《金都》裡的自由
—
所謂自由，
唔單止係講我哋做到想做嘅事，
仲包括我哋有權SAY NO。
—
從假結婚，看婚姻，再睇香港人不由自主嘅人生。由《金都》嘅第一幕戲開始，由STEPHY主演嘅女主角張莉芳已經過住一個充滿妥協嘅人生，去水族店買龜俾人呃、做嘢嗰陣俾閪客玩返轉頭、求婚嘅時候比男朋友霸王硬上弓、想搬出去住但無錢被迫要假結婚，到自己計劃真係結婚嗰陣，連揀點樣結、邊度結、結咗之後點生活，都無得話事。
—
如果結婚唔可以令人開心，咁點解仲要結婚？
—
合則來，不合則去，一紙婚書嘅價值究竟喺邊？《金都》，就嘗試為呢個好似已經過時，但人人都爭住去做嘅儀式，落咗一啲註腳：有人為咗香港身份證而結婚，單程證申請大行其道；有人為咗搵快錢而結婚，脫離原生家庭而自立；有人為咗安穩嘅將來而結婚，有樓就有妞；有人為咗下一代而結婚，為咗仔女而比女朋友名份；有人唔知為咗咩而結婚，去到咁上下年紀，就要有身紀。而故事入面嘅男女主角，張莉芳同殷俊榮，就係因為「奶奶」唔鍾意佢哋同居，而決定共諧連理。
—
戲入面張莉芳假結婚嘅「老公」，大陸人「楊樹偉」同佢「老婆」講，中國人係世界上唯一一個可以「亞洲蹲」嘅民族，意思係佢哋能夠雙腳掂地咁去踎，好威威。表面隨波逐流，但內裡有顆唔屈服之心嘅張莉芳，唔相信楊樹偉嘅說話，不斷練習呢個動作，而喺故事嘅最後，佢最終可以踎到，證明只要努力同堅持，無嘢係唔可能。
—
你可以踎同你選擇踎，係兩回事，婚姻亦然。
—
好多人話，婚姻就係溝通、包容同埋體諒，無人一生出嚟就係天造地設嘅一對，經過努力磨合，就可以成就美滿嘅婚姻。但你可以有美滿嘅婚姻，代唔代表你好想要呢種生活嘅模式？
—
婚姻係束縛，定係解放？
—
好多時我哋以為對人「好」，人哋就會「好」。殊不知原來喺大家嘅心入面，「好」嘅定義原來從來都唔同。戲入面嘅男主角殷俊榮，佢係一個負責任嘅男人，雖然鍾意打機，但佢完全無保留地付出對莉芳嘅愛，無時無刻都以自己嘅方式照顧未婚妻，但佢永遠都唔知道原來佢嘅關懷，對女方嚟講係一種壓迫；戲入面嘅奶奶鮑起靜，佢諗住幫個仔同新抱比首期上車，以為咁樣就係「好」，但佢永遠都唔明白莉芳其實好想好想脫離金都呢個地方。可以預視，喺同一種相處模式之下，兩位主角結咗婚之後，束縛將會更大。
—
《金都》係咪反「結婚」？既係，又唔係。佢反對嘅係盲目嘅、衝動嘅、功利嘅婚姻。一紙婚書背後代表緊嘅，唔係純粹嘅一張紙，可以係十年以嚟嘅互相折磨；咁婚姻仲有無佢嘅意義？千帆過盡，可能香港人已經被生活折騰到極點，而忘記咗婚姻嘅初心。點解要結婚？係兩個人喺適當嘅時機，決定立下海誓山盟，揀選自己可以話事嘅屋企人。一切無關於表演，無關於利益，無關於其他人眼光，係因為愛，將兩個人嘅關係解放再昇華，呢個就係婚姻真正嘅意義。
—
畫作：塵阿力映畫
（我認為香港最好嘅電影插畫家！快啲FOLLOW佢~~）
-
金都 My Prince Edward
Golden Scene Co. Ltd. - Film
單程證申請 在 L.A. Legal Column 法律專欄- 〈單程證的法理基礎〉 近日政府 ... 的美食出口停車場
根據中國有關當局公布，中國居民有下列情形之一，可以申請前往香港定居： （一）夫妻一方定居香港的；可同時申請偕行未滿十八周歲的子女。 ... <看更多>