我最期待的畫面出現了，你睇吓阿糟糕嫂年初四咁嘅樣，就知咩料啦，冇品祖，繼金滿貫(golden slam)食唔出，奧運輸咗；諗住執番個全滿貫(the Grand Slam)、今年同年度摘下四大滿貫，做打令費達拿同拿度都未能成功的事啦，又衰埋。想破紀錄成為首個擁有21個大滿貫冠軍嘅球手咩，都sorry😝，佢內心嗰種酸呢，上晒塊面。
直落3：0俾人KO，一哥係由頭輸到尾喎。仲慘過奧運。
另一邊廂阿Medvedev，贏波一刻，獨特而充滿個人品味嘅台風，係：中槍累低，加脷伸👻。冇大動作，呢個世界排名第二嘅球手，cool得嚟幾cute。
Next Gen裏面我未鍾意過佢，揮拍實在太核突，不過贏咗冇品祖，就係好貓，佢仲話，贏波之日，其實係佢同老婆嘅結婚三周年紀念日，佢一路打一路諗，死啦未買禮物，輸咗場波，都唔夠時間買禮物俾佢，不過如果贏咗，可以將個獎送俾佢喎。講得率真自然。
相反，祖高域就係有啲假，扮大方，話自己係世上最開心嘅人，因為得到紐約球迷嘅支持。唔係啩。大佬，輸咗奧運，今年攞唔到the Grand Slam，冇辦法超前你兩個大佬身影，永遠覺得自己排第三，憑住一份酸溜溜嘅拚勁，一路追上嚟，但係始終都過唔到頭，你會係the happiest man in the world?，邊個信姐。對眼同面部表情出賣晒佢，好唔誠懇，方法演技零分。
呢個故事教訓大家，賣口乖ok，但唔好咁假啦啲公關🙄我個detect人假嘅radar從來太精準。
唯一希望係，佢嘗試左輸波、落敗，反而會得到大家嘅擁戴，會開始明白，唔需要下下用酸到乸嘅勝利去證明自己，同埋唔使凡親球迷唔支持自己，就深深不忿覺得個世界對佢唔住。做球王，要有嘅不止是球技、勝利、獎項、紀錄，球品和胸襟，卻是缺一不可。
無論如何，恭喜 Daniil！
#打令仍然是GOAT
#人品好球品自然好
#球品好輸波都輸得靚
#佢真係未做到 #邊個信姐
#NextGen加油
初四咁嘅樣 在 周星馳, 吳孟達, 吳君如, 甜筒輝行運一條龍之年初四咁樣 的美食出口停車場
甜筒輝在《行運一條龍》其中一段演出，這一場戲講吳孟達向周星馳解釋咩叫「年初 四咁 樣」...甜筒輝Instagram: timtonfai , Facebook ... ... <看更多>