［香港社會有許多好笑事，選舉競爭阿叔都講政治］所謂一國兩制已死外資切尼，七日唔夠就彈返晒，未夠你去次星馬泰
1. Optimism is the only realism。其實根本別無選擇。悲觀嘅，燒炭啦，唔好阻住人類進化。
2. TLDR：其實乜都要講到最壞情況嘅，就梗係冚球鏟。咁你應該坐地鐵去摸人個籮（或其他更開心嘅嘢），但你冇喎。你根本連黃金都唔應該買，應該買多幾支槍，為所欲為。即係北斗之拳咁。
3. 凡事樂觀，雖則今年買股票好多時會輸錢。利申：埃汾份身家已經多過肺炎前嘅高位，但當然中間有加過倉，所以其實總回報仲係輸少少，但凡事樂觀都係冇錯。
4. 星期三值得講，唔只係因為恒指升300幾點（其實只係1.4%，極濕碎）。而係今日，就剛好返返去「國安法」前嘅位。只係7個交易日。如圖
5. 仲記得5月22日，一跌就1350點，近6%，的確係急跌（唔係「急瀉300點」之類嘅笑話），one percent event（即係睇返指數每日升跌，100日都冇一日會跌6%）．然後人人當然向最壞情況諗，以為見21000，甚至18000，因為港紙變廢紙，云云（但其實，明明一大堆都係大陸公司，A股都未變廢紙喎。今年變現相當唔錯添）
6. 所以呢，星期一三五睇埃汾嘅專欄就十分好。如果有定力，特別係本身唔炒股票嘅，咁得閒睇下新聞都好。但自問膽細冇定力嘅，我真係建議人睇少啲財經新聞。真的，越睇你越驚。況且媒體一定跟紅頂白，升嗰時不停搵理由話你知可以一路升，三萬睇四萬，四萬睇十萬（你可以睇下2007嗰時）。跌時亦係，兩萬四又話試兩萬一，兩萬一又話試萬七。萬七就話跌成咁仲唔係世界末日，咁就千七啦。唔好有口話人冇口話自己，好多時我都未能免俗，但我至少知道人性有呢個問題，亦知自己有呢種問題。當然知唔等於避免到，即係見到靚女我都仲會係興奮的（唔會就大鑊咯）。
7. 加埋社交網，特別係Facebook，更加鞏固大家圍爐飛機，迴音室效應是也。你鍾意睇末日博士（唔係香港嗰個，廢事有人話我串佢），咪介紹埋末日碩士末日學士你睇。所以埃汾同時都用twitter，因為冇（相對地）咁多演算法，你經可以見到啲篤口篤鼻嘅人講嘢—但正係咁先好。當然你選擇去科勞啲同你差不多嘅人，就你自己問題。
8. 正如埃汾亦都睇報紙，仲要堅持紙版。原因都差不多。你睇網上版可以日日去load陶傑睇，但你睇紙版總會唔小心睇到某啲其他人。而亦係同一道理，本人睇鬼媒（冇咁多錢訂晒紙版，亦冇時間），右翼睇，左翼亦都睇。了解下其他人諗緊乜嘛。
9. 根本就係菩提本無樹，何處惹塵埃？你見發到好似世界末日咁嘅事，都唔使兩個星期，就彈返去原本嘅位。你睇拆息？又再回落嚟。你睇港紙？今日7.7501，真係「差一點」就又頂返去強方保證。走資？走乜資？銀行體系結餘就冇跌過。哦，假嘅。但跌嗰時你又唔話假？說穿了，就係唔啱你心水嗰時咪假。咁大個人，唔好咁幼稚啦。
10. 「唔係喎我見明明有人調走資金」。咁既然，有人調走資金，個市都仲係7日低位升6%，港紙可以頂到上7.7501，拆息又唔會升嘅。咁使乜理嗰啲人？係呀，日日有人沽騰訊的。不過又日日有人買。
11. 當然我從不盲目唱好香港（事實係埃汾相當討厭香港，否則唔會搞台灣移民），但，唔好將你個人嘅情感，當係世界會發生嘅事。更加唔好高估自己，以為自己醒過晒咁多人。
12. 而講咗一大輪正面嘢，亦唔好忘記，今年恒指高位見過29000，而家仲係潛水近15%。其實今年買港股，多數位都係輸錢。所以唔使咁開心
13. 不過呢度，又畀你睇到另一樣嘢：你覺得咁多壞消息，個市仲升「唔理性」？有冇諗過，如果平行時空，冇壞消息，就唔止升咁少？港股跑輸幾多年？甚至連今年高位都仲有排未到。而家只係跌多咗，彈返啲之嘛。有幾唔合理？定即係應該日日講國安法，每日跌千幾點，好快變負數。
14. 所以，諗嘢唔好咁表面咁單一方向。唔係壞消息都升，而係「冇壞消息升得重多」。因為呢，股票呢，長期都係升嘅。
15. 唔明TLDR嘅，幫你畫出腸。好多正能量講法，都叫你當每日後最後一日。但實際上絶對可行。人類社會嘅秩序，全部都係going concern．如果聽日後日就世界末日，你唔會約人星期一食飯，你更加唔會返工，你亦都可以拎碌棍周街扑人。搶錢又得，食霸王餐又得，拖條女去山洞都得。即係森林法則原始社會。反正後日都世界末日，係唔會上法庭架嘛，係咪？但你冇嘛，你依然好乖咁返緊工。你見到條友有錢冇扑佢頭，見到條女好正冇扑佢…個頭。
16. 所以，末日論都唔係最大問題。最大問題係，人性虛偽。埃汾寫文（唔止呢度）嘅兩大核心價值，就係「你班友戇撚鳩」，同埋「你班友虛撚偽」。而經驗證明，虛偽嘅未必戇鳩（唔少我識嘅聰明人勁人都幾虛偽，為生存嘛），但戇鳩嘅多虛偽。真的。
17. 如果諗住雙雙殉情失樂園扑嘢至死嘅，做乜仲要用套（＊）？我冇見黑木瞳叫役廣司用套喎。如果今晚燒炭嘅，做乜仲去買六合彩（＊＊）？根本講嗰個自己都唔信。邊位覺得港紙變廢紙嘅，好簡單，PM我講你人工畀我知。高唔過我嘅，我同你做個trade，包你有著數。今年之內我都用美金出糧畀你，埃汾言而有信，我同你唱定現鈔放在第三方託管都得 — 條件係，我出十份一糧畀你。喂，有你著數喎。你份糧變廢紙喎，我出十份一畀你，唔係好過廢紙？
18. Technically，呢個就係currency swap。你賭港紙變廢紙嘛，我咪同你賭。然後你又小學雞「我又唔鍾意呀」—咪即係根本你自己都唔信你講嘅嘢咯。講咪大聲。
19. 或者簡單啲，你同你老細講，下個月要求用美金出糧，不過你收十份一人工。我估你老細應該幾願意。當然最好你份糧唔好太低啦下，否則行政成本都唔夠。
20. 係架，幾時都有風險的。你去銀行睇下，以你（同我）份身家，做定期存款有幾多息口？或者睇下買美債，10年好似0.8%左右。呢個就係無風險。Anything above that 就係有風險。所以除非你話我知你買嘅嘢係一年收0.8%回報，否則實在唔使講有風險。買有風險，唔買更加風險。乜都唔買，等於同全世界所有央行為敵。不妨照計鏡，過去百幾兩年年，邊個可以贏到？
（＊）呢個橋段，廿幾年前嘅港片《追兇二十年》（https://bit.ly/2Y10WIv）。非常好睇，周海媚好正。但我呢啲咁有文化嘅梗係睇謝君豪。
（＊＊）遺愛人間乎？會唔會一早買份人壽簡單啲？
———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。
請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。
六合彩算法 在 六合彩超強不出牌算法中獎人的告白分享-大陸人的養家絕招 的美食出口停車場
樂透統計學官方網址http://lotto.pokuyo.comYOUTUBE最新影片總覽: https://www.youtube ... ... <看更多>