【 《婚姻合伙人》之佢家下黃色衫！ 】
有時真係忍唔住笑！
但笑笑下，又會諗，點解咁都得嘅？
事情是咁樣的。好久沒有在黃金時段安坐家中一邊吃飯一邊看翡翠台（是的，我家吃晚飯的時間頗遲），結果無意中看到潘嘉德監製的「倉底劇」《婚姻合伙人》（周二晚，28／5播出的第12集），唔睇由自可，一望就呆咗。
話說當時我在吃魚，條魚多骨，當然雙眼會集中在夾魚這個動作上，突然老竇同我講：「你睇下，有咩可能會咁樣㗎！」劇情講到邢呇（呇粵音起，黃德斌飾）因為沒有如時到斯嘉醫院覆診，反而去了玩Paragliding，結果護士朗朝信（湯洛雯飾）要老遠上山尋找這位斯嘉醫生大股東。
第一幕二人相遇，當時邢呇只是準備飛翔，滑翔傘軟攤在草地上，從畫面清楚見到（上圖）那是黃色的。隨後，邢呇邀請朗朝信一齊「飛天」，結果翱翔天際的滑翔傘，竟然是藍白色（應該在馬鞍山昂平取景），兩個畫面只是相差一秒。
到底導演「睇片」的時候有沒有發覺這個極大穿崩位？還是，在拍攝前PA（助理編導）早已知道滑翔傘的顏色出事，卻因為時間不足而草草了事？我以為自己「心地唔好」遺留了一些關鍵位沒留意，專誠開第12集再看一次這一幕，最終發現，邢呇只向不願一齊「飛天」的朗朝信說：「我唔會勉強你嘅，不過你唔肯陪我飛落山，你自己慢慢行番落山，最多我Call定車喺下面等你。」然後就出現變色一幕。
實景拍攝當然贊成，因為有實感，但如果拍到半桶水，又的確很難怪責觀眾繼續覺得無綫製作是是但但，當然，在「神劇」《權力遊戲》（Game of Thrones）最終季先後出現咖啡杯和膠水樽之後，無綫中人又可以大條道理為這些蝦碌位辯護。
（31052019）
＃游大東 ＃游大東影視筆記 ＃港劇 ＃tvb ＃婚姻合伙人 ＃潘嘉德 快樂的 講劇時辰到 思想。影視隨筆 做乜膠睇電視 TVb粉丝俱乐部 Tvb粉絲團 方以文 睇電視喇喂 ＃黃德斌 ＃湯洛雯 港女講劇
