【玩電話】（中）
（上集）https://bit.ly/3qfrwLL
有人喺廳度拎起咗個電話，用轉線功能呼叫我睡房嘅分機。
呢一刻，我就知道對方唔係想報復我玩電話咁簡單。
對方…根本唔係人，而係鬼…
電話嘅響聲令我從夢睡中驚醒，最初我諗會唔會係我屋企人呢？
不過無可能，父母有嘢搵我，只會直接入房同我講，加上而家半夜，佢哋更加無可能行出客廳，用電話轉線畀我咁麻煩。
我望住電話個電子螢幕不斷閃，響聲一直持續，似乎無打算停落嚟。
當刻我完全唔知點算，因為由客廳主機轉線，所以客廳部電話唔會響，喺另一間房瞓緊嘅父母，應該聽唔到我睡房電話響聲。
當然啦…我唔敢行出廳，因為驚見到啲唔應該見到嘅嘢…
但嗰時老豆已經一口咬定係生意競爭對手搞事，比起驚鬼，我更加驚被佢發現係我玩電話玩出禍。
所以我做咗一件而家同返老豆講，都覺得好不可思議嘅事。
我接聽咗個電話…
「喂…你係邊個？」我。
「喂，你係邊個？」電話入面把聲，我聽得出係之前個女仔，佢好似之前咁，跟住我講嘢。
同之前唔同嘅係，把聲好似喺一個好空曠嘅地方，夾雜含糊不清嘅迴音﹐聽落有種令人毛骨凜然嘅感覺。
「唔玩啦，唔好再打嚟。」
「唔玩啦，唔好再打嚟。」
「我唔再玩電話啦，對唔住。」
「我唔再玩電話啦，對唔住。」
「妳真係唔好再打嚟，我屋企人好快會搬屋。」
當我講完呢句，個女仔無再重複我嘅說話，只傳來有微弱嘅呼吸聲，隱約聽到個女仔低喃，我想聽吓佢講乜，於是將電話貼近耳仔。
「開門同我玩吖。」個女仔好大聲咁喺電話講完，我驚到立即收線。
突然間，有人好大力咁拍道房門發出『砰砰砰砰』聲。我忍唔住驚到喊咗出嚟，父母聽到喊聲就衝咗入嚟。
我唔識點講，淨係識得狂喊，佢哋以為我發惡夢。雖然父母入咗嚟，但我都唔敢望出廳，因為我驚會見到佢。
第二朝，老豆直頭將整個電話拆走，好快我哋亦搬咗去新屋。呢件事亦告一段落，父親節嗰晚我講返畀老豆聽，再同佢道歉。不過佢老人家性格比較固執，佢都係覺得係競爭對手尋仇，只係我每晚被電話騷擾所以發惡夢。
但我可以好肯定，嗰晚發生嘅事唔係惡夢。
因為件事仲未完結…
如果有讀者記性好，我曾經分享過一個Siri 嘅鬼故事，其實嗰個故事會發生，同呢個女仔都好有關係。
（siri 鬼故：http://bit.ly/2bQTxTX
至於有咩關係，我會稍後再講。
當我讀完書畢業出嚟工作，我自己搬咗出嚟住，當年因為啱啱全職寫作無乜錢，所以只能喺旺角租間只得80呎嘅劏房。
雖然地方細環境亦麻麻，但勝在自己一個人住夠自由。唯一缺點係間房個冷氣好嘈，好似有部法拉利引擎裝咗喺冷氣咁，但當你習慣咗一種長時間持續嘅噪音，大腦就會完全忽略。
有一晚我通宵趕緊稿，個冷氣突然間熄咗，成間房頓時靜晒，耳仔除咗有少少嗡嗡聲，仲隱約聽到電話響…
嗰種鈴聲，我認得就係當年個女仔用客廳電話轉線畀我嘅鈴聲。
奇怪嘅係，間劏房根本無固網電話，我手機亦無響，鈴聲係喺我個腦到發出嚟...
好嘈，我完全無辦法停止呢種噪音，唯一可以做嘅，就係聽電話...
「喂...」我用意念嘗試同腦入面嘅電話溝通。
「點解我搵你咁多年，都唔聽電話？」女仔聲好清晰咁喺腦入面回應我。
咁多年？唔通...當年就算成家人都搬咗屋，但我根本無擺脫到個女仔，呢個電話響鈴聲，咁多年都一直喺我腦海度響緊，只係我太習慣而忽略咗佢。
「妳想點...」我望住房門，幻想個女仔喺門外面。
點知佢竟然知道我諗緊乜，仲回應我。
「我唔喺外面，我喺你裏面。」
今晚2000 like ，明天有下集
這會是《阿公講鬼４：魑魅》的最後一個故事，結局彩蛋會留在小說公開，7月中出貨！
https://bluegodzistore.boutir.com/
冷氣發出嗡嗡聲 在 分離式冷氣-室內機運轉噪音、異音快速判別,詳細解說請看說明. 的美食出口停車場
室內機會產生噪音的部份除了機械、馬達及機殼因震動冷熱膨脹之外幾乎就很少會有 發出 噪音的東西.膨脹閥造成的異音通常為嘶嘶聲在汽車的空調比較常發生 ... ... <看更多>