Search
如果大家買完我本書之後有餘錢
記得踴躍支持文科生嘅作品！！
#記住係買我個本先
#又一醫學生加入浪費樹木嘅工作
#其實好似係我自己太多廢話
#所以我先要下世做樹
#我個本好似某啲書局已經無得賣
#係因為比人送哂去堆填區
#唔係太好賣唔好唸多左
============
【《從文科生到醫科生——科學以外的人性觀察手記》】
文科生習醫的奇幻旅程
一場腳部怪病，扭轉生涯規劃；
毅然棄文從醫，原來遇上仁醫？
習醫見證科學，病床觀察人性。
醫生原來不是超人，卻可治癒人心。
人氣FB專頁「文科生習醫的奇幻旅程」的文科生，
網上以專業知識抽擊偽科學，
網下收起批判思維診察人性。
棄文從醫，只為追夢；
再從醫成文，以筆治心。
原本《雙面哈菲》既編曲由Perry Lau同監製阿Bert造，我真係超鍾意！之後再諗諗吓，其實一個Melody如果轉左第二個編曲，又可以有第二種估唔到嘅感覺，所以好想試吓玩Trap Remix呢個版本！我搵左好talented既beatboxer Heartgrey造佢平時玩開既trap beats, 再搵埋Rapper “Geniuz F the FUTURE” 創作左更露骨更直接了當既歌詞，其實只係希望我地望著呢個世界既時候，唔好再逃避，唔需要再講埋 D 口號式既「加油」或者「正能量」，我地要正視瘋狂，面對同接受荒誕，再尋找自己既生存空間。
《雙面哈菲 HARVEY DENT》TRAP REMIX feat. Geniuz F the FUTURE & Heartgrey
曲：雷深如 J.Arie
詞：林寶 (Rap Lyrics: Geniuz F the FUTURE)
編：Heartgrey
想寬恕別個偷歡
可惜正義太沉悶
空屋裡獨個人 一刀割做兩人
巴不得把嘴臉替換
委屈你屬哪一款
扮端莊多麼壯觀
可一半做聖人 多一半在殺人
木獨地捏著氣管
狠 自毀一般需要狠
若真心都總與假意合襯
令你討厭憐憫
難得都有不甘 有紛爭 你需要去審
未死心快給我滾
在世界有幾個想過自刎
但殺不了餘憤
難得一半天真 也可一半當個壞人
Rap:
一直以嚟 人生如戲 唸好一疊對白
真實嘅自己 點設身處地 黑白對立
大環境 無法改變 太冷清 唯有內斂
世界扭曲 一切概念 自我救贖 講再見
冇再去 諗通 腦海裡 衝突
索性 忍痛 割正 大動脈
你又 算係邊位
今天 有乜變化 死後 有人獻花 生前 都係獻世
狠 自毀一般需要狠
若真心都總與假意合襯
令你討厭憐憫
難得都有不甘 有紛爭 你需要去審
未死心快給我滾
在世界有幾個想過自刎
像某黑暗城鎮
難得都夠陰森 會催生 我這個替身
經幾次地震 先知道沒有神
誰又怕犯眾憎 自願賤賣了靈魂
狠 (冇再去 諗通 腦海裡 衝突)
狠 (索性 忍痛 割正 大動脈)
醜惡內蘊
贈你一句明訓
如周遭太黑心 那黑心 你需要對等
未捨得 你請放心
在世界有幾個多理會你
被四壁去囚禁
神經早已崩潰了 扭曲了 分岔了
知否失憶了 傷心也不必了
知否當瘋了 不怕人話你劣等
#JArie #雷深如 #雙面哈菲
第106個故事《哈佛知識分享: 中國人及猶太人搭火車的故事 - 如何競爭?》
從前有對中國夫婦及猶太夫婦搭火車去旅行， 佢哋爭拗什麼人做生意最叻及如何買票.... 結果如何？ 及對做生有什麼啟示呢？ 佛教授 David Collis 教我...
日之苑外賣到會熱線: Otto 9273 3330 ( 西環/西營盤/上環/北角)
.......................................
內容全文:
聖誕節? 梗係想去旅行啦。好耐之前有對中國夫婦去旅行，係火車站排隊買飛嘅時候遇到另一對猶太夫婦。 佢哋傾左幾句計之後, 就開始爭論咩人做生意最叻。
中國夫婦話:「 梗係中國人做生意最叻，最講原則同道義!」
猶太夫婦話:「 猶太人仲叻啦，數口最精，同識轉彎!」
中國夫婦回應:「做人要頂天立地， 下下轉軚有乜用!」
猶太夫婦話，「費事同你拗。你哋今次搭火車諗住買幾多張飛呀?」
中國夫婦答:「梗係兩張啦! 你傻㗎，咁都問。」
猶太夫婦話:「咁我哋買一張就夠啦! 」
中國夫婦覺得好奇怪囉，點解佢哋一張飛就可以兩個人撘火車去旅行呢? 上咗車之後冇幾耐，車長就過嚟check飛。 猶太夫婦見到車長嚟，就兩個跑跑跑跑，跑咗去前面嗰廁所嗰道匿埋咗。 車長敲門話: 「驗飛，驗飛!」 猶太夫婦就係個門罅度，涉一張飛出嚟俾阿車長。 就係咁，佢哋就過咗骨， 安然無恙咁返番去個座位度。途中，仲對住個中國夫婦陰陰地「笑」咗下。
火車到達目的地之後， 兩對夫婦都玩得好愉快。 過年後回程嘅時候，又喺車站碰到大家。
猶太夫婦問: 「今次你哋諗住買幾多張飛呀? 」
中國婦夫老公唸一唸，改口話:「今次我哋買一張飛!」
猶太夫婦就回答，「你哋買一張呀，咁我哋就唔駛買喇!」
中國夫婦又覺得好奇怪，點解佢哋唔使買飛呢?
上咗火車之後，車長過一陣又過嚟check 飛。 中國夫婦一見到個車長後，就跑跑跑跑跑，跑咗去前面個廁所道匿埋咗。 之後有人敲門, 話「驗飛，驗飛!」
之後點呀?
原來敲門嗰個係猶太夫婦，佢就攞咗張中國人嘅飛之後，就跑跑跑跑跑，跑咗去更前面個廁所道匿埋啦。 唔使再講落去，你都知道個結果係點啦!
故事帶出乜嘢理念?
做生意千祈唔好人做你做，盲目跟隨。根據哈佛教授 David Collis 佢話做生意有三個C，(1) Customer 顧客，(2) Competitor 競爭對手， (3) Capabilities 自己能力。 ABCD 呢四個位，你應該把資源放喺邊度呢?
A. 就係有顧客需求，有競爭對手做緊，而你自己都識做， 可以入去同佢爭。
B. 就係有顧客，有競爭對手，但自己唔識做。
C. 就係有競爭對手，自己識做，但無客。
D. 就係有客，無對手做緊之餘，自己又識做。
答案係.... D. 教授話應該把所有嘅資源專注喺D嘅位置， 即係有顧客需求之餘，無競爭對手做緊，自己又識做嘅地方。 呢個就係叫做 competitive sweet spot 競爭最佳優勢點.
例如上星期TVB 訪問過嘅立食壽司，冇得坐，企到你攰快啲走，但咁做可以加快轉流， 把資源投放喺更加好嘅食物質素回饋食客。 或者之前借出場地拍「十大定價策略」的我哋個租客日之苑，做好多 mini party 到會 Omakase (廚師發辦)，party organizer 唔駛煩，客人有驚喜， sushi 仲可以配合埋主題。大家都係有人客需求，競爭對手唔做，但佢又識做。我專注做商舖基金， 點解依家點解錄呢個video畀你睇，都係同樣道理。
做生意，你一定要搵到自己嘅 Competitive Sweet Spot，而唔係不斷地同競爭對手係同一點互相撕殺，咁只係一個 Competitive Dead Spot (競爭死點)，最終只會屍橫遍野，大家都無錢賺。 好似上面火車飛咁，慢人一步，仲更加死先。 你想做上面嘅中國人定猶太人，你嘅 Sweet Spot 又係邊呢? 不妨趁假期，叫啲壽司到會唸唸啦。
日之苑外賣到會熱線: Otto 9273 3330 ( 西環/西營盤/上環/北角)
《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study
從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講：
細佬：阿哥一齊創業喇！我哋去賣梳比和尚。
阿哥： 你傻㗎，和尚個個光頭，邊度洗梳頭。
細佬： 佢哋係光頭，但佢哋都要搵食㗎！
阿哥：咁關你乜事
細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。
阿哥： 咁即係點呀？
細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。
阿哥：阿李根興咁nice，梗係唔係咁嘅意思啦。
細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。
阿哥： 細路， 善哉、善哉，係喎。
細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。
阿哥：咁點賣呀？
細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。
阿哥： 好喎，我星期日教堂有100個兄弟可以嚟幫手。
細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。
阿哥： 細佬，你係哈佛大學真係學到嘢喎。
細佬：咁好嘅「和尚賣梳」idea, 你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。
我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset 承擔責任感: What do believe 你嘅信念係乜, Have you acted on it 你行動左未, and Add Value to Others 為其他人增值.
有嘅，執行再講 Vision 願景 , Priorities 優先重點 and Alignment 言行一致. 如果你做齊以上七樣嘢，你就可能係個好領袖， 好大機會人哋會跟住你行同埋做出成績。
(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。
(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？
(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？
(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。
唔好講到咁複雜，睇返個哈佛兄弟你就明。
Xxxxxxxx (重複部分內容)
有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment.
(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。
阿哈佛兄弟嘅Vision 呢？
(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。
阿哈佛兄弟嘅Priorities 呢？
Xxxxxxx (重複部分內容)
最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？
又聽多次哈佛兄弟點？
Xxxxxxxxxxx (重複部分內容)
聽完以上七樣嘢，ownership mindset, what you believe in, take action, add value to others, vision, priorities and alignment. 你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。
