其實，係咁架啦，叫人做野嘅時候就嗌KOL，無事嘅時候就「無人識你呀」。呢個世界總有一班人係咁，你唔話自己上街就係港豬、出文寫自己上街就係抽水、你寫政治佢就會話你「咩都唔識學咩人寫」、你唔寫佢又會話你潛水。到最尾無論你做左幾多野，佢都係會問：咁你做過啲咩？
你同佢講返你做過嘅野，佢就話你計較；你唔出聲？咁就係默認。
所以你明唔明點解我寫完反送中我就唔再寫？我在真實世界裡萬愛千寵、我班仔約我要排起碼兩三星期先見到一次，我做咩事在現世有班為我醉生夢死的男人都置之不理、而要向一堆根本不認識我的人解釋我無做過或有做過的事？
更重要的是，我至今一毫子都冇問過呢度任何一個讀者要，我不欠任何人的利益，也自然不需要跟誰交代。
#我自行我道
#唔鍾意就唔好睇
#家陣欠你架咩
早兩日出咗個post講一班連唱《願榮光歸香港》都要屌嘅人，你哋知唔知我畀呢班人插得幾甘？又話老作又話要同我慢慢玩。
你問我灰唔灰？灰㗎！
我試過遊行嘅日子出post，畀人話我寫文不如做行動派上街。（我寫文唔代表我冇上街吖大佬）
又試過因為上街嗰次兵荒馬亂所以寫唔到文，返到屋企見到留言話我潛水唔做文宣。（我食完催淚彈又自拍話你知咩）
唱歌又屌，出文又屌，唔出文又屌，我承認係灰咗兩日，仲答應自己置身事外，隻字不提政治，好可惜，姣婆守唔到寡，口𥚃說不，身體卻很誠實，今日我都係行咗出去，買咗箱水派。
其實人哋講咩唔重要，對得住自己就得，更何況......呢度係我主場，屯門又係，辦公室都係，遇到分化撚同埋撩事鬥非嘅留言我會即block，係呀，我就係咁撚惡，寜做真小人，都唔做乜都冇做又乜都彈一餐嘅偽君子。
唔鍾意就唔好睇 在 唔鍾意Quit YouTube囉 的美食出口停車場
Transcript · Brian Cha呃人? · 觀眾抱怨YT廣告煩人，結果被廣告主回嗆「不喜歡就別看」?! · 『How to Perform Under Pressure?』 · 點解大家覺得車志健Brian ... ... <看更多>