《素食人士也有不少不錯的選擇哦。夏麵館》
是晩約左一位食素的朋友食晚餐，所以響挑選餐廳方面都要揀有素食的，因為朋友是鍋邊素，即係並非田宗教嚴守齋戒果種，純粹盡量不吃肉，所以我們揀咗夏麵館，聽講佢入面都有啲素食嘅幾唔錯！
方便起見我哋揀咗始創中心樓上嘅分店，佢呢間嘅裝修好有50年代上海餐廳嘅感覺，離遠都俾佢門口大大個的旗袍女郎畫像所吸引！
我哋見到佢餐牌上面素食嘅選擇都唔少，只要有類似綠葉嘅圖案就代表改樣嘅係素食，我們點了雪菜毛豆百葉，麻醬拌麵，不過朋友快咗顧及我都嗌咗一啲有肉食嘅菜式，例如菜肉雲吞麵，朋友話我食晒啲水餃🥟佢淨係食面就OK喎！蟹粉素雞，佢淨係食素雞😂咁益我嘅！😂👍見佢咁益我，見佢鍾意食榴槤就點左個高力貓山王榴槤，俾佢食多粒啦！😝
雪菜毛豆百葉($55)即係百葉腐皮，出名索湯，所以佢用雪菜同埋毛豆煮成湯，腐皮索晒啲湯，清淡得來又唔覺得寡😋
麻醬拌麵($36)一個字「香」，兩個字「好鬼香」，佢嘅麻章應該係秘製，香到我朋友響對面攪拌，我都聞到流晒口水🤤，間上彈牙上海麵，簡簡單單便已經非常出色。
菜肉雲吞麵（$50）我哋見佢加$5可以轉淮山麵就轉嚟試吓，又真係幾有驚喜，淮山麵原來係非常之爽口，而且浸耐左都唔會起糊，呢個麵我鍾意喎，至於雲吞就正正常常咁囉。
見而家去食蟹嘅季節，我們點了一個蟹粉素雞（$60），佢蟹粉金黃都幾濃郁，全靠個蟹粉吊起個素雞的味道，分量唔算大，小食多滋味😋。
朋友最期待嘅高力貓山王榴槤($68/3粒)，其實就係高力豆沙啲fd, 只不過係將中間嘅豆沙轉咗做貓山王榴槤肉，出面嘅蛋白炸得仍然好味鬆化，食得出中間嘅貓山王榴槤肉係新鮮嘅，咁嘅做法都幾好味，欣賞佢嗰份創新！👍不過我哋都覺得如果榴槤肉可以再多啲就更好啦😝
好開心見到而家越來越多餐廳都紛紛推出食，雖然比例唔算多但係至少有得選擇，希望將來香港可以好似台北咁有更多嘅選擇，我都會慢慢轉食多點素少點肉。
_______________________________________
店名：夏麵館(太子）
環境🏝：7.5/10
服務💁🏼♀️：7/10
價錢💰：7/10
食物質素🍝：7/10
整體🙆🏻♂️：7.2/10
地址:
旺角彌敦道750號始創中心1樓115C號舖
#吃貨玩樂在太子
#吃貨玩樂
吃貨玩樂在太子 在 阿叔泰麵Asok Thai Noodle | Facebook 的美食出口停車場
嘩嘩嘩今日來自太子既吃貨小樂吃貨玩樂Foodielok專程黎到阿叔泰麵挑戰層層疊 仲創左新紀錄一共食左35碗呀 4月層層疊challenge仲有2日咋快d約埋朋友一齊黎 ... ... <看更多>