#hehe生活日常：私隱線
近幾個月，網絡好多超越私隱線嘅事。從早前嘅「N號房事件」、到之後有仔仔被公開全相（全裸露臉影片）、到台灣網黃被翻陳年裸聊影片，都令人心頭一顫。
作為局外人，如果你收到一則「網黃裸聊片疑似流出」嘅消息，或者你已經忍唔住問各大群組：「邊度有得睇？求link！」之類。但有無諗過，作為第一身嘅仔仔，全相一下子被全世界睇到，內心其實有幾煎熬。
因為唔係個個仔仔都已經同身邊朋友，公開其同志身份。有仔仔更因工作或家庭關係，都要低調做人，甚至有識過仔仔，為了要成全家庭繼後香燈嘅期望，埋葬內心的自己，做一個大眾接受嘅人類。
若過因為一時怨恨，或者純粹你人品差，而公開其他人嘅全相，甚至影片。其實，被公開嘅仔仔，生活係會帶來重大改變。可能無咗份工、可能家人唔認同自己、可能受到周遭白眼等，好多無形壓力會一下子來到被公開身份嘅仔仔身上。唔係個個都有足夠抗逆力，稍一不慎，佢可能就此斷送生命，到時真係多得呢班鍵盤戰士唔少。
色慾係有界線，有Ｄ野唔係你就唔係你，要成為你嘅，就自己搵方法將自己成為第一身，自已搵人拍。同埋，就算要公開身分，都係影片主角本人，唔係其他人。
當然，另一邊廂，仔仔都要學識保護自己。好似「N號房事件」，真係會拍一條片就有大錢？過分理想化同現實行業比較，點都要做少少啦。（拍完一條之後被威脅繼續拍就另一個課題）。就算真係要被拍，戴個面具、眼罩、或狗頭套都好過連樣被人一下公開。
我識朋友都盡量將心比心，不過遇到太無理嘅要求，你都要識得拒絕。你嘅拒絕，或者令你同呢個仔無朋友做，但起碼保護咗自己先。世界好大，唔會識唔到人嘅，睇下你夠唔夠膽識only。
#經驗成就一個交友心得 #奇葩嘅人都見唔少
#全相影片係吸引但都忍下手唔好share減少二次傷害
#想J全相片連樣就自己搵人拍返段
#黃編格爾 #唔用藍編啦黃色靚D
