外婆紅燒肉
又話要減肥！但又不停要食肥豬肉😑係咩心態呢⋯⋯
上海本幫菜嘅精髓，濃油赤醬嘅表表者:外婆紅燒肉！
這道係上海家庭主婦必煮的拿手好菜，當中步驟材料大致相同，可能分別在於調味料上的特色！
這道菜基本上只需有四種材料！分別係豬腩肉、生抽老抽、紹酒或黃酒、同埋冰糖，而且全程不用加水煮的！
話晒我都叫做半個上海人，呢道菜又點會難到我呢😎炆煮完的五花腩肉，味道香濃軟糯。雖則叫濃油赤醬，但你並不會覺得佢只得咸味，而係肉汁加上香料醬油煮成的一滴甘露！好彩我只係煮得一碗白飯，否則多多飯都唔夠我添，仲話減肥😅
材料
。五花腩約750g
。生抽，4湯匙
。老抽，2湯匙
。紹酒約500ml
。冰糖，約3湯匙
。八角，2粒
。香葉，4片
。丁香，4粒
。薑片，8片
。葱，1扎
煮法
。將原塊豬腩肉放入凍水，加一半葱段及4片薑，水滾後煮10分鐘，取出沖洗後放入冰水冷凍！
。取出腩肉抹乾淨，切麻雀大小塊，放入中大火油鑊煎至兩面金黃色，盛起備用！
。再燒熱炆煮鍋，落薑片，蒜頭，葱段爆香，加入煎過腩肉翻炒片刻！
。收慢火，加入生抽、老抽，翻炒至出香味後，加入冰糖煮至差不多溶解，就可以倒入紹酒至差不多蓋過腩肉，並加入所有香料，煮滾後轉中火炆45分鐘，或至汁液開始收乾即可！
。喜歡加入雞蛋🥚於最後15分鐘加入，雪過夜更入味😍
