深呼吸
深呼吸，一呼一吸，深呼吸。碰上困難，看看老二，能屈能伸，能硬能軟，能粗能細，能幹能休，你的所謂困難，都唔係好困難啫？
最衰人喜歡逃避，鍾意鑽牛角尖，以為唔理佢就得，問題就會消失，唔識病向淺中醫，斬腳趾避沙蟲，同駝鳥匿喺沙堆，有乜分別啫。
做人嘅嘢，唔理樂觀或者悲觀，梗會遇到困難挫折，避無可避，首先承認問題所在，等運到唔係解決方法；第二要話畀親朋戚友知，喺安全嘅情況下，高聲呼喚，一人計短，二人計長，辦法總比問題多，視乎取捨如何；最後一樣，要堅強啲寬容啲正面啲，不管人前人後，傷心就哭吧，沒有甚麼可怕，不哭的人才可怕，何妨大喊三場，三場好啦，然後抖擻精神，馬死落地下，行吓行吓，又可能行到羅馬，隧道盡頭或者有曙光，我諗。
老公：如果我失業，量地無嘢撈，無收入，無飯開，一定廣為宣傳，你梗知，好友知，同事知，高層朋友更加需要知，等人人知道我好「淒涼」，手停口停，博人同情，幫手轉介長工或part time，或者借啲意請我食飯。
老婆：由舊年五月到𠵱家，無嘢撈，無收入，即係失業，已經唞咗好耐，放縱咗好耐，食咗朋友同事三四十免費餐，喺時候搵工囉喎。
老公：呢啲叫做退休食軟飯，你話養我一世喎。
老婆：可以退休，但唔可以唔做嘢，你又唔鍾意瞓覺，又鍾意睇書，不如試下做看更囉，夜更嗰隻，你一定搵到辦法革新保安業，又慳腳骨力，一家便宜兩家着。
老公：😱😱鎮定啲，深呼吸，深呼吸。
博人 傳 56 話 在 博人傳56話：五影會談，第五次忍界大戰即將到來 - YouTube 的美食出口停車場
博人傳 #忍界大戰# 博人傳56博人傳56話 ：五影會談，第五次忍界大戰即將到來，改造人時代來臨！ ... <看更多>