《草根去郊遊系列-元荃古道🌳》
最近大家都中意放假去行山⛰。草根有行開山，身邊朋友都成日闊究竟有乜嘢路線可以揀？不如而家就跟住 #草根周圍玩 睇下有邊條路線可以行啦🤟🏻
今次先講元荃古道，由荃灣一直向元朗方向行，雖然一開頭有好多上斜，但之後嘅路以平路為主，整體嚟講都相當輕鬆。啱啱起步嘅時候人較多，但5K過後d人就會分散晒。
全程分支路好多，可揀係深井離開，或者行到大棠郊野公園。今次草根就喺荃灣出發行到元朗大棠🍁。起步無耐就會到石龍拱平原，可以睇到青馬大橋🌉，係打卡聖地。如果行去清快塘方向，就可以見到蓮花池🌸。
路線：荃灣港威醫院、石龍拱、田夫仔、清快塘、大欖涌水塘（吉慶橋）、大棠郊野公園
挑戰度：🌝/🌚🌚🌚🌚
🔸交通：
起點：荃灣地鐵站出🚉，搭84號小巴到荃威花園，再行去港安醫院，對面樓梯開始出發。
終點：大棠落山可搭小巴去番元朗市中心
🔹時間：約3.5-4小時
🔸全長：約22公里
🔹注意事項：
1. 正常行去大棠唔需要落清快塘，喺田七仔有路口行去大棠方向。但今次草根就係田夫仔行咗落清快塘，睇完蓮花再兜返去大欖涌水塘方向去大堂，所以條路係會比正常嘅長。
2. 如果嫌太長，可以行到清快塘後係深井離開
3. 全程都幾長，一定帶足夠糧水
4. 分支路好多，最好預先計劃好想喺深井離開定大堂離開，到時留意地圖同指示牌🧭
@ 大棠. 元荃古道
