【全新尊尚旅遊生活品牌「國泰」匯聚國泰航空、馬可孛羅會及亞洲萬里通 】於2022年上半年推出整合會員計劃 現時Asia Miles及馬可孛羅會籍維持不變！
🔍官網公告：http://www.cathay.com/elevateyourlife/hk
🎯詳情：MrMiles.hk/cathay/
最新消息！仲記唔記得先前咪有分享過Marco Polo Club/ Asia Miles出既newsletter到都同時見到國泰疑似改Logo既？呢加謎底揭曉喇！原來嚟緊國泰都真係有個品牌優化整合！不過國泰都同時強調，國泰航空依然係航空公司嘅環球品牌。現階段「國泰」只會係香港推出，而國泰航空就會繼續係全球其他市場運作嘅品牌名稱。
國泰今日公佈匯聚1️⃣國泰航空 2️⃣馬可孛羅會 3️⃣亞洲萬里通，推出全新尊尚旅遊生活品牌「國泰」/ 英文版就「Cathay」！嚟緊幾個月會推出一系列同消費、餐飲、購物、酒店同健康養生有關既禮遇，會員可以有更多賺會籍積分同使用里數既方法。
另外，嚟緊仲會係2022年上半年整合「亞洲萬里通」及馬可孛羅會。先前都見有好多唔同讀者搞唔清楚Marco Polo Club同Asia Miles既分別，相信嚟緊品牌整合後大家都唔會再有呢個問題喇😆！
由即日起至新計劃推出前，目前的「亞洲萬里通」及馬可孛羅會的會籍將維持不變。而 「亞洲萬里通」的里數結餘和有效期，以及馬可孛羅會的會籍積分結餘和額外禮遇，均維持不變，會自動轉移至2022年上半年推出的會員計劃。
現階段未知到時會點樣整合，有咩最新消息會keep住update返大家！
