關於 員工係公司最重要嘅資產 ，我們在網路上蒐集到這些相關的討論、資訊與評價

早晨！Warm Up on 跑步機！
好耐冇呼吸過新鮮空氣🏋🏻‍♀️🏋🏻‍♀️🏋🏻‍♀️

一陣做gym🥰🥰🥰🥰🥰🥰

輕量適合我

#你地今日做咗運動未？
#如果老闆肯比員工去做一個鐘Gym就好啦
#員工係公司最重要嘅資產
#員工龍精虎猛大家生活愉快
#我抗壓能力高有耐性

《「慳」並非HR嘅價值所在》

HR係一個要負責睇住條staff cost數嘅部門，但係睇住條數呢個學問好高深，亦都好容易走火入魔，一啲HR主管最終會視慳錢為自己部門最大嘅成就。為咗最終交條靚數畀老細，呢度加少啲人工，嗰度諗啲方法出嚟cut下福利，幫到公司慳錢就乜都得，員工士氣、公司形象就通通懶理。如果喺呢啲老細手底下，做HR薯仔就更陰公豬，因為HR要帶頭cut，望穿羊水都加唔到人工。

為咗一個慳字，有啲公司HR甚至不惜違法，剝削僱員應有嘅福利同保障。上年就有個case，一間上市護理公司要求護理員簽自僱合約，但工作時間、日數、收費、制服等等僱員都冇自主權，最後法庭裁定佢地有僱傭關係，需要賠償僱傭條例下嘅保障畀僱員。

一間上市公司，要請個熟法例嘅HR神人一定唔難。唔知佢地HR有冇advise過啦，冇就抵打喇，有就可能係公司一意孤行，知法犯法，慳得就慳。為咗個慳字，畀人告上勞工署都事少，畀人上網唱甚至畀傳媒報導出嚟，影響到公司形象事大，最後得不償失嘅例子時有聽聞。

今時今日，勞工保障逐漸完善、80、90、千禧一代進入社會，佢地更重視公司對待員工嘅態度同埋形象。如果仲係諗住避得就避，慳得就慳，好可能最終慳字得個貧。攪臭咗個朵，仲邊有人so你。

員工係公司最重要嘅資產，HR嘅存在唔係為咗慳返嚟嗰一萬幾千staff cost，HR目光應該放得更長遠，確保公司形象、以政策為員工製造一個理想工作環境、維持及增強公司嘅競爭力先係我地嘅存在價值。我諗冇一條算試可以計算到付出幾多錢喺員工身上面，最後會得到幾多回報，問題只有信定唔信呢個理念。所以，雖然今日我仲係一粒薯蓉，但就經常remind住自己，呢個先係我作為一個HR從業員嘅理念。

#別人笑我太天真
#我笑他人看不穿

----------------------------------------------
緊貼 #HR小薯蓉 Facebook專頁更新，設定HR小薯蓉為搶先看優先!

設定方法：設定 > 動態消息偏好設定 > 預定搶先看的優先次序 > 選擇HR小薯蓉

HR小薯蓉blog: http://www.mashedpatata.com
IG: hrpotato

睇多幾篇：

《枱上信一封，枱下十年功》

http://www.mashedpatata.com/hrletter/

《簽約留心啲ok?》

http://www.mashedpatata.com/contract_signing/

《一封統計署小職員給HR的信》

http://www.mashedpatata.com/censusnstat_mrming/

《一年一度Annual癲》
http://www.mashedpatata.com/一年一度annual癲/

Copyright © HR小薯蓉. All rights reserved.

【千奇百趣，好有趣】

員工係公司最重要嘅資產，如果請左位好出色嘅員工就要好好表揚一下，例如好似咁有創意嘅佢地！

資料來源：互聯網

哈佛知識分享: 做生意，七大困難選擇!

七條策略問題 Seven Strategy Question《第三: 追數? 應該要追邊條數? 》

如果我問你，你盤生意有邊三個數字要追，你會答我邊三條數呢?

Business is about making tough choices. 上兩集就講咗 Who is your primary customer? ... 同埋公司股東、顧客、員工，邊個行先?

今集我會同你探討第三個策略問題: What critical performance variables are you tracking? 追數? 你應該追邊幾條數?

根據哈佛教授 Bob Simons 呢本書 Seven Strategy Questions，佢話好多公司都可能有唔同嘅 kpi (key performance indicators)， 唔同嘅 balance scorecard (平衡計分卡)， 有時太多 measurements 反而令到公司 失去咗 focus.

"Everybody watches what the boss watches." 如果搵支槍指呀個老闆你，要講三個數字， 如果呢三個數字交唔到，你未來嘅發展策略就會失敗， 咁係邊三個數字呢?

If you have ten priorities, you have no priorty. It's a tough choice, 其他所有嘢都係次要 ，唔係唔量度，不過只係話有邊三個數字係最重要呢?

可能係你嘅營業額、可能係你嘅分店數目、可能係你嘅顧客滿意程度、 可能係你線下嘅agent數目、可能係你嘅利潤，whatever it is, 你全公司同事們知唔知呢?

唔好講人，講我自己。我每朝早十點鐘公司開早會都只係提住三個數字:
(1) 今年基金派息派唔派到六七八厘?
(2) 今年基金連NAV (淨資產)升值，回報能唔能夠做到年回報10%?
(3) 今年每季集資能唔能夠集到六千萬港幣?

If yes yes yes, 我哋就係 on track to 長遠擁有全香港1%街舖，即係約300億港幣。 因為我幫人客賺到錢，錢自然會來。

If no no no, 大鑊! 我即刻要將全公司精力專注做返好呢三條數，否則我哋長遠嘅策略就做唔到。 我只係一個普通炒家!

由朝到晚，我們所有其他集資、入貨、招租、出貨、售後服務， 都係為咗要做到以上三條數， 咁長遠策略、目標就會達到。

你呢? 如果我問你同事們，知唔知公司有邊幾條數要追， 佢哋答唔答到呢? 大家都清晰嘅，恭喜你! 大家的力同一條心向目標邁進。但如果大家四方八面咁走，試問公司又點樣一條心做到條數呢?

有興趣聽多啲，就來我五月份星期六嘅早餐會啦! 下一集同你，What Strategic Boundaries Have You Set? 十誡都有講唔好殺人、唔好姦淫擄掠。 你公司又有邊「十誡」呢?

。。。。。

五月份早餐分享會 Topic: The Seven Strategy Questions by Harvard Professor Robert Simons

哈佛分享: 七條做生意策略問題

2012至2014間，我連續三年在哈佛上了 Robert Simons 的堂，畢生受用。我自己成間商舖基金公司都是建基於這本書。

有興趣 sign up la ? 每次限四位 (包括我)。 人多傾唔到計。

5月1日或8日或15日或22日或29日，星期六早上9時開始，約三小時。地點中環。

對象: 管理層/生意經營者/創業者，連我限4位。

有興趣參加的話，請 whatsapp 你的名片給 Suki (我助手) (+852) 5566 1335。

大家交流做生意最重要的幾條問題。

我唔係靠呢行搵食，免費，我請食早餐 ? Be friends ..... 有機會到時見你。李根興 Edwin

www.edwinlee.com.hk

聯絡李根興 whatsapp (+852) 90361143
盛滙商舖基金 Bridgeway 創辦人

。。。。。。。。。。

購買李根興的【李根興的生意哲學】(最新2020年6月出版 - 定價$198)，或【買舖 要買得 PRO】(定價$198)，連親筆簽名，可 whatsapp Suki (+852) 5566 1335。各大書局也有售。

【足本版】《李根興 - 十大創業忠告》18年功力，18分鐘內畀曬你! 

第十: 「模糊地正確，好過準確地錯誤。Give it 5 years!」
第九: 「先選行業，後想經營方法。 」
第八: 「越多分析，越沒有出息。」
第七: 「不是 Work-Life Balance, 而是 Work-Life Combined。」
第六: 「做生意要做農夫，不要做獵人。」
第五: 「賺錢，要賺有錢人的錢。唔好在乞衣兜入面搵飯食。 」
第四: 「投資要分散，做生意要專注。寧做雞頭，莫做牛尾。」
第三: 「做生意就好像用一隻圓形的湯匙，在四方盒中吃豆腐花。記緊留一些讓別人吃。」
第二: 「你愈要得到的東西，你越先要付出那東西。最好的已經在身邊。」
第一: 「笑多一點，嘻嘻哈哈又一天。最大的敵人始終是自己。」

全文內容:

從前有個人揸住㗎法拉利， 遇上個朋友。

朋友問:「 點解你揸架法拉利?」

「因為我重要，去邊度都要準時!」

朋友話:「 咁你唔使揸法拉利啦!」

點解?

「你咁重要，人哋會等你囉!」

啊，又有point ! 你有料到嘅，人哋自然會等你，自然會搵你㗎啦。 呢個故事對我好大啟發!

但做生意，創業點樣先至能夠做到有料到? 我依家就同你分享下我創業18年， 我自己經歷給你的「十大創業忠告! 」

第十:  「糊地正確，好過準確地錯誤。Give it 5 years!」

可能你覺得「創業好過打工」，「做金融好過做咕哩」， 「開茶餐廳好過做大排檔」，乜都好。只要你大方向，覺得係啱嘅，就 give it 5 years 俾佢5年時間，專注做好佢。

中間執行嘅過程，必定有好多轉接你今日唔會想像到， 你會行錯好多路，但只要你專注做個大方向，你就會摸出條血路。 如果摸足五年，你都摸唔到條路嘅話，你就執咗佢，唔好搞啦。因為你無料到。

我今年44歲，我唔敢講好成功， 但肯定喺香港兩次摸咗個新行業出來，做到No. 1。 第一次，由廿六歲開始，創業源於失業，我2001年11月開始買賣小生意，04年我認真地諗過執咗間公司佢，撐一撐住，去到2005年6月先至覺得自己真係有料到，間公司唔會執，06/07/08/09年就憑住生意買賣中介嘅新模式，橫掃曬市場上你可以數到嘅所有獎項，Harvard Business Review 都搵到兩個關於我哋公司嘅 case studies, 11年仲攞埋傑青。

記住，大方向啱就撐住，五年! 奇蹟可能會出現。

第九: 「先選行業，後想經營方法。 」

盡量選擇多人發達的行業，你發達機率會更大。 如果你的競爭對手個個都是乞丐，那麼你做乞丐的機會率都比較高。 做生意如賽馬， 你就是騎師，行業就是馬匹。 如果你騎的是跛馬，難道你自己去跑嗎。 隻馬是 fit 馬， 你繼續抽煙聽音樂都能夠跑贏。

如果你做運動是打算賺錢， 踢足球一定比捉波子棋容易。2項運動要做到世界冠軍都有難度， 但踢足球，排第十，什至排第100都能夠賺錢；但捉波子棋呢? 沒有人會喜歡看。

我敢說我曾經是香港史上完成最多生意買賣的中介公司，2001年起，12年間經我手成交超過一千一百單deals。 由於買賣小生意，我06年起租入很多舖開生意，售予創業者，09年起再買了好多舖開生意。由於香港平均每間街舖是三千萬，要做到舖界第一，我沒那麼多錢，必需向公開集資這條路行。

你問我香港做地產基金賺錢? 還是生意中介賺錢? 不用想，香港地小人多，肯定是地產+基金， 做到幾百億資產的有很多! 生意中介， 個個都是在捉波子棋。

因此我於2013年7月24日，就決心轉型，向證監會申請牌照，公司霎時間由超過300人減至6人， 經歷了我人生最黑暗的三年，但我跟自己說:「Edwin, 你教人要先選行業，後想經營方法。模糊地正確，好過準確地錯誤。 」

雖然向證監會申請一個橙，他就給我一個蘋果我。總算於16年成功取得牌照，終於成為全港第一間證監會持牌的商舖基金公司，從新上路。成功取得牌照至今，就買入了31間街舖，賣出了27間，我敢說是同期全港最多， 同期排第二的相差九丈遠，接著我很有信心我們將會是舖界No. 1。

以前與細公司競爭，現在不同了，舖王幾百億身家。 你的行頭又如何呢? 你的馬匹壯不壯呢 ?

第八: 「越多分析，越沒有出息。」

大方向正確便要行先，邊行邊改。還記得我2001年於 New York 被開除後，回來香港決定創立生意中介公司， 因為當時絕大部分人創業都是由零開始，若要頂入一個現成生意，只是靠睇報紙的「頂讓版」，與財務公司的廣告或夜總會聘請舞小姐的廣告放在一起。

還記得當初創業時，我跟我爸說起我的主意，爸爸還對我說:「根興，你想做頂讓生意，你知不知道你將來的客人，第一個問題會問你什麼? 」「 他們會問好的生意為何要賣，賣出的就是不好的! 」所以這行業不能做。 幸好他後來又說:「不能做，總比沒事做好。 邊做就邊看看哪一門生意較好，自己買下來，不要再做這一行了!」又讓他說中了， 而演變成今日的我。

從前有個路人走去火車站，走到分叉路就只看見路牌指向右邊。不知還要走多久，但火車半小時後便會開出。站在原地想了一會，看見前面有個農夫，便問一下農夫先生要走多久才到火車站。 農夫望了他一眼卻默不作聲，再問多一次，他都不回應。路人便不理他，也不知道他是聾還是啞。 怎料向前走了幾步， 農夫便大叫「二十分鐘!」奇怪，為何剛剛問他又不回應，走了卻出聲呢? 因此他決定再問問農夫，農夫回答什麼呢?

農夫回答，「先生，你剛剛問我的時候，你是站著的。你不走，我怎樣知道你走得多快。你走需要二十分鐘，我走便要五分鐘。 」 我由2001年走到現在， 馬雲於1999年創立阿里巴巴，兩年之差，他走得比我快四萬倍，同一時間已經有好多人跌倒， 有的卻重新再來過，有的已放棄了。 你走多快我不會知，我只知道大部分人都會站在路牌面前，繼續分析，繼續想要行幾久，一站就站一年、十年、一世。你又走了沒有呢?

第七: 「不是 Work-Life Balance, 而是 Work-Life Combined。」

不要為興趣而創業，但要把你的生意變成你的興趣。因為 Work Is Your Life.

容許我show off 一下，我有一輛法拉利，亦有一輛麥拿倫，但都不是我買的，是我哥不要了才給我。但我真的很enjoy weekend 或是晚上自己駕車四處睇舖。一，可以去全香港每一個我從來不會無端白事去的角落。二，駕駛名車又真的是過癮很多。

因此我星期一二三四五六日， 已不知不覺現場錄製了超過1300條商舖成交的影片放上網，肯定是香港另一個歷史紀錄，真是要 work life combined 才做得到。

你呢? 別人送給你的，或是自己買的，有什麼可以令你更 enjoy 工作呢。但如果你認為享受生活，便要放低工作的話， 可能你就要重新思考一下 what is your life。

第六: 「做生意要做農夫，不要做獵人。」

時間要當你的朋友，不要做敵人。獵人就是餐搵餐食餐餐清。以為打到獵物後便可以買飛機大砲，招聘千軍萬馬，可以食大茶飯。誰料到獵物突然間消失了，便要開除員工，變賣資產，打回原形。

農夫， 雖然開始的時候會比較辛苦， 要播種，要等，但一有收成後，就重複再重複，長遠不用再憂慮太多， 起碼不會餓死。

為求生存， 起步時難免要做獵人，不然未有收成前就餓死了。 但當你一路打獵時，你就一定要慢慢地把生意變成農田。當你成為農夫時，時間便會成為你的朋友，獵人太陽一落山，時間就成為你的敵人。 如何知道你是獵人還是農夫呢?

兩個條件：(1) 每一次客人來光顧的時候， 你要想想他會否明天就消失了。如果他只是可能光顧你一次，以後就不再回頭，你便是個獵人。如果他是重覆性購買，每星期每月每年都要給你錢，交租交月費交管理費，分佣/抽成的話，那你便是個農夫。

(2) 就是如果你什麼也不做，二十年後你的貨物會變成什麼。 如果全部都可能成為廢物廢紙的話， you'd better be 你要做好勤力工作的人， 因為你塊田越耕越乾。 但如果你大部分貨物都能夠保值，甚至乎升值的話，你即使懶一點也沒有所謂。 而只要比懶人勤力多一點，可能就不得了,因為你有一塊靚田。

我當年做生意買賣中介，就是因為大部分人客只是光顧一次，以及所有放盤的生意，如果我不能把它出售，二十年後對於我來說都只是一張廢的放盤紙。 所以那時候的我要做得好勤力，只可惜騎著一隻跛馬。

現在商舖基金則不同了， 每個月都有租金及管理費收，持貨放假100年，只要買得正確， 肯定會升值，所以現在做得輕鬆得多。

開店做生意也是一樣， 不要所有商舖都是租來的。如果可以，每租三/四間商舖，就買一間商舖。寧願開少些舖，每十間分店，便有兩/三間舖是屬於自己買的。總好過三十間商舖，全部都是租來的。 租舖，時間是敵人，一個浪打過來，全部都白費了。買舖，時間是朋友，即使租來的全都倒閉了，還有自己的舖撐著。 我從來未聽過有人買舖自用會後悔， 但我聽過好多租舖的人後悔30年前沒有買間舖 。

你又是獵人還是農夫呢? 你什麼也不做又會有什麼後果?

第五: 「賺錢，要賺有錢人的錢。唔好在乞衣兜入面搵飯食。 」

最好賺的錢，就是不用出自己錢。 出老闆錢、出公數，這種錢最好賺! 有錢人，跌了一百幾十萬也沒有感覺。

最難賺的錢，就是客人花費自己辛辛苦苦儲來的錢，他為了慳多些錢而來光顧你。他勒住勒住，每次都跟你計較。這種錢是最難賺的。

以前我是賺創業者辛辛苦苦儲來的錢，去買盤生意。買錯了，就分分鐘一鋪清袋。難聽的說句，那時候的我是在乞丐的鉢子內找飯吃，賺得好辛苦。

但今日便不同了。做商舖基金，買得舖的全部都是有錢人。投資我基金的都至少三百萬港幣起， 接下來我們什至會主力打開機構性投資者這條路， 賺的就是不用自己出錢的錢。賺有錢人的錢一定相對舒服好多。

你呢? 起步時可能係要靠賺辛苦錢， 因為入門比較容易。但記住有機會一定要upgrade自己， 例如: 賣給大公司/大家族，建立自己品牌收貴點，或是 partner大企業，借他們的力量去賺有錢人的錢。但問心，你現在是賺誰的錢呢?

第四: 「投資要分散，做生意要專注。寧做雞頭，莫做牛尾。」

你一定要找到個位，在市場上有需求，而別人卻不做，你自己又識做，那你就將絕大部分的資源放落去，全心全力去專注做好這個competitive sweet spot，做到全世界無人比你叻。而最重要的，是客人願意給錢，最好是很多錢去買你的sweet spot。 因為他們不願意給錢的話，你再厲害都沒有用。

....

歡迎隨時聯絡我 whatsapp +852 9036 1143

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁 www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#十大創業忠告，#18年功力於18分鐘，#18年創業經歷真心分享

車輪滾滾，輾過鬧市霓紅燈照在地上的繁華，晃動的小型客貨車車身印着「文記醬料」的字號，抓着軚盤一雙粗糙及滿佈不少傷痕雙手，或新或舊或星點或刀划，訴說着他的滄桑及經歷，雙手主人將屆七十，半個花白頭髮已禿光的老者。

車上時間顯示已將近午夜十二時，他仍踏着油門，在港九新界來回穿梭，為店鋪送醬去，他是文記的老闆文健佳，人稱文叔。

這樣的日子他幾乎天天如是，從早上六時到廠切料、炒醬、入樽、包裝到送貨，忙上十五六個小時，對一個69歲的老人來說，這不單靠拚勁，還得有過人的意志力。他比任何人都要活得用勁、活得狠辣，如鋼鐵般的硬撐，因這條命經歷的苦辣太多，就像他手中的各種醬料，鹹酸苦辣，五味紛沓，全都封存在他這生命的載體裏──
萬死一生，他的命在槍口下得以倖存過來，把苦辣全都扛下。「我唔認輸呀﹗死人都要撐上去﹗」文叔兇巴巴的說。始後遭逢困境，每能排除萬難，扭轉危局，揮戈返日。以煙火炙燒，煮出一鍋屬於他的百料鍋，不知情者追隨其醬，被一襲濃重奇香所吸引，然而他的故事更曲折跌宕，蕩氣迴腸……


駑鈍之材 刻苦自勵
清晨六時，空氣中仍透着一絲清冷，在灰濛濛的工業區，上班的人潮未現，街道顯得岑寂。在某工業大廈的五樓內，一股濃烈攻鼻的香味正隨着抽風扇的翻動竄出，油煙氣充斥着整個空間，辛辣味道攻得人淚光盈盈。這裏是一家製醬工場，斑駁的牆壁都燻得黑黝黝，油膩污濁，長年累月炮製醬料，這些黑膩油迹，每一道都是歷史痕迹。

機器聲隆隆，來自場內的一兩部機器，五六個人分散於內，矮小微胖的文叔；旁邊是他的妻子文太；紮馬尾的女生是文叔女兒May，遠處還有一兩個男女員工。就只幾口子經營着這裏，分工合作，忙忙碌碌。

「做咩咁早開工？我冇料！惟有將勤補拙，唔怕辛苦，勤力啲當撐自己！」文叔自謙地說。來自廣東寶安的文叔，做的辣椒醬是他祖傳家用配方，煮醬必用好材料。「材料來價都比較貴，我用白色小蝦米，有顏色嗰啲蝦米顏色係後加上去，冇蝦味。我用老甘草、肥身芝麻、細粒皺皮嗰種花生，最重要用呢隻辣椒乾叫『四川辣王』，香濃辣味強，用佢先至夠勁道！」


赴湯蹈辣 爐火純青
大量的四川辣王，連皮帶籽，與蒜頭一同磨碎。他做醬與人不同之處，是部分材料如芝麻、花生、小蝦米先以烘爐烘乾，烘得噴香才磨，香味突出。

炒醬前他大啖喝了整整一支水，走到一個足有半個人高的大桶前，桶底有火爐燒着猛火，煮着內裏的油。「煮油，油溫好重要。保持大火炸，但火又唔能夠太大，辣椒燒燶咗，成鑊油都變苦。」他等油沸起就將辣椒、蒜茸嘩啦嘩啦的倒進去，油一爆，辣味像原子彈般爆出來，攻鼻又刺眼，旁邊人們都立即退避三舍。「唔係人人頂得順㗎！我都要灌水降溫先炒到。」哪怕是煮了半輩子辣醬的老江湖，遇上奪魄勾魂的濃烈辣勁，還是難以招架，被攻得鼻水眼淚全套出來，可見這辣醬是如何橫行霸道。

辣椒也不能一下子全倒進去，這樣很難令油沸起，他逐少倒，不停令油保持沸點，炸到辣椒和蒜茸的水分全部出來。椒香撲鼻而出時，就加入磨碎的芝麻、花生、蝦米、甘草、八角、桂皮等，再放些蝦醬，一炒就炒足三小時，滾油把香與辣通通燒煉出來。旁人光是聞着都陷入狂打噴嚏的尷尬局面。

遍體鱗傷 渾然忘我
文叔依然面不改容，揮動着大鑊鏟不停的攪呀攪！火熊熊猛燒，火舌兇猛地把一鍋烈油煮得滋滋作響，油在滾動，燙熱的辣油小泡如噴泉般彈出，彈至他的手和身，登時紅了一個小點，燙痛難受過後！匯集成他身上手上無數的星點小疤痕──今天好了，明天又添新傷，這點小傷對他來說，已是家常便飯。

他把一門心思只放在煮辣油的節奏上，渾然忘我，直勾勾地盯着鍋裏辣醬的變化。「一定要慢慢嚟，用大火慢慢炒，一路炒要一路攪，等佢唔好黐底，又要留意顏色同氣味變化，見啲辣椒開始由紅變啡就叫得。」

這一下一下的攪動，對這副老骨頭是項考驗，心不老，可畢竟已屆古稀，他漸漸吃力，不得以交付夥計來攪，夥計倦了又換給他接力，如是者換來換去，兩人均汗流浹背。

一爐熊火，燒煉出這個性突出的辣椒醬。不加色素、不下防腐劑，一嗅，香辣味撲面而來。只舀小撮，舌尖傳來驚心動魄的辣，如果能忍受痛苦，後面便是美味了，蒜頭噴香，與芝麻、花生、蝦米、蝦醬等複雜的香味，直如一把無形的鈎，勾住了味蕾，讓人停不下來的上癮。

「我炒呢個醬四十幾年喇！起家都係靠佢架！」文叔感喟。這個醬，承載他窮與富，高山與低谷，與他糾纏半生。往事像空氣中的香辣味，在抽風扇的翻動中，一幕幕閃過……

死裏逃生 拚命地活
50年代，他在寶安出生於地主家庭，從小被定性為走資派、反革命分子等，背景成分不好，被冠上「地主仔」的惡名，他感到無比冤屈，「因父之名」成了被歧視欺侮的對象。

「我細個曾經俾人剝光豬，俾人吊住打。綁喺棵木瓜樹度示眾，人人經過見到，我覺得好醜怪。最慘係打完身上有傷口，就特登用木籤去拮，專揀我傷口痛處去拮，痛到……而家周時發夢都夢見番嗰種痛，痛到扎醒！」文叔猶有餘悸。

他17歲時，更因此被拉去勞改坐牢，判了十年徒刑，牢中遭受囚犯和獄吏的欺壓。他被困在這樣的環境裏，活得很絕望，只要一天在大陸，就看不見未來。「嗰陣身邊好多人同我講，喺鄉下死路一條，出香港仲會有條生路行。」

他不想坐這冤牢，就越獄逃了出來，打算偷渡來港。不料在邊境時被解放軍發現，飆疾追捕，十數隻狼狗被鬆綁亂跑而出，一下追人嗅、嗅草叢，甚至追車，偶而一犬吠影，百犬吠聲，聞者提心吊膽。解放軍聽見犬吠循他的方向去，拉了槍膛。「留喺度一定死！我走俾槍射又係死！但都有機會你射唔中，我仲有生天。」

他把心一橫，就在準備奔竄之際，解放軍已亂槍掃射，子彈嘭嘭嘭亂響，他以為難逃一死。突然有個女子在另一邊叫救命，分散了解放軍的注意力，他得以脫身。只向着看見的一點兒光，拚命地不顧一切逃到香港。「我條命本來係咁多！因為我有一個念頭──要生存落去，個天先加長我條命，到今時今日。」

他常告訴自己，這條命好不容易撿回來，只要有明天，他就拼盡全力活。

頑抗愛拼 遇強愈強
來到香港，他投靠在觀塘做街邊賣魚蛋小販的哥哥，炒這家傳辣醬，用來煮魚蛋。他跟哥哥看檔，有黑社會常在收「陀地」，他眼睜睜看着哥哥和自己捱更抵夜，又走鬼避警察才掙來點錢，黑社會天天搶去生計。終於，黑社會又來要錢，他忍無可忍，拿起牛雜鉸剪衝上前說：「一係你打死我，你打我唔死，一定係你死﹗」他發狠要插死那個黑社會，那人被他一兇腳軟，知道他強蠻如牛，惹不過，從此不敢再來取保護費。

其後他自立門戶，自己推木頭車在街邊賣魚蛋、豬皮，並改良辣醬，將芝麻、花生和小蝦米烘香，才磨碎與辣椒等炒，香味豐盈，自成一家。辣醬香味令他迅速火紅起來，未開檔已有大班客等候，開了檔就不停圍滿了客，魚蛋好賣得天天比人早賣清。

別檔眼紅他，就暗中報警。那年代，警察收黑錢是常事，有個警察特別針對他，一天拉了他四次。「嗰個差佬仲同我講，見我一次拉一次，如果再見到我喺觀塘開檔，就打斷我腳骨。」他怒不可遏，抓起那警察就打，他被告毆打軍裝警員，判了守行為。「嗰次我係留案底，但我都係嬴！至少班差佬以後見到我都唔敢再拉我！」文叔自傲地說。

廉政公署成立後，換了市政人員來拉他，他眼看經常走鬼不是辦法，剛好他存到錢，就立意上鋪。

飛黃騰達 傲睨一切
他開鋪賣老本行魚蛋，連帶他的辣椒醬，惹味誘人，人流如鯽，生意非常好，一個月賺二十萬。因此他陸陸續續開了九間店，這是他的黃金期，間間店都賺大錢，這時他身家暴漲至兩億，買下六七層樓。其中兩層，他用來接濟同鄉。

「我偷渡先可以生存到落嚟。而家到班鄉里偷渡嚟香港，我一定幫。冇地方住我免費畀層樓佢哋住，冇工返就喺我鋪頭做！」

他是過來人，有一顆赤子之心，其中一個同鄉免費一住就八年長，還有他見一些貧苦三餐不繼的，或乞兒等，都叫他們來鋪任吃而不收分文。

生意好，錢賺得容易，「我唔覺得搵錢有咩難度！」他漸漸對事物表現出鄙夷。曾經有個李錦記的夥計，到過他店吃東西，被其辣醬吸引，建議他不如開醬廠賺錢。「我睇唔起做醬，都搵唔到大錢。我同佢講送畀我都唔做！」

他有錢沒地方花，沒地方玩樂，心靈漸空虛，看見行家賭錢很得意，他亦陪着賭，賭股票、買黃金、鋤大d、賭十三張，從玩樂心態，到一步一步沉迷，終於陷了進去。「嗰時就算賭輸咗，啲錢聽日又再搵到番嚟，怕咩？」

97年前他去澳門，一晚輸過一千二百萬，回香港賣了五層樓填債。雖然爛船有三分釘，但他僅餘的資產，到金融風暴、沙士來時，鋪的生意一落千丈，九間店惟有相繼結業，差點連夥計的薪金也沒付清。他一下子跌入谷底，沒錢用，沒工作，連生計都成問題，他成了落難人，幾億身家一下子全被他敗光……

墮甑不顧 向前邁步
「冇晒錢，唔係死。如果係死，就真係乜都冇！我喺鬼門關走出嚟都試過，死唔去，我仲可以全力再做，由頭嚟過！」那時他50來歲，並沒因此而頹廢不振。

有個跟他相識的裝修公司老闆，明知他以前是億萬巨賈，在觀塘赫赫有名，特意請他做擔泥頭，然後到處跟人說文叔落難投靠，有意誇耀。「佢唔係睇低我，係睇得起我，我要多謝佢呀﹗嗰陣好多老細知我背景，冇人請我㗎！我多謝佢肯請我，畀機會我，我先可以翻身！」

他肩膀擔着扁擔，挑起兩筐黃泥，爬上八樓，來來回回，汗涔涔而奔跑。文太見況，忍不住兩淚滂沱。文叔安慰文太道︰「搞成咁係我爛賭，自己攞嚟嘅！大丈夫能屈能伸，冇所謂嘅！只要養到自己同頭家，咩工、咩苦都唔怕捱！」

他不計較別人的眼光，肯捱肯做，那老闆被感動，反而因此看得起他，願意借錢給他去做生意。

他懊悔當年太桀驁不恭，想起李錦記夥計提議他開廠做醬的事，他就拿着這點小本錢，開了醬廠。自己手做辣椒醬、魷魚醬、麵豉醬、xo醬、酸梅醬，共十種。

他認真做醬，腳踏實地，事事親力親為。親自到店鋪及食肆兜售，送醬給人試吃，又在各區開分銷攤位親自坐鎮推銷。逐步去建立，慢慢有了生意，客人又被他的辣椒醬味道吸引住了。如今他不敢怠慢，收到客戶來訂貨，都親自去送貨。他批發給許多雜貨鋪、小超市、分銷檔、酒樓食肆等，像食神韜哥的大榮華酒樓都來幫襯他，更有不少客直接上廠買醬，生意滔滔。

他靠醬由街邊起家，上鋪，結業、到開廠再做醬，起起落落，從谷底再爬起來，又屹立不倒。「起又好，跌又好，做人最緊要有一個念頭、一種態度──我唔會死嘅！」

這是他的人生感悟，心存信念，就可活出生命，是死？也生。

撰文：孟惠良
攝影：陳秉謙

文記醬料
廠地址：新蒲崗大有街2-4號旺景工業大厦5字樓H座
電話：2342 0343
營業時間：星期一至五9am-6pm
銷售點︰文記醬料設流動直銷攤位，詳情請留意香港文記醬料Facebook專頁（ http://bit.ly/2K691bc ）。