提提大家，唔好以為蒸點心就好健康，一碟豉汁蒸排骨已經大約432kcal，仲肥過8粒蒸蝦餃！😨
但咁肥，點解我都仲會食？因為今日係母親節，母親的母親話想食排骨囉！
👵🏻婆婆話：「咬走晒啲肥膏咪唔肥囉！」
👩🏻我心諗：「點解啲瘦肉鞋啲，但排骨咁腍同香口？咪就係因為豬肉嘅脂肪分佈高囉！一碟有大約6茶匙油，啖啖都係豬油呀！」
不過⋯今日嘅角色係孫女，而唔係營養師！所以我飲茶時對熱量絕口不提！🙊🙊🙊
我只係笑住咁回應話：「係嘅係嘅，好味好味，婆婆食多舊！」反正一次半次，老人家開心最緊要！🤣
#在婆婆眼裏我只是孫女
#其實我寧願食8粒蝦餃
#或者六條腸粉
#笑住咁夾晒俾人食
