「想哭兩秒…都怕要到深宵三點。」
當一個人能力愈大，責任亦顯著愈大，
有時想抖啖氣都唔係咁易。所以要學識
忙裡偷閒，拿捏自己既生活節奏培養
心理健康為之首要呀！計我話要鬆一鬆，
係尖沙咀搜羅一下高質日本菜，
話都無咁易。就好似呢間日式浜燒
居酒屋「漁 道 樂」性價比高之餘，
隨時都有種樂而衣樂而忘返既感覺！👇
-
📌漁 道 の 刺 し -
▪ 北 海 道 甘 エ ビ - $68
▪ サ ー モ ン - $68
▫ 先來分別兩客「北海道·甜蝦刺身」、
「三文魚·刺身」，厚切既三文魚睇落
色澤鮮明，入口充滿住甘香既油脂，
質感軟滑爽甜；而北海道甜蝦口感
鮮嫩，鮮味十足，每一啖都食到
細膩既清甜感，呢個一定要試！
-
📌浜 焼 き -
▪ ア ワ ビ - $68
▪ ホ タ テ - $68
▫ 然後輪到我最後既浜燒系列，今次試左
燒「鮑 魚」、「帆 立 貝」，兩者都經
Staff親手幫我地燒，睇住鮑魚慢慢
燒到變色真係好治癒。而入口感受到
果份海水既鹹鮮味，口感爽彈結實，
又唔會太韌，認真好食；而帆立貝食落
鮮甜肥美加上昆布汁一齊燒，份外惹味！
-
📌サ ラ ダ -
▪ アボカドとワタリガニのサラダ - $88
▫ 清清地黎返個「牛油果·軟殼蟹沙律」
解下膩先。以軟殼蟹做主角配上牛油果、
車厘茄，成個顏色非常清新；整體口感
豐富之餘，軟殼蟹食落炸粉唔會太厚，
沙律醬十足，唔錯。
-
📌鮮 度 逸 品 -
▪ 海 皇 卷 き - $98
▫ 擁有集吞拿魚粒、三文魚粒既
「海 皇 卷」，整個組合相當有睇頭，
而且賣相同擺盤精緻，係打卡一族最愛。
成個拍入口夠哂過癮，刺身入口軟綿，
配搭結實既飯粒，口感特別豐富。
-
📌揚 げ 物 -
▪ 黑 豚 ト ソ カ ツ - $98
▫ 皮脆肉嫩既「吉 列 黑 豚」亦有驚喜，
份量就認真夠哂多，黑豚肉炸得非常脆口，
但內裡完全唔乾身，又唔會太油膩，
我幾欣賞；而配搭日式燒汁，
帶淡淡既酸甜味，幾好食。
-
📌天 ぷ ら -
▪ 天 ぷ ら 盛 り 合 わ せ - $128
▫ 輪到必食環節，我會推薦「什錦·天婦羅」，
一次過食勻茄子、蕃薯、秋葵、南瓜，
多種食材配搭加強口感既層次多變。
而炸粉夠薄身，即叫即炸，
色澤相當金黃，食得過！
-
📌付 け 合 わ せ -
▪ 明 太 子 卵 焼 き - $98
▫ 最後試埋個「明太子·燒玉子」就完滿
結束漁道之旅啦，賣相睇落非常靚仔，
以多層既燒玉子卷住一粒粒既明太子，
視角好震撼。一啖過非常滿足，
而且蛋味十足，相當好食。
-
📎 漁 道 樂
📍尖沙咀金巴利道35號金巴利中心地下A舖
口モテ 在 【モテないオトコ】口だけだなと思う男の特徴 【タップル】 的美食出口停車場
女の子は普通を装っていても、話の中から冷静に分析しているもの・・・実は、口だけだなと思われている男性って・・・？渋谷の女の子たちに聞いてみ ... ... <看更多>