《北角充滿歐陸風情的火車主題餐廳。小城鎮》
同朋友響北角搵食，咁岩見到呢間幾靚幾特別嘅西餐廳就衝左入去食，抱住一試無妨嘅心態，希望冇中伏。
入到去我會以為呢間餐廳係食環境嘅，因為佢成個環境好歐陸風情😆而且係以火車做主題，好多火車同埋木製嘅裝飾，感覺上似返咗去六七十年代嘅美國咁樣，好有懷舊feel，好啱飲返兩杯啤酒食小食。
環境係幾靚，但係重點我好肚餓，同埋我不飲酒的，都有啲擔心佢啲嘢食會否好食，見到有啲晚餐精選，於是我和朋友點了一個二人餐，包左小食主菜餐湯甜品同埋飲品，多謝承惠$398 加一。
餐湯方面係兩碗周打魚湯，味道唔算好濃，唔算好多料，屬不過不失。小食方面我哋揀咗小城鎮炸雞翼，新鮮炸起趁熱食最正，一份有六隻，不過我略嫌佢細隻咗啲。
主食我哋叫咗10安士安格斯西冷牛扒配薯條，我哋叫咗燒汁和六成熟，首先要講下佢啲牛扒真係煎得幾好，六成熟啱啱好，而且食得出塊牛扒好靚，出面剪封鎖住肉汁，切開中間粉嫩！容易切，咬落去亦都唔痴牙好嫩口，叫人一口接一口！牛扒配嘅薯條亦都非常出色，佢係切到粗長方形的薯條， 出面比較少見，外脆內軟，食完呢份牛扒餐好滿足呀！👍👍😋
跟住嘅主菜就係佢招牌嘅豬肌骨，佢係配係薯角，有兩大塊豬肋骨好巨大, 切開每人起碼食到六七條ribs, 上面嘅燒烤醬朋友話好似麥樂雞嗰隻BBQ醬味，燒得都好好味好juicy嘅，不過我整體鍾意牛扒餐多啲！😋😋😋可能我個人唔係咁鍾意損骨😆
跟住嘅甜品真係令我有啲驚喜，我哋揀咗草莓奶凍同埋時令鮮果奶凍各一，我哋以為佢會好Hea咁上，點知佢將兩個果凍好靚咁擺盆，仲沈左啲糖霜點綴，好精緻咁上台，真係超靚，打卡呃like 一流👍重點係好睇又好食，個奶凍淡淡的唔會太甜而且有幾有奶味！主菜之後上剛剛好可清新解膩😋
餐飲都不過不失幾正常，朋友飲嘅熱奶茶覺得有珍珠奶茶嘅味道，幾搞笑😂
呢餐出乎意料嘅驚喜喎，除咗環境靚，食物分量大又夠靚之餘，味道仲要唔錯！又唔算好貴每人除返開都係$200度，真係幾難得，可見到老板開呢間鋪都真係花咗唔少心思，希望佢保持到水準啦！👍👍😆
_____________________________________
店名: 小城鎮 (北角)
環境🏝：8.5/10
服務💁🏼♀️：8/10
價錢💰：7/10
食物質素🍝： 8.5/10
整體🙆🏻♂️：8/10
地址:
北角明園西街2-6號明苑中心地舖
#吃貨玩樂在北角
#吃貨玩樂
#小城鎮
吃貨玩樂在北角 在 (已結業)【大雄Vlog】北角平價晚飯?? - YouTube 的美食出口停車場
(已結業)【大雄Vlog】北角平價晚飯?? 1,028 views1K views ... 【香港遊@西營盤】 吃貨玩樂VLOG｜食超正流心西多士和源記糖水｜正街音樂夜. ... <看更多>