評《加油令和！！小露寶：中華料理鬥一番》: 兩蚊睇一分鐘lo-fi特撮 夠晒膠夠晒開心
人地唔評鬼哥評!
呢套俾小朋友睇嘅短片，劇情有夠無厘頭但係好得意好簡單。拉麵跳舞、統治地球、料理暴走，編導有心搞鬼搞怪，作為大人睇，放空腦袋做番個大細路guilty pleasure暗爽一下OK過癮㗎。
小露寶嘅造型升級不少，但神態依然cutie。大眼睛表情生動，動作笨笨激鬼死你。
拍過廿幾集幪面超人嘅導演有意保留特撮片嘅lo-fi特效，手貼emoji、假到爆嘅綠幕場面、同埋嗰啲幾近免費素材嘅戰鬥效果，夠膠夠cult，令觀眾會心微笑。
另外，廣東話配音甚有驚喜，各個人物熱熱鬧鬧恰到好處，唔會太過吵耳令人討厭；對白翻譯方面亦見心思。一句「爸打，幫緊你」從小露寶口中講出嚟，竟然甚有親切感。
《加》片長23分鐘，鬼哥俾咗$45入場。成兩蚊一分鐘，可以話係破紀錄式貴絕全港。呢部幫令和年代日本打打氣嘅懶係正能量電影輕鬆過癮，色彩繽紛又夠sharp，仲有小露寶撐場，係睇得開心嘅。不過真係貴咗啲。
如果戲飛廿鯪蚊，我會推薦睇小露寶長大嘅老鬼粉帶埋小朋友入去睇。
分數就唔俾喇，太難。
#小露寶 #加油令和 #令和 #中華料理 #鬥一番 #特撮 #cult片
Neofilms 新映影片
地球 免費素材 在 110 地球图片合集（免费png设计，背景壁纸下载） ideas 的美食出口停車場
卡通卡通地球藍色地球地球日, 世界地球日剪貼畫, 地球日, 環遊地球向量圖案素材免費下載，PNG，EPS和AI素材下載- Pngtree. 更多信息. ... <看更多>