關於 利物浦足球學校好唔好 ，我們在網路上蒐集到這些相關的討論、資訊與評價

有網友同我講，想我講多啲關於做生意嘅嘢，尤其係Marketing，今日我有一個新鮮滾熱辣Marketing 個案分享。

一年幾前，我的前南華球員趙俊傑搵我，佢話小學同學 Louis 由一個國米死忠，到而家大個仔要喺香港搞國米青訓學院，想搵我傾傾marketing。

我爭啲想同阿傑講：「你同 Louis 係friend 嘅，不如勸佢唔好搞啦。」

香港原有4間國際品牌青訓學院：車路士、阿仙奴、利物浦，加埋馬會以曼聯品牌搞嘅青訓計劃，如果國際米蘭青訓都來香港登陸，就會係第5間。

我見到Louis 嘅時候，同佢講左兩樣嘢：

第一，一個新品牌，需要BD (Business Development) 多過需要 Marketing，因為如果新品牌搵唔到一個最具優勢嘅定位，同異於對手的營運模式，好快你就會覺得市場推廣係嘥錢嘥時間，到時發展得一年半載，如果你要cut cost ，第一個一定斬Marketing ，尤其是係outsource 嘅 Marketing Retainer，即係我。

所以，我同Louis講：我可以幫你做，但你用同一個 budget，我會同你做埋 BD Consultant，同Marketing 工作雙管齊下。

我記得當時佢面都青埋，問我咁要幾多錢，我話「係你請一個好少少嘅 Marketing Manager 嘅市價，我幫你 form 一條小 team 去做，呢條 team，連我在內，3個人。」

「3個人夠㗎嗱？」

夠㗎喇，喺我多年嘅工作經驗經驗裡面，我發覺小隊係最有效率的，一個係腦，一個係手，一個係腳，基本上已經可以完成九成嘅策劃，唔夠人先請外援。

第二，喺香港搞青訓學院要突圍而出，非常容易，只要你有個固定嘅校址就贏晒。

香港嘅足球青訓，從來都係流離失所式上堂，學院要去炒場俾學生上堂，次次唔同時間唔同地點，用公眾設施又未必適合小朋友，咁叫家長點放心呢？

跟住我見到 Louis O 嘴，我知佢諗咩，喺香港，固定足球學院校址好難搵，如果易搵，其他學院都一早搵左啦，但事實係，依家仍然係個個要炒場。

我同意，呢個真係好難。因為喺香港，就算你有錢，都唔可以起一個私人足球場自用，呢個係香港土地用途規限，所有場地都係政府嘅，又或者係私人會所嘅，有啲學校都有私人球場嘅，但為保障學生安全，好多都唔會開放俾外界使用。

但係，唔艱難又點得世間財？做唔到有獨特之處又點會站得著腳呢？我話：「你俾我諗諗，無嘢係唔可能嘅，一定穿得到。咁 Louis 你可唔可以即刻同我公司簽兩年約先呀？」

就係咁，國米青訓學院就成為我Maxi House - Sports 嘅第一個客。

呢一年內，我哋除咗搞港九新界恆常班，仲組咗精英隊，亦入咗好多保良局嘅幼稚園同小學做訓練，成立咗一啲衛星學校隊（即係由國米香港去幫學校成立同訓練校隊），搞過好多次社區活動，暑假搞咗Summer Camp，明年一月去意大利嘅Training Camp 同 Internship 亦都已經成團（尚餘少量名額，仲可以報名)，將會起行！

一年之後，我搞掂咗兩個 ‘Mission (Almost) Impossible’：（1）國米U13精英隊參加足總香港青年聯賽，同埋，（2）成功爭取到固定校址，喺大球場對面嘅印度遊樂會。

好彩搞掂咋，所以Maxi House沒有被炒，未來仲會幫手策劃同推廣新嘅海外分校。

多謝香港國米青訓學院，多謝Louis，多謝國米，多謝你哋相信我 - 其實真係淨係得你哋相信我咋，所以我到而家都只係得國米一個 Retainer客戶！

今朝喺小國米U13對小車路士U14嘅event度，來自意大利嘅國米資深青訓技術總教練Luigi Mainolfi 同我講，香港國米係咁多國米海外青訓學院之中，其中搞得最成功嘅幾間之一；雖然香港有先天性問題，硬件方面好難配合，但係其他各方面都搞得好好，接近係一歲新校嘅完美。。。嘩，我好開心呀！原來，我真係識識哋搞足球㗎！

現在我仍努力尋找，九龍區新界區固定校址！如有任何與香港國米青訓學院嘅合作建議，請找 Maxi House：
info@themaxihouse.com
whatsapp: 9885 4288

小國米 vs 小車路士

香港國際米蘭青訓學院 Inter Academy Hong Kong
#iahk #interacademyhk #maxihouse

利物浦名宿McAteer 話佢好鍾意嚟香港同啲小朋友喺炎夏踢波，但係其實佢明明就好怕熱😂
我唔怕熱不過我怕自己大汗整污糟杰寧公主所以影相嘅時候我企得幾開🙈
第一次同公主合作有啲緊張，好在啲細路生性👍🏻
#安盛慈善基金 同 #利物浦 國際足球學校(香港)攜手舉辦 #AXA 安盛利物浦足球菁英計劃 2019
#liverpool #利物浦 #youwillneverwalkalone

［倫敦乜都貴，除咗食嘢］
FT 原文呢度 : https://on.ft.com/2UuMxWg Leaving London: voices from the financial front lines of Brexit

金融時報的文，講脫歐鬧劇搞咗咁耐，倫敦城嘅金融職位固然有啲流失咗去歐洲大陸，但其實唔多，比預期少。無論如何，就訪問下啲搬咗去其也歐洲金融中心嘅人　（只係呢種報導已經唔係普通傳媒做到）

但最有趣，反而係個圖。比較不同地方嘅物價。講到尾金融都係睇人材。而家先知？點解金融工高人工？除左因為人嘅貪念幾千年冇變過，亦因為金融工作係比較重視individual talent，你可以同演員或者足球員相比下，絶對冇咩他媽的同工同酬。一個分析員搵皮幾至幾十萬個月都可以。

而金融人，特別係要relocate嗰啲，梗係才俊啦。咁佢地嘅消費模式同你去食譚仔當然唔同。最關心嘅當然係屋租，樓價，寫字樓租，仲有國際學校學費（唔通金融才俊嘅仔女讀意大利啲濕鳩本地學校整意粉？），同埋，食飯。食飯呢度好modest啫，唔使食靜岡蜜瓜米芝蓮，三度菜，中級餐廳（咩叫中級餐廳就好隨意啦）

結果不細講，只講幾個點

一， 好嘢梗係貴。倫敦差不多在所有項目都拋離對手，最貴。但這是常識。因為全球得兩個半環球金融中心，一個紐約一個倫敦半個香港。全世界最勁嘅金融人都去晒呢啲地方，呢啲地方唔貴就假。根本你之前睇咩全球最貴城市，宜居同貴，係有極強正相關。好少有好貴嘅垃圾地方（有嘅，安哥拉盧安達咯），亦好少有平嘅大城市（台北？）。當中原因講過好多次，首先就係簡單供求，人人搶。另外，生活水準高嘅地方一定係高人工高物價，唔會係低人工低物價，因為仲有啲嘢，例如LV呀埃瘋呀，全球同價。你仲要一年去幾次日本。我當你在索馬里一千蚊港紙好好洗可以租四千尺屋—但儲幾耐先去到次東京？

二， 倫敦唯一唔係最貴嘅，登登，就係午餐，嘻嘻。你諗下都幾反智，明明倫敦人工最貴，租金又最貴，點解午餐唔係最貴？應該都係啲嘢實在係唔掂。大家留返去旅行先食（好似香港咁）。定因為其他稅？

三．當然戀英青會話英國有乜名廚或乜（我諗起名句：法國人有美食，但我地英國人有table manner），完全唔關事，而家講中價餐廳。不過又公平講句，仲貴過倫敦嘅，米蘭就算啦，意大利人有軟實力嘛（就係冇其他實力先講軟實力）。但阿姆斯特丹同都柏林， well

四．相比之下，德國嘢食一樣惡名昭彰（根本同英國人難兄難弟，英國皇室都係德國人，英文德文都係同語系）。但平啲。真正抵玩嘅係美食之都巴黎，仲平過倫敦，不過其實爭幾蚊有幾大意義？而明顯最平嘅係馬德里，當年去過，的確啲中價餐廳膽正命平有水準，同意大利一樣有軟實力（因為冇硬實力就講呢啲）

五．對唔住，掛住講食，因為其他唔多熟又唔多關我事。講教育，就冇得傾，倫敦贏幾條街，我甚至認為可以繼續拉開。當年我在英國讀大學，隔離房係個十分愛國的意大利佬，見到我夜晚飲Cappuccino好震驚，發現我飲三合一（窮學生呀大佬）更加畀佢成盒掉咗我然後話返我知咩先係咖啡，睇親波佢都鬧英格蘭冇料到意大利拎咗三次（時為2000年）根本66年嗰次都係西德嘅（都話軸心之盟，此人除左意大利波外就只會讚德國波，醜惡但有用，佢話），見利物浦淘汰羅馬佢幾乎掟爆電視機（時為2001年，利物浦拎埋足協盃冠軍，意大利佬居然冇跳樓）。總之就係咁嘅一個好卡通嘅意大利佬。但佢雖則覺得祖國女人又靚嘢又好食酒又靚又有文化踢波又叻，但都不得不承認意大利大學垃圾，都係要嚟英國讀。商學院都係咁，小學雞國際學校更唔使講。吾友話齋，讀意大利國際學校教啲小朋友乜？整PIZZA，亂渣車，定借錢唔好還？

六．其他嗰啲，都冇乜特別。剩返堆歐洲城市中，一海之隔嘅巴黎都係乜都貴，唯讀國際學校唔係最貴，開餐又平。法蘭克福樣樣都OK平，唯獨國際學校貴，原因不明，學元首教育？

七．明顯地樣樣嘢都平嘅係馬德里。襟芒，真係幾十個球星（畀你計埋馬體會），不足以養起個城市，遊客甚至唔夠巴塞多。乜都平。但當然平嘢冇好。不過再講一次，西班牙食飯不錯的說，特別係中價嘢。更正點嘅係十點十一點去食都得，啱晒我（亦因為咁我在12年前搞到在馬德里撞地鐵，旅遊保險商務位送返香港開刀，而家左手仲有塊金屬片）

八．當然，呢個咩三道菜中價餐廳，實在可以好彈性。鍾意嘅餐前畀碟酸瓜你又計唔計一道？連埋送粒蜜蜂糖做甜品。你在百人一朱都有湯有御飯有果物啦。但好概括嚟講，其實應該香港食嘢仲平？我唔知咩叫中價餐廳啦。但我食開嗰啲我理解嘅中價餐廳，午餐三道菜，絶大多數都唔使去到四至六舊水喎？問題又嚟啦，明明話香港租貴喎。典解呢又？我估係因為，香港可以做好多枱客。西班牙嗰啲十一點食午餐食到兩點返公司。上陣網六點放工去飲酒飲到九點食飯食到十二點，你間餐廳可能一日做兩枱客咋！邊似香港咁，真係一晚都「五輪真弓」（有關「五輪真弓」：http://bit.ly/2FYhtUw）