【 #愛情冷知識 - 酒鬼福音！情侶一齊飲酒幸福感高4倍】
酒鬼呢樣生物，傳說每3個人就有1個，梗有一個係左近。而飲酒亦都總係成為情侶鬧交嘅導火線：「你又飲咁多」、「又同其他人飲到夜一夜」、「你鍾意啲酒仲多過鍾意我」，支酒表示？？？，關我咩事？不過最近有外國研究就證明原來情侶一齊飲酒係有好多好處，飲到微醺就係最好嘅催情劑，即係個重點係唔好自私飲，要一齊飲啊！
.
美國密西根大學嘅Kira S. Birditt博士喺2016年做咗份研究，針對「飲酒習慣與戀人關係」請咗2,767對一齊咗多年嘅情侶，並通過面談了解戀人們嘅飲酒習慣、對目前關係嘅滿意度。結果非常驚喜地發現，如果情侶習慣一齊飲酒，並有相似飲酒習慣，兩人嘅關係會更穩定，相互滿意度評分亦更高！相反，如果兩人中只有一人飲酒，另一個唔飲，雙方都會有「被排斥」、唔開心等負面感受～
.
研究人員仲話戀人一齊飲酒嘅次數係同幸福感成正比，如果每個禮拜都抽時間同另一半小酌一杯，幸福感會比無咁做嘅情侶高足足4倍，仲會減低分手機率～果然無飲酒同過夜解決唔到嘅問題！拿，我話過夜睇Netflix咋下～
.
不過博士都有補充，其實所謂一齊飲嘢，重點並唔係在於飲幾多（甚至有一方以果汁代酒都可以），而係在於一齊飲杯嘢呢個共同活動，能夠令情侶輕鬆咁相處，所以其實唔飲得都唔緊要！研究亦都唔係鼓勵大家酗酒，而係強調雙方一齊放鬆，飲咁多傷身啊衰鬼！
.
#自私飲0分 #獨樂樂不如眾樂樂 #記得睇實另一半 #唔係影佢相嗰隻睇實 #酒鬼 #飲嘢 #開心 #chill #飲酒 #酒吧 #約會 #香港 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #港式情侶 #研究
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
唔係影佢相嗰隻睇實 在 #唔係影佢相嗰隻睇實- एक्सप्लोर करें 的美食出口停車場
explore #唔係影佢相嗰隻睇實at Facebook. ... <看更多>