【《今際之國的有栖》漫畫劇集對比，更鍾意Netflix改篇！】
#此文沒有劇透
#大家留言都唔好劇透
#劇透留言必刪
睇完套戲／劇鍾意到搵返原作漫畫嚟睇嘅，真係唔多，始終我對睇漫畫興趣唔大，人生第一次係《死亡筆記》，早排有《整容液》，剛剛就睇埋《今際之國的有栖》，果然大開眼界－－真心第一季結局咁完，就如同當年《死亡筆記》兩強相遇就完咁，個cut-off位好正，你會好想知道發生咩事，就決定睇埋套原作漫畫。
同意有讀者所講，Netflix嘅還原度極高，唔止選角夠神似、服飾打扮場景佈置都同原作一樣，更妙在Netflix劇集連鏡頭擺位都同漫畫角度一樣，呢一點係值得一讚。
首先好General咁分享分別啦。劇集除咗外傳、支線人物遊戲冇拍曬、第一Game係原創、涉谷街頭嘅人突然消失個設計之外，主線幾乎都同漫畫完全冇分別，就係勝在還原度高之餘，都令故事更加貼地，突出埋角色之間細膩感情。
無論係男主角同朋友之間嘅關係、兩位「大佬」之間嘅情誼，描述都比原作更細膩，深化咗角色嘅關係，確令故事投入度大增；漫畫入面遊戲係誇張咗少少，劇集適當嘅改動，都令故事更貼地，如果繼續拍第二季，用返呢個方式應該都會幾好睇。
雖然冇明確交代「下場」，但「海濱」入面某兩位角色嘅下場係同漫畫有少少分別，都會直接影響到之後故事發展，劇集改動係令結局更為震撼，但後半段如果冇咗呢兩位咁傳奇角色，唔知會點講？
劇集版鋪第二階段個Twist位都唔同。作為劇集季度大結局，要扭個更引人入勝、具追看性結局，呢個處理應該係會比原作嚟得更有睇頭（由萌萌花而唔係一個二打六「發現真相」），但同樣地，人物角色改變咗，相信第二季都唔會跟足曬原著，就好似當年《死亡筆記：最後的名字》一樣。
至於仲未拍出嚟果後半截，坦白講小弟數學頭腦有限，有幾個Game堅要load好耐先明佢講緊乜，甚至講完都明唔曬（人嘅心理係咪真係咩都可以用數學去計算），叫我去玩應該好快係咁先，唔知劇集可以點呈現咁複雜Concept？對於原作入面嘅心理戰，就真係超鍾意，尤其是終極一Game確係驚為天人。你以為佢係反高潮，點知連讀者如我都俾佢拉咗入個心理戰遊戲入面，相信易地而處，呢個世界冇乜邊幾個人喺咁樣絕境下，心理質素都可以咁強大，睇時投入咗，原來我哋都係輸家。
到最後，《今際之國的有栖》講嘅原來係個生存意義嘅故事，喺一個咁嘅極端絕境下，到底人點解要生存？既然人生注定係痛苦絕望，再努力都不過係人哋嘅棋子，又係啲咩嘢，驅使我哋咁努力去為人生奮戰到底、撐到最後一刻？我哋要追求嘅，係人生的意義個「答案」，定係去享受呢段短暫嘅人生？將堆咁哲學性問題，咁樣一下子爆出嚟，完全言之成理，都刺激到讀者嘅思考－－當然如果「影像化」都係咁樣拍出嚟，你或者會覺得主角不斷係咁「鳩叫」，但相信Netflix總有佢辦法嘅，第一季嘅手法個人覺得係自然嘅。就咁睇呢類「玩Game式生存遊戲」，好多時都會爛尾，或者解釋唔到，難得呢套解得通之餘，仲有個餘音裊裊嘅收筆，「影像化」後可以想像到大結局會幾催淚。
可以肯定嘅係，朝比奈彩嘅「水雞Look」第二季依然存在。
希望Netflix續訂第二季，都希望佢續訂果時，我哋唔會個個已去曬今際之國／彌留之國玩Game。
《今際之國的有栖》觀後感可看留言連結。
想詳細睇曬漫畫同劇集嘅15個最明顯分別，又點樣會影響到往後劇情發展？請睇Patreon足本版文章：https://www.patreon.com/posts/45274549
📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei
🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu
【IG請follow】www.instagram.com/travelerwithmovie
劇透留言必刪 在 【撩星聞】《黑暗榮耀2》劇透！配角們大集合偷洩真相坦言 的美食出口停車場
韓劇《黑暗榮耀2》演員大集合，一邊討論劇情，一方面也小小的 劇透 了，更分享大家上網看到網友的 留言 心得。#黑暗榮耀2 #黑暗榮耀#中天娛樂頻道#音樂# ... ... <看更多>