真mk仔：
1. 將頭髮染成各類顏色 中意用蔭遮眼
2. 身上面有紋身
3. 一邊或兩邊耳仔有耳環
有啲甚至穿上唇環鼻環舌環等
4. 著既衫望落好潮 但其實襯到不倫不類
5. 中意好大聲講粗口兇人 氣勢上唔輸蝕先
6. 有好多年煙癮或電子煙癮
7. 身材瘦弱又扮大隻
8. 性格有少少暴躁 講野大聲
9. 自創潮語 中意做出位同受人注目既事
10. 喺facebook用mk怪名
例如醉愛mk 永世罪疚 小偉等等
11. 喺facebook有好多冇血緣關係既兄弟姊妹
12. 覺得自己好型 咩都影上網
你依家係咪覺得佢地明明行為同外形咁異類
但點解咁多女仔寧願揀mk仔都唔揀你呢？
原來成日啲人喺討論區話mk仔人品好好
甚至仲好過好多中年大叔
有網民話之前做暑期工
見到勁爛口 紋曬身既mk仔以為冇好日子過啦
點知成間鋪頭原來最nice係佢
又好有耐性教人 做錯野都唔會淨係識鬧
亦有網民憶述之前新手去飛鏢唔識開機
有個mk仔過黎幫佢開
見佢廢仲教埋佢玩添😭
好多mk仔都唔會眼白白望住人死
因為佢地自己都係咁行過黎 感同身受
之所以依家成為mk仔
或者係因為以前既社會風氣
正如依家興偽韓 偽毒咁
偽mk仔：
多數都係著西裝戴勞開跑車
返工冇啦啦賺好多錢
平時最中意講到自己幾勁又睇唔起人嗰啲
mk仔多數係讀書唔好 外表又唔討好姐
但佢地唔會齋死讀書或者沉迷打機
相比起西裝友除左多人生歷練之外
其實佢地內心幾單純😌
平時大大聲只係想做啲野人注視姐
有啲仲要好好心地 有義氣
仲有佢地大部份都好有禮貌
見到有人有需要幫都會主動幫手
反而以為讀多兩本書就巴閉啲既西裝友
寸嘴冇禮貌 狗眼看人低🌚
做過服務業既人都知西裝友...
絕對係最黑人憎既西客之一
仲記得以前我好細個仲返學比人迫去賣旗嗰陣
買嗰啲永遠都係紋身大漢同mk仔
西裝骨骨既人多數會反白眼直行直過
有啲仲覺得我嘥緊佢時間😪
所以唔好以貌取人 人品冇樣睇既
往往「仗義半從屠狗輩 負心多是讀書人」
p.s.mk仔只係受後生女歡迎
冇錯佢地細個係好易溝到女仔
但當女人愈大就會愈追求穩定
除非mk仔唔再做mk仔 變成成熟啲
否則mk仔到左大個就會唔再搶手 甚至冇人要
#利申只係中左紋身耳環呢啲外表既野唔計
#心態同行為先係mk仔決定性因素
#By懶醒女朋友
