關於 咁我今日其實堅係賺左喇 ，我們在網路上蒐集到這些相關的討論、資訊與評價

好好醜醜，呢次沖繩親子自駕遊，我的EQ鍛練遊也完成了🙏🏻🙏🏻
世上沒免費午餐是真的😑

我呢個司機位堅唔易做，小朋友舟車勞動難免有情緒，開緊80 係度喊，你叫阿娘點好？平時🍬是禁品，今次你唔喊你贏，咁你想食就食喇！一係就晚餐時間係架車到瞓左，我們今年的🎄聖誕餐係🎡美國村停車塲食炸雞🍗，幾好feel 😌

正所謂 「不在其位，不謀其事」老婆揸車，老公在旁阿芝阿佐，去星巴克Drive Through ☕️，我諗住練下日文 🎌

我：すみません（sumimasen）Hotto Americano
お願ねがい します (Onegai shimasu)
中文（我想要一杯熱 Americano 唔該）
老細：其實你買咖啡講英文就得，講咁多無謂野做咩啫，世界語言來的嗎！你頭先講好多字是多餘的
我：😑😑😑😑😑😑😑😑😑😑😑

俾著第二個我一腳伸左佢落車，好煩啊，無D鼓勵性，但係我真係忍住，忍住唔🤬，反正我有機會還撃👊🏻

於是我呢六日就係咁忍辱負重中渡過，又唔可以話好慘，不過少D EQ都唔掂，真係每天多長EQ 一點點，撐過了我新一年會是一個更好的人。感恩今次EQ 之旅平安又好天氣。到最後還車時遇到個沖繩版孔劉幫我處理手續，麻煩孔San 幫我留倩影，又影得我幾瘦，部車幾大喎，Sugoi ✌🏻，我咪就係 #女漢子 囉💪🏻

返到香港機場，今天勁多人，見到一個長髪瘦媽穿冷外套大䄛拖住大概7、8歲大的女，兩䄂清風，人家工人姐姐尾隨推住五六件行李緊貼mom 後面🤭

我：做靚媽真係好瀟灑啊
老細：你邊得啊！首先你唔可以發癲
我：👉🏻👈🏻係啊！我點可以忍住唔鬧隻女同你啊🤣

#寫到呢度原來仲有3日就新年
#我由一滴都唔識講到講到兩句
#鼓勵的說話是免費的都唔肯講
#兩夫妻就係咁㗎喇咩都嬲一餐
#算我呢一次唔同你計我係大方
#開心去還車順利見到沖繩孔San
#咁我今日其實堅係賺左喇

JCI World Public Speaking Championship 2014 Hong Kong Selection Final Contest

一個好爸爸2014


唔知道 , 大家有冇睇過一部電影叫"一個好爸爸"呢?

裡面既主角表面上雖然係一個黑社會大佬，但係佢喺背後為左個女都有改變同付出 , 喺佢女兒心目中憾稱一個絕世好爸。

我相信"好爸爸"喺每個人既心目中既定義都各有不同，

富爸爸，成就爸, 體貼爸，恐武有力爸~ 種種不同類型既爸爸

我冇大家咁好彩啦，由細到大我只係得半個好爸爸，因為爸爸媽媽喺我未出世既時侯巳經離咗婚啦，所以我冇大家甘幸福可以每日見到爸爸，唔駛講啦 ~ 病左入醫院，家長日，學校旅行,做功課溫書,都係冇爸爸陪既，而且仲喺我10歲既時候發現左一個小小既秘密，.................................原來我並唔係爸爸親生架。

有時我知道幸福並唔係必然既，而凡事亦都不能夠睇表面，一定要了解事情既全部，雖然我唔係爸爸親生，但係佢亦視我如己出，努力工作賺錢去養大我撐起成頭家，雖然爸爸好窮，買唔起d好名貴既嘢俾我 ,但係佢經常同我分享人生，令我每日進步,我覺得呢d先係無價寶呀 。 每個人喺人生都會有低潮既時侯,而我呢個令(靚?)仔亦都唔例外， 喺我人生最挫敗既時侯，有朋友出賣我，愛人離棄我，親人亦都睇唔起我，但爸爸總會鼓勵我支持我，使我喺人生谷底裡，努力堅持，仲拎咗唔小寶藏。

爸爸亦用佢最後既生命同我上左人生上最寶貴既一課，佢由患癌症開始,一直同病魔作戰，佢不但樂觀面對逆景,經常鼓勵我做人要向前看~ 直至上年十大傑出青年選舉頒獎典禮,當時我既職責係照顧得獎者,突然間~我收到醫院既電話,醫生話佢病發入左急症室,我當時好心急,好想立刻去睇佢,但係爸爸佢唔俾我黎, 佢同我講:爸爸無本事,冇能力幫人,但係我好開心,因為我個仔有能力去服務社會,幫助別人~：「不求個人私利，但求完滿工作。」佢要我堅持做到最後,直至完成為止~ 到第2日,爸爸過左身喇!

喺爸爸呢段奮鬥過程,我瀝瀝在目,而爸爸這一份偉大無私,不屈不撓，「向前看」既精神，亦影响咗我一生，令我以「向前看」作為我既奮鬥目標。


萬事怕有心，功到自然成。佢經常同我講成功對每個人其實都只需要兩步。一步開始，一步堅持。而我亦用左爸爸教我既嘢 ~創立左"加油同盟" ,透過每日分享正能量 ~去感染和教導"年青人"。 每日向前看

我透過小小既故事分享想話比大家知道，一個好既爸爸未必要好有錢、好有成就、亦未必會任何事情都會做到出面講到出口 ，但係佢地對我地既愛，好多都係埋藏心底，要我地自己用心去體會，先至可以感受到，最後送俾大家一句，珍惜眼前人，特別係爸爸，因為下一世，無論愛與不愛?都未必會再相見。

前幾日我咗一套叫:《全民直擊》。被當中既一句說話深受感動，正如我爸爸佢:《用生命換來我既領悟，唔係要讓我偷生，而係要讓我重生！》！ 我真係要多謝我呢位偉大既爸爸，以前我好勝、唔識諗。今日既我終於 [ 返番轉頭]啦 , 真正學懂「向前看」、學懂放下。並且積極面對生命。其實每一次面對考慮同埋上台既時候我都會好驚, 但係每當我諗起爸爸既時侯, 我都會同自己講: 我做得到!我一定做得到! 正如在此時此地此刻! 我都做到了 ! 最後希望上天可以將我既說話帶俾我爸爸 :

如果下一世可以楝,我都會棟做 高詠諵既仔