英國脫歐，真係越脫越神奇。
除左之前大大聲話要力挺脫歐，保障本地就業的Dyson，就默默地「讓領導先走」，自己率先將總部由英國搬左去新加坡。當然，當時人死都唔認係關脫歐事，但似乎身體總是最誠實的。
走左間Dyson都唔緊要，最嚴重嘅，係似乎政府已經忙到傻左，例如將其中一條輪船路線，價值約1億3800萬港紙的合約，判左俾一間新成立嘅公司。其實新成立都唔緊要，大把新公司都贏到政府合約架啦，但最大嘅問題係：呢間運輸公司，係無船架！
係呀，你無睇錯，價值成億嘅輪船合約，判左俾一間新成立兼且無船嘅公司。
雖然「只要有夢想，凡事可成真」，但呢單也未免太超現實了吧？
消息一出，全國發癲。
到後來，基於群眾壓力/ 對方真係死唔到隻船出黎，呢單野終於取消左，證明政府都真係會聽下民意。
你以為「從此就過著幸福快樂的生活」了？錯啦，正所謂一波未平一波又起，原來政府委派合約時，唔記得左招標。
需知道在英國，政府合約買乜都係要招標，但竟然上億嘅合約，就在大家眼皮底下，「話過就過」。
結果，就俾其他公司控告政府違反歐盟法律，實際上嘅操作，大家自己搵文件睇。但結果係，英國政府同Eurotunnel 做左庭外和解，英國政府賠償3億3000萬港元俾Eurotunnel。
消息一出，全國再次發癲。
一封律師信，不戰而屈人之機，Eurotunnel乜都冇做過，就拎左3億3000萬港元回家。但鬼叫你政府違法、又鬼叫你唔跟手續，白紙黑字無得打，人家依足規矩搶你就搶你，英國人再嬲都無辦法。
依家，似乎又在準備叫交通部個呀頭切腹，不，是辭職，似乎脫歐仲係繼續一鑊泡...
#江山代有庸才出
#各誤蒼生數十年
#其實告政府都係一門生意
#告到花開富貴風生水起
#脫歐果然充滿機遇
#拍戲都寫唔出呢啲劇本
#粵劇特朗普做完不如做粵劇文翠珊
#我唔敢諗佢地出年會不會加稅
#再加我俾埋條命你好冇
#我討厭政治
告到花開富貴風生水起 在 古月堂文物| Taichung | Facebook 的美食出口停車場
花開富貴 鼻煙壺與大家分享！ ... 高興興度過這一天，給這一年開個好兆頭。 來年就會風聲水起、牛轉乾坤、好運轉動、財源滾滾、家庭幸褔美滿、一生平安健康、吉祥如意。 ... <看更多>