My two cents of a Million-dollar question
（完全唔係放負，真心討論）
之前有朋友Send咗呢個Cap圖問我點睇，老實講，做飲食嘅嘢識條鐵咩。不過，希望相去英國做飲食嘅朋友了解兩樣嘢。
响英國做非本地口味飲食，要知道自己嘅目標客戶係邊啲，本地人同香港人已經好大分別。
要明白本地市場必然比香港人口大，不過要改變本地人口味唔係一時三刻（可以係永遠都改唔到，就好似怪味Sweet and Sour Pork不死一樣），原有風味需要好多遷就取捨。不過就咗就自然會失去我地呢班香港嘴刁怪，唔就嘅話客源就會少好多，就晒兩邊就玩死自己個廚房。
另外就係訂價，如果用香港鬥平鬥賤生意mode係可以死人，因為英國除咗鋪租平之外，其他成本唔會平過香港，細節就真係唔知，剩係VAT（銷售稅）20%都已經係一條數（除非...好似舊式華僑咁囉...唔評論喇）
P.S. 作為得把口食嘅，私心緊係覺得英國周街都係港式茶餐廳最好啦，不過都唔希望人地蝕錢為咗我地呢班「華人的胃」。
#呢個L樣又放負
呢個l樣又放負 在 負能樣 的美食出口停車場
負能樣. 581 likes. 「世界多美好，都會屌老母。」其實⋯⋯負又有咩好怕喎！ ... 覺唔覺我地身邊都總有一個成日放負既【負能樣】！？ 或者個個就係你自己！ ... <看更多>