【 #愛情冷知識 - 情人暱稱愈低B，關係愈穩定！ 】
「BB」、「傻豬」、「豬仔」、「肥豬B」，呢啲稱呼你聽到其他情侶講真係打晒冷震，不過其實當你同另一半相處，唔多唔少都試過咁叫佢（我肉麻就得，人哋唔得）！呢啲稱呼聽到都幾冧，原來仲可以令戀人關係更穩定，無咁易鬧大交，甚至分手！
.
外國心理學學家Dr.Dacher Keltnerh 於2009年出版嘅著作《Born to Be Good》中指出，原來兩人相處愈幼稚，鍾意鬥嘴開對方玩笑，或者成日講Baby Talk，用戇居居暱稱稱呼對方，兩人愈恩愛！因為呢個行為係你不自覺複製緊BB時期同父母充滿愛嘅互動，亦可以喚醒對方對母愛嘅情感記憶，刺激腦部分泌出「愛情化學劑」苯乙胺，令大腦有「我在墮入愛河」嘅感覺～ 愛情其實都係化學反應咋，傻豬！
.
由於呢種傻奸奸嘅相處氛圍係你哋獨有，所以有時相處太幼稚就容易有二人世界、視他人為無物之感，又難怪隔黎啲人反晒白眼嘅... 而因為習慣咗當對方BB仔，研究就顯示鬧交嗰陣雙方都更願意讓步，內心會覺得無謂同個小朋友（或者傻仔？）計較，關係自然會穩定啲～
.
以後唔怕朋友聽到笑_你，放心叫另一半「肥豬仔」喇！
朋友OS：無咩事我出返去繼續嘔...
.
#叫你BB其實真係當你BB仔 #鬧交嗰陣唔想同啲𡃁仔計較 #打冷震 #社會實驗 #穩定 #減壓 #搞笑 #肉麻 #幼稚 #香港 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動 #港式情侶
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
叫你bb其實真係當你bb仔 在 港式情侶HKstyleCouple - 【 #愛情冷知識- 情人暱稱愈低B 的美食出口停車場
「BB」、「傻豬」、「豬仔」、「肥豬B」，呢啲稱呼你聽到其他情侶講真係打晒冷震，不過其實當你同另一半相處，唔多唔少都試過咁叫佢（我肉麻就得，人哋唔 ... ... <看更多>