【迪士尼員工都市傳說奇談：神秘鴨仔去哪兒？🦆🦆😂】
先問一下，呢度有冇朋友去過／去緊迪士尼實習／工作？有嘅話，你有冇聽過呢單嘢？😂
曾經分享過，n年前喺美國迪士尼嘅生活，係我人生中最開心嘅三個月，之後咁多年嚟，我發現到原來好多好多好多人，都曾經喺美國迪士尼實習過，分分鐘拍得住去Working Holiday。無論係香港朋友，定係外國朋友，每個人一講起呢個集體回憶，除咗一定會分享大家邊度做過、最鍾意咩ride、曾經做過最癲嘅事，大家都一定會講呢個都市傳說，so far我冇聽過一個新朋友未聽過呢個故事，而呢個故事，估唔到流傳咗接近十年，而故事源頭，竟係我果年發生。
話說當年我住喺Vista Way（其中一個員工宿舍，非圖中所在，因為當年冇乜影相），喺巴士站附近有個好細嘅湖，湖上面有幾隻鴨仔日日好輕鬆咁浮浮下，無論你幾早返工、幾遲放工，見到佢哋係咩煩惱都冇曬，喺我心目中，呢個景色係最完美外國生活。然後，有一排，我發現好耐冇見過佢哋，咁其實有同冇你都唔會好care，只係覺得少咗啲嘢咁。
我嘅同屋係幾個北京人，咁真心佢哋冇乜嘢，反而佢哋嘅同學就幾奇怪。有一次，佢同學間屋有兩條蛇走咗入去，佢哋冇call人嚟幫手，反而徒手捉咗兩條蛇，仲好型咁捉住影相，睇完我都覺得你班友癡孖根。有一日佢同我講，佢哋「同學個同屋個同學」俾人炒咗兼遣返。如果有做過的話，都知美國迪士尼其實幾白色恐怖，冇事就冇事，但都好少事就可以炒咗你（有興趣可以再分享），但佢哋單嘢聽落都唔知話大定細好。
理由係咩？原來佢哋半夜三更走落個湖捉咗幾隻鴨，聲稱打算做燒鴨咁話，然後「處理」過程太嘈俾人發現，東窗事發，但都阻止唔到呢場「謀殺案」。
我唔知我「同屋個同學個同屋個同學」呢個咁轉折關係係咪堅，定真係佢哋柒咗賴落呢啲「朋友個朋友」嘅關係，又還是根本佢哋都係聽返嚟（但我相信做得出「燒鴨」嘅行為都係大陸人，而後來咁多個Version都係講緊大陸人），但呢單「鴨仔消失事件」，的確我當年發生嘅事，果時都幾哄動，如果換著今日，咁花生嘅事我諗上硬各social media都似。我估唔到，到到今日新識嘅朋友，喺我後n年去嘅人，甚至仲做緊嘅人入面，都聽過呢個故事，講講吓自會問起「你有冇聽過以前個湖啲鴨俾人食咗？」
事件會流傳到咁多年，定還是之後幾年再出現過鴨仔又俾人食咗，就不得而知喇。聽過好多個唔同version，有人甚至傳到話班人捉鴨仔時浸死埋，之後個湖有水鬼；又有人傳話啲鴨仔好似係假嘅－－我親眼目睹，佢哋曾經生存過在世上。
一件接近十年前嘅事，到今時今日仲有人傳緊，甚至成為咗新朋友打開話匣嘅話題，我覺得好奇妙，而一切嘅源頭，竟然係我果年，仲要疑似係身邊人發生嘅事。
講起美國迪士尼嘅都市傳說仲有好多單，自然都成為大家嘅話題，唔知有去過嘅朋友，有冇其他更爆嘅分享？😂😂😂
🇮🇸冰島 X 🇺🇸美國。經典場景遊講座三度舉行，Mark實時間喇：
日期 | 30/3/2018
時間 | 15:00 - 17:00
地點 | 觀塘鴻圖道59號鵬光大廈4D
費用 | $60
表格 | goo.gl/pAkgj1
活動詳情 | goo.gl/9p49GC
➡新書銷量已遠超一半，你唔係仲未買呀？即請下單 | goo.gl/J9QdBR
➡台灣書局兼網上平台亦已經上架，可去文中連結購買 | goo.gl/xzCymP
【IG請follow】www.instagram.com/travelerwithmovie
