《爸·你值得擁有》
仲記得小學二年班，我好想擁有一部單車，爸說只要我考到頭三名，就可以俾我去玩具反斗城自己揀一部單車。那年，我考上了全班第一，興奮得唔食飯都整晚盤旋喺門口等佢放工返嚟話佢知我得咗！
門終於都打開，我跳上前：「爸，我哋幾時去買呀？」
豈料爸沒帶點什麼笑容，只是語重心長咁同我講：「你努力得返嚟嘅成果，呢部單車你值得擁有，放心吧，呢個週末帶你去買。」用著那又大又粗糙的手，掃掃我後尾枕，就去了換衫食飯。
畢業後投身社會，符碌加努力，有日終於升上經理呀姐級。於是用做經理竇返嚟嘅第一份糧請咗兩寶刷餐勁。佢哋都不解我無端端請食飯，當叫到成枱都係餸嘅時候，我喪搖爸那隻成梳蕉咁大的手：「爸，我做咗阿ger喇～！」
一路夾餸，一路氣定神閑咁話：「你能夠有今日嘅成績，必定係你努力不懈爭取返嚟。所以你唔應該請我地食飯，應該係我哋請你，呢餐飯，你值得擁有。」
時常引導我點樣去努力做好自己，如今你實實在在體現了。
知道你一直好努力地走著走著。
媽咪同我哋一直陪著你走。
如今你累了，好好休息。
卸下勞苦，放下苦痛。
你不再被病魔折騰。
見到你不再愁眉苦臉，
就想起我攬住你時，
笑得好燦爛的你。
靜靜的，安詳的。
爸，
你成日話就算幾痛，好在有我哋陪住你。
爸，
有我哋一直喺你身邊，你值得擁有。
爸，
我哋會好好照顧媽咪。
爸，
我會一直努力下去。
爸，
我好想你。
爸，
爸。
IG @misi_gipsy_italy
#嫁到意大利
#爸
#捨不得你
#你要快樂
#我會努力堅持
#像你般堅忍
#愛你
刷餐勁 在 【十個港式廣東話俚語+ 英文解釋】擦、擦餐勁 - YouTube 的美食出口停車場
【十個港式廣東話俚語+ 英文解釋】擦、擦 餐勁 、擦錯鞋、擦鞋、擦鞋狗、擦鞋仔、擦一餐、抄、抄牌、炒您又知唔知咩意思呢. ... <看更多>