🐰
【最後一屆口罩小姐】
(此乃參賽感受文, 感謝文下篇）
大家好！我係70號肥腰
終於可以認喇😆😆😆
最初參加呢個節目我一直覺得係只係一個綜藝節目
拍攝初段自身發生好多阻礙
尤其係整親隻眼🥺
流住眼淚痛住去露營, 所以頭兩集我都好唔滿意自己嘅表現, 有責怪自己點解咁冇表現
原來拍真人show 同平時拍開嘅綜藝係兩件事
亦覺得自己太習慣於日常拍攝考慮得太多會搭咗人哋聲後期會剪唔到呀, 會阻到人哋鏡頭呀等等, 令工作人員一度擔心過我太靜冇存在感
然後諗咗好耐決定咩都唔理,
話明真人show就做返平時on9嘅自己
所以由煮野食開始, 我釋放返個人投入咗好多
喺旁人嘅眼入面, 總係覺得我好有自信, 亦覺得我輕鬆冇需要擔心每次嘅淘汰環節
無論係隊員定其他參賽者都同我講過同一番說話：我唔明點解你對自己咁冇信心, 你做得好好！
但其實我係一個好冇自信心嘅人, 經常懷疑自己, 每次都返去諗返自己自己拍攝過程中好多野都做得唔夠好, 每次淘汰我都諗過會係自己要離開
所以每次拍單頭writer同導演都迫問我：你想行到幾遠？有冇諗過贏？
我每次都答：我冇諗過
因為我唔敢去諗, 對我黎講每留低一次就多一集比觀眾見到我嘅機會, 已經好滿足
一直都覺得係一係綜藝節目, 直到入八強
收到決賽當日嘅環節
我先醒覺！O...Shit! 原來我參加咗個選美比賽🤦🏼♀️
大佬呀！選美呀！要著泳衣呀！要有儀態呀！要斯斯文文！要表演！要喺台上比人評頭品足！
以上呢啲同我完全格格不入
我真係唔係一個靚女🤦🏼♀️點攪...
但我知道我冇退路, 只可以盡奶力做到最好
喺呢條不歸路上面好多好多好多好L多人向我伸出援手, 好多人將期望放喺我身上面, 好多米粉背後一直撐住我不離不棄💪🏻
所以我備戰果個月我真係每一分每一秒都唔敢比自己休息, 每一日都chur到盡訓幾粒鐘, 我真係好怕會辜負咗大家嘅期望
一直唔敢諗要贏嘅我, 因為大家嘅支持, 我有咗個目標, 好想贏好想報答大家
雖然最後與名次無緣, 但其實我冇唔開心冇覺得唔抵, 因為其他參賽者真係做得比我更好
身邊嘅人好著緊我, 好鄧我唔開心,甚至我收到好多msg話睇到哭𠹌咗🥺
係我對唔住大家😭😭😭
比賽呢4個多月, 我真係成長咗好多, 亦突破咗自己好多, 想做嘅野只要肯努力係一定會做到
呢個比賽我贏咗大家嘅支持, 多謝每位投我一票嘅觀眾, 我亦都贏咗一個好靚嘅舞台同埋一個寶貴嘅經驗, 知道咗自己咩地方嘅不足, 喺未來嘅日子繼續努力進步, 喺下一次機會黎到嘅時候
就可以緊緊捉住唔放嚕🤍
口罩小姐70號 在 呢位27號口罩小姐好熟口面喎㊙️難道係我哋BigBigAir一姐 ... 的美食出口停車場
呢位27號口罩小姐好熟口面喎㊙️難道係我哋BigBigAir一姐 阿寶Ah Bo 陳莉寶Bo Chan 聽講今晚嘅「體香比賽」有佢份 大家幫手認下人 ViuTV 9:30pm-10:30pm #尾二一 ... ... <看更多>