健，證券行就較平，你自己喜歡就得，其實香港的監管不差的。

------------------------------------------------

Q16973：

老師，你好，我有保誠（100元入）及阿里爸爸（187元入），是否值得長線下去呢？

龔成老師：

這兩股都是有質素的，可以持有。

你買入價合理，無問題，加上這兩股仍有發展，長遠正面，只要你不是過度集中，你可以長線持有的。

------------------------------------------------

Q16974：

龔老師你好，我是在大陸出糧，在大陸工作的人士，之前都是出糧之後，把人民幣換成港幣，然後月供股票。可是現在由於人民幣的貶值

每一次兌換港幣就已經是直接虧損了百分之十幾。而且聽說人民幣還會繼續貶值，如果這樣的話，我是不是暫時停止月供股票？

或者我是不是應該直接在大陸分段買入大陸的A股，這樣就不需遭受人民幣貶值的害處？ 大陸的A股，有沒有什麼推薦？敬請指點。

龔成老師：

你其實仍可以轉成港幣，但可以同時將部分人民幣，投資國內股票，兩邊並行都得。

雖然近期人民幣貶值，令你換到數港幣少左，但以長期平均的角度分析，你並沒有「蝕」，只是無之前換得這麼多港幣。

由於好難推將中短期人民幣的走勢，所以你只要長期保持這樣做，繼續將人民幣轉成港幣並買股票，是無問題的。

當然，你同時將部分資金，以人民幣買國內股是可以，最簡單就是投資一些指數基金。

------------------------------------------------

Q16975：

您好！請教一下，請問你會建議在投資落保險公司的儲蓄計劃嗎？你有何看法？

龔成老師：

這類保險公司的儲蓄計劃，都有投資的價值，最重要是配合你自身的情況。

我地進行理財，要攻守兼備，做好防守後就要進攻，而這類產品，是防守部分的，回報不高，但風險不大，在財富分配上，可以投入部分，但就不用太過多，因為應善用餘下資金作投資增值。

另外，對於不懂投資的人，與其亂投資，不如買這類儲蓄計劃。

------------------------------------------------

Q16976：

龔爺
你好 人生交叉點

應該用幾多成人工供樓呢
樓價未來半年或否暴跌爆升呢 中美貿易、國安法等等
是否睇定d比較好呢

龔成老師：

我相信香港經濟會轉弱，樓市會受壓，在1、2年內，不過不是大跌，只是小回。長遠來說，香港樓仍是供不應求，因此會向上，你要睇下能否把握到機會買樓。

至於供樓金額，如果可以的話，是人工的3成以下較穩健，但如果無訪辦法，勉強就是5成以下。

------------------------------------------------

Q16977：

老師，你好！我有投資問題想請教。若每月可以儲3萬，手上只有50幾萬，想5年後退休，可以點分配投資組合？
我想係泰國曼谷買樓，租比人收租，值得做嗎？
先謝謝你的指導

龔成老師：

泰國樓，要睇你地的熟識程度，只要是市區，租金回報率不差，而你又對當地的發展及租務市場有了解，都可以考慮。

曼谷是大城市，物業都有一定的價值，但你都要同時睇當中的情況，區份等因素。

其實海外樓，不少回報都比香港樓高，投資價值是有的，但當中一個關鍵位，就是「你熟識程度」，因此當地的法例、租務市場等因素，都與香港不同，你要先了解好，才可進行。

你可以先加強了解，如果投資，都建議你唔好用盡資金，最好部分資金投資泰國樓，部分就在香港持有優質股票，建立一個平衡的組合。

------------------------------------------------

Q16978：

龔sir, 想請教下
我今年26，月入25k, 資產約90k
由於想30歲前結婚，如果想做個3-5年的中線投資 可以有咩部署？

另外女朋友資產同我差唔多，會唔會有啲穩陣長遠既股票適合現價入市？
現時揸緊
友邦 $70.5@1手
美團 $155@1手
其餘現金

想問下需唔需要轉持其他股
拜托晒

龔成老師：

3-5年，都可以算是一個中長線投資，財富都能有一定的增值。

你地可以投資「平穩增長股」為主，再加少少潛力股。

友邦（1299）是平穩增長股，你可以持有。美團（3690）是潛力股，但這股業務變化大，因此唔建議持有太多，小注就可以。

另外，當你地不斷儲到現金時，都可以投資平穩增長股，盈富（2800）、銀娛（0027）、恆基（0012）、中銀（2388）、港鐵（0066）、煤氣（0003）、粵海（0270）、領展（0823）、港交所（0388）、希慎（0014）、太古地產（1972）等，你可以了解下這些股票，然後從中選股。

另外，建議你多增加投資知識，在選股、企業估值、投資時機上落功夫，對你長遠財富有好大影響。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q16979：

其實我覺得 佢呢個諗法好值得鼓勵 尤其是係喺書冇太大壓力嗰陣， 我今年廿六啦， 我都上過你嗰個班今年月頭嗰班，成日遲到行入嚟嗰個唔知你仲記唔記得

我係由寮屋上公屋， 我老豆係做小販嘅， 我自己嗰陣公開試失敗， 讀番書嗰陣都覺得 畀咗屋企好大壓力 而且我讀番我想讀嘅嘢嗰陣同年嘅同學都出嚟社會做嘢起跑線落後咗好多

但最後 啱啱做生意嗰陣都係得幾千蚊 一邊讀緊書， 我自己都冇所謂嘅人脈資金

但係 而家讀緊書輸得起 冇屋企人畀你太大壓力 而且可以試下自己嘅能力

去到畢業嗰陣你可能已經領先緊你嘅同屆同學， 到最後我讀番書 2015年開始創業 去到17年賺咗第一個一百萬 再到200萬再到上年三百萬

一次過追番以前落後咗嘅嘢

嗰陣最後一堂你話你細細個覺得點解人哋屋企咁大咁靚我以前都係咁樣覺得點解人哋個大堂咁靚間屋咁大可以望住個海可以年年去旅行

比個目標自己， 每個人都話而家 呢個社會 好難生存 好難有機會， 我覺得係冇錯嘅

只不過係機會 隱藏得更深 你需要用更大嘅努力 更多嘅時間 去搵到成功嘅機會 少啲埋怨少啲恐懼 做咗先 條路就會越行越闊

龔成老師：

你26歲，可以有好大發展，你現時的牌面已不錯，只要你保持正面心態，保持進步，我相信可以更上一層樓！

無人知自己的極限係邊，一般人唔會試，但成功者就是不斷推自己去極限，從而不斷進步！

過去的環境差，正正做成今天的成功，這是動力的來源，我是這樣，相信你都是這樣。

你思維及方向好正確，我相信長遠會有好大作為，加油呀！

------------------------------------------------

Q16980：

當計算資產比例時，物業是以買入價計算抑或已供咗嘅價錢計算？另外車位是否起碼有3%以上收租回報才投資？

長期好難諗 都唔知下個禮拜會點 haha

希望呢個世界多啲好似你咁+ve 嘅人

龔成老師：

物業以現時的市價計。

如果你有填個人的資產負債表你就明，資產項是計算這刻的市場價值，同時表中會考慮負債，以及自己資本的權益。

當我地考慮會否好集中在某一類的資產時，就要考慮這刻價值的價格及其波動性，所以在計算上，就是「市價」，去計算比例。

車位，3%、4%較是較基本要求，但這刻的確未必找到。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。