原來阿 柳應廷 Jer Lau 有去睇 Supper Moment 。
我有朋友幫佢地整少少嘢，話想搵d 觀眾做訪問，好多都唔肯。
點解？怕咩？
大家心照。
唔好扮傻。
唔通怕國安咩。
～～～～～
我成日都話，你要知道你身邊有幾多朋友，順風順水果陣睇唔到架。到你逆風，到你出事，你先會知，究竟有幾多人同你交心，有幾多人真係當你係一個人。這些年，我喜歡嘅歌手，都係得兩個特質：好睇，有義氣。最近有套戲，有句對白，話，「唔講一、唔講三，講義。唔講風、唔講雨，講咩？講雷。」
可能真係家教問題，我老竇成日教我：記得記住邊個對自己好，要感恩，要知道呢個世界唔會有人無啦啦幫你。
呢句說話，我到今日都會記得。所以我會好記得邊個撐過我，邊個只係機會主義者。而機會主義者，多數最後都係會自己殞滅，或是害人中害己。
早幾日，我寫左篇嘢，話想大家要記得邊個待自己好。要好好記住，顧好生存，保留記性，好好做人。
我知道，我真係知道，好多人收到嘅。
係2021年，已夠艱難，連中意邊個歌手都要驚，係好可憐嘅。
而係呢一秒，jer 做左呢件事，賭上自己事業、風評去話畀人知佢好中意呢隊樂隊嘅歌。佢有義，有雷，至少係ig上面，佢願意承擔風險，咁囉。
#幾多對持續愛到幾多歲
#不轟烈如何做世界之最
#問你死未
#呢隻歌都十幾年
#識唱一齊唱🎶🎵🎶🎵
