粵事來潮，必有 #迴響 。
上個禮拜係 #903國民教育 既嘉賓 #山城小豬伯 有份搞既粵文小說期刊，要接受大家預購啦。
上星期，佢地話如果賣到500，已經要好開心。因為呢本野，全粵文，佢地又冇人識，咁邊樹有廣告？冇廣告，即係要靠大家一人一本買，先至會支持到落去。
媒體營運既方法，黎黎去去都係果兩個架啦：廣告商課金，你課金。課金課金課金，唔課金，點營運？
如果呢本期刊，只印500，也太可惜啦。
香港730萬人，個個話要「珍惜香港這個家」，有冇人珍惜過＃廣東話 ？
為了要 迴響——粵語文學期刊 這一群人，要乖乖地把他們在節目中說的：「呢本書我諗住做十年……」既豪情壯語，我會建議大家，大大力咁懲罰一下佢地，等佢地可以知道，做一本書，都做到我咁得返1／3條人命（係，你而家係街見到我，我係得1／3功力架咋），佢地要做十年，仲要係一本粵文小說期刊。可以有咁既視野，魄力，決心，都是值得支持同鼓勵的。
＃粵事期待 ＃粵是美麗 ，
【行動 post】《迴響》正式接受預購
多謝大家嘅厚愛，我哋頭幾期會用 KickStarter 平台眾籌，希望大家多多支持。
http://kck.st/2MohkgP
對於各位海外支持者，我哋係有開放海外預購嘅。考慮到運輸成本，我哋決定用香港郵政嘅空郵服務。但係由於疫情關係，部分國家暫停咗呢項服務。所以部分海外支持者可能要等到疫情冇咁嚴重時先收到第一期嘅《迴響》。
眾籌方面，其實我哋都有幾個rewards：
1) 第一期嘅《迴響》
2) 鳴謝贊助 (會有一頁印贊助者嘅名紀念歷史時刻)
3) 廣告
4) 點唱服務
大家可以睇下唔同套餐！
【籌款目標】
如果籌到：
61200蚊——《迴響》第一期就可以出版同發行 (包括KickStarter手續費）
89000蚊——《迴響》嘅小說作者同其他文章作者就可以分別得到2000蚊同1000蚊嘅稿費(包括KickStarter手續費）
150,200蚊——除咗第一期之外，我哋仲基本成功籌埋第二期嘅出版同發行費用 (包括KickStarter手續費）
178,000蚊——第二期嘅稿費都有著落(包括KickStarter手續費）
239,200蚊——第三期都夠成本推出(包括KickStarter手續費）
267,000蚊——第三期嘅稿費都有著落(包括KickStarter手續費）
所籌嘅款項都會用於出版、稿費同埋《迴響》團隊嘅日常開支。
希望做到每個月出到一期。
第一階段籌到越多錢，《迴響》就可以出到越多期，並且喺呢個過程慢慢搵到自己嘅營利模式。
(P.S. 圖為我哋一篇詞評《以後傾城》嘅配圖，分析《傾城》嘅原稿歌詞，會喺第一期《迴響》刊登)
嘉賓粵語歌詞 在 《嘉賓》女生版粵語歌詞- 改編by Moonna 學了作曲 - Facebook 的美食出口停車場
押韻得來保留原本意思，仲要係粵語，亦都入肉 ） 小Moonna望塵莫及，先練習一下 ❤️ 獻醜唱歌 ：Moonna 作曲：王澤言作詞：王澤言/張遠改詞 ... ... <看更多>