【8月荷花BB展 - 爸爸囝囝好去處】
#職業小特工 #唔係產品post啦👉🏻👈🏻
📍Hall 3
湜澄媽喺 Hall 1 遊盪之時，安排爸爸同澄兄去 Hall 3 自由活動，一來唔想佢地陪我排隊，二來之前見到「職業小特工」宣傳，覺得澄兄會想玩。
以下由湜澄爸提供😃
🔸 #玩法：唔係入去好 free 咁玩架，澄兄變身要返工嘅小特工，有工作證，錢同計時器。到每個場所工作賺錢，離場時，用錢玩換抽獎機會。
🔸#六大職業體驗：
（‼️按好玩程度排序）
👨🏻⚕️ 醫護員：熊bear bear喺床跌落地，跌斷咗隻腳呀😣 Dr. Lee 幫佢照 X光，餵藥，仲包紮好。
🍽️ 侍應生：要去食材架夾漢堡包材料，李澄好乖真係夾，冇用手攞👍🏻，仲請爸爸食😋
🛒 超市店員：自己推車買餸，之後做埋收銀，仲嘟埋爸爸張八達通😏
👷🏻♂️考古學家：職員話 Prof. Lee 要喺波波池搵返恐龍蛋呀！不過，搵咗好耐都搵唔到🙈 到底波波池太大，但恐龍蛋太細🤷🏻♀️ 睇宣傳圖片以為有得揸工程車，原來冇🙈 媽媽失策👉🏻👈🏻
💰 銀行家：🎲大富翁，不過澄兄未理解到咩事，呢度有機會行到小意外，咁就要花錢啦🙈 可以學習理財同人生 (?!) 嘅遊戲
🧸 玩具售貨員：只有牆架上一盒盒玩具，同前面一堆堆玩具，然後....唔知想點🤦🏻♀️
🔸 最後，李澄賺到$260，可以換到兩次扭蛋機會，我地扭中職業小特工公仔一隻同DHA一盒。
#溫馨提示：
❕請注意每節時間，想玩盡，就要每節開場時入去。（聽職員話，澄兄好乖安靜等咗半個鐘）
💰 早場 10:30 同 Happy Hour 19:30 半價 $60，其他時段 $120。
⏳每節75分鐘。
🧾Keep返收據，可以去 BABE HERO 寶貝童盟 當入場費用😏
#總結：唔算平架，但喺BB展搵到呢度可以俾兩父子叉電🔌就好抵。
#自費
#2019荷花BB展 #BB展優惠
#親子blogger #親子博客 #澄兄湜弟 #叉電定放電
六大職業體驗 在 6大原創角色職業體驗｜沙田新城市廣場｜Kiztopia Hong Kong 的美食出口停車場
Kiztopia 香港｜新加坡 得獎最大型Playhouse ｜全新開幕｜首間海外旗艦店｜15大遊樂體驗區一覽｜ 6大 原創角色 職業體驗 ｜沙田新城市廣場｜Kiztopia ... ... <看更多>