今日想好正式咁從心底裡多謝所有喺比賽期間幫過我嘅人
多謝大家義無反顧、不計回報咁幫我
我話過會努力咁贏冠軍返嚟報答你哋
雖然今次仲爭兩步...
但我應承你哋我一定會愈走愈遠！不限於此！
要多謝嘅人同單位實在有好多好多，等我逐個講～
首先要多謝 ViuTV同節目組，因為冇呢個節目，根本就冇呢個真人show同選美經歷，呢幾個月無論幕前定幕後都好盡心盡力去拍攝，投入咗120分嘅心機去做好個節目，好多謝你哋好愛錫我哋，好保護我哋，將我哋最好嘅一面呈現比觀眾～
之後要多謝我嘅隊長 何啟華 DeeGor Ho，一直都好欣賞你好有自己諗法同才華，由報名一刻我已經好希望係入你嗰組，好感恩只係得6個女仔投心心比你，喺無可奈何之下你都要揀我入組😚
喺你身上我學到好多表演技巧，同埋創作可以有更多嘅可能性，有幾次我以為自己已經做得夠好嘅時候，你會話我聽唔夠，示範比我睇可以點樣再表達得清晰啲，出嚟嘅效果會更吸引觀眾，令我反思返自己係舞台表演上嘅不足，然後諗方法求進步
多謝其餘三位隊長，雖然接觸好少，但你哋好樂意分享自己經驗比我哋聽，特別係保錡，雖然你外表MK，好似衰衰咁，但其實我感受到最心底嘅你係善良嘅人，好願意幫助人，希望有一日大家都會睇到呢一面嘅你
多謝我嘅組員同Writer，大家都好用心一齊拍攝，我哋各人性格唔同，但互相包容、互相尊重，願意分享同埋幫助，最開心就係等埋位時一齊傾無聊嘢，笑下玩下，分散下因為要拍無限單頭而等到凌晨嘅疲倦🤣
《五條Q一哥》係最正的！好開心入到呢組，大家唔洗拘謹啲細節，你串下我我串下你，夠直接夠爽快！
講完節目製作入面要多謝嘅人，輪到幫手打造完美 #細細粒 嘅人，多謝你哋幫手，等我由內靚到外，再由外靚返到內，達到生生不息嘅境界！
首先個頭同妝先！總決賽當晚 Iris Luk Make Up M. Mavis Haidar 非常用心同細心咁幫我化妝同整頭，仲照顧埋我身體每一吋肌膚！認真！因為你哋嘅妝頭令到我好放心，好有自信行上台，即使除罩一刻都唔驚❤️好多人讚我當晚好靚🥰爭啲唔認得，全靠你哋！
個頭能夠set得咁靚，都要個髮型同顏色本身靚，多謝Otto就算幾忙，知道我要出鏡要染頭，都會攝時間比我，幫我整靚佢，好有義氣！重點佢拎哂全部同事嘅電話，喺Fb投我一票😂
到皮膚同身形喇！全靠 Beaunique Medical Aesthetics 唯我醫美・真正醫學主導 幫我做女神彈彈槍同隔空溶脂，等我可以皮膚靚靚，仲有肚腩byebye，最佳狀態咁行catwalk！仲有每次都得到你哋嘅無限支持同鼓勵！
身體方面，由於日日係咁跳繩，不斷重複練習，有時動作做錯咗，搞到周身傷，實不相瞞，過去呢個月我係整傷咗膊頭肌肉，同埋腳腕嘅肌肉，仲試過痛到瞓唔到😢
但練習又唔可以停...好在！忠醫診所 好好，主動出手幫我針灸，放鬆返啲肌肉，等我可以繼續排練，特別係決賽前幾日我意外屈親隻腳，好在有你哋幫我，可以順利表演！
最後就係服裝方面，12強入8強嘅前幾日，突然收到通知要自己準備晚裝，當然完全唔知點好，好在 Tickled Pink Bridal Closet即時答應咗比裙我著，喺極有限時間入面幫我改短，仲搵埋攝影師、化妝師幫我影咗輯靚相，令我有一方有難，八方支援嘅感覺！
其實仲未多謝完...上面只係一半🤭
好多人讚我個Solo performance好好睇！
除咗放咗好多心機之外，仲碌咗好多人情卡！
下個post繼續多謝！又要抖抖先....
我想講...抖咗兩日...仲未回魂👻
#細細粒 #最後一屆口罩小姐選舉 #細粒都可以做大事
口罩小姐mk 在 口罩小姐聞西才藝搶fo奪冠MK馬小玲包辦亞季軍 ... - YouTube 的美食出口停車場
口罩小姐 聞西才藝搶fo奪冠MK馬小玲包辦亞季軍師姐大熱倒灶三甲不入｜Viu1 娛樂新聞《尾二一屆口罩小姐選舉總決賽》噚晚圓滿舉行！12強佳麗施展渾身 ... ... <看更多>