俄羅斯我仲有一間心水超級市場要同大家介紹，就係Daily。呢間超級市場周圍都有，賣嘅貨品種類繁多，二十四小時營業，而其中比較大型嘅仲附設飲食部，賣啲蛋糕麵包咖啡茶等等嘅物品。
而今次就被我喺其中一間Daily附設嘅餐飲部，搵到我非常之期待嘅俄羅斯餡包。呢個俄羅斯餡包係非常好食嘅，其軟熟程度如果做得好嘅話係拍得住我哋嘅雞尾包，而入邊嘅餡料種類繁多，可以係洋蔥牛肉、可以係蘑菇、可以係雞蛋亦都可以係雞肉。
當然呢間係類似快餐店嘅物體，維起只係5、6蚊港幣一個，我唔會有太高期望，但係一啖咬落去，真係覺得超級物有所值。皮薄餡多，以呢個價錢，呢種心情，我真係覺得非常之美味。
仲有啊，如果你想買伏特加或者魚子醬等等做手信，Daily嘅標價，以我所見，係最相宜嘅。而且佢嘅display乾淨整齊，逛起上嚟特別得心應手，買都買得爽手啲。
#何嘉麗callmegaga #何嘉麗 #出街玩 #俄羅斯之旅 #為食路上 #出外旅行識行梗係行超市 #Daily超級市場 #俄羅斯餡包
