《索女人妻ichi烹》
係我第一個拍攝嘅煮食節目。
當初搵我嘅Viu團隊話佢地需要：
一個識/肯跟食譜，
最好唔太叻煮野食嘅人妻。
我聽到真係覺得自己「得咗」！
點知一開始拍攝，
我就知呢件事唔係我想像中咁簡單⋯⋯
話就話跟食譜測試，
但最後都係一場比賽，
只要有「比賽」嘅銜頭，
不期然就有一份爭勝心，
或者至少想顧全一吓面子，
儘量做好。
於是，
我未試過逗留廚房咁耐時間，
有時連啲貓都喺門口等到我瞓著⋯⋯
又未試過收工前後都趕住去街市同超級市場入貨⋯⋯
更加未試過攞野食番公司叫人試食同咁想人講真話⋯⋯
我敢講，就算未至於入得廚房，
經歷過今次節目，
我都叫多咗啲煮食常識；
切咗一生人為止最多嘅洋蔥；
整咗人生第一個西班牙蛋餅，
第一個意大利飯，
第一個意式肉丸，
第一個蛋糕⋯⋯⋯
同埋第一次著咁靚入廚。
之前擔心自己會因為拍呢個節目變成天才小廚神，
因為我硬係形住我係有呢方面嘅天份，
但睇嚟都係過慮。
以後唯有繼續努力煮飯⋯⋯得閒嘅時候。
睇哂五集，有咩意見同愛鼓留個言話我知！
#好嘅唔好嘅意見都想聽 #索女人妻ichi烹 #其實今晚仲有中菜組最後一集 #綜藝 #cooking #icancook #host #tvhost #歡迎飲食合作
