【相約十年】
每個人，總會對一些日子特別上心！
今天，他特地上來中心找我！
是上星期三，致電給我約定的！
他找我，我從不覺得驚訝！
他是我最得力的助手；四年多前，曾發生以下一幕.....
2015年10月10日，我帶義工到公開大學參加活動，早前主動幫另一位84歲陳伯綁鞋帶嘅76歲義工曾伯坐喺我旁邊.....
忽然，佢好認真同我講：「阿肥姑娘，我都知妳好辛苦，咁多嘢要兼顧；見妳成日冇時停，樣樣嘢都有妳份.....」
當吓，我頓感老懷安慰！原來，真係有人睇到我嘅付出同努力.....
我以為，曾伯會叫我多啲休息，好好保重身體.....
點知，佢繼續講落去.....
「妳有冇諗過.....認認真真搵返個人.....嫁咗佢？」
同一個已經38歲嘅宅嬸講呢番說話，睇嚟曾伯對我嘅評價都好高，好睇得起我！
我俾佢攪到哭笑不得！佢已經唔係第一次替我著急！
我笑住同佢講：「你話呢？你知我點諗㗎！你知我最愛邊個㗎？」
不過，曾伯，好多謝你！
2020年4月14日(二)
貌似60，實際80，但依然精神爽利、健步如飛、滿臉笑容、熱心助人、受人愛戴的金牌義工曾伯來了中心找我！
我倆從不需要客套說話，因彼此已太熟太有默契！
他，從口袋裡拿出一封寫滿密密麻麻字體的紙給我.....
他的信，我曾收過數次，所以不以為意.....
「嘩～曾伯，你真係好得閒！」
「係呀～我真係好得閒呀！」
中心暫停開放、義工探訪和活動暫停，他除了每朝早用更長時間晨運、更積極電話慰問其他獨居長者、和以朋友身份陪兩三位體弱長者覆診之外，時間真的多得很！
這封同樣是一篇帶有個人經歷和感受的致謝信，我匆匆看了第一段，終於明白他今天特地前來找我的原因.....
「阿肥姑娘，今日我做義工啱啱十年喇！十年前，我從劏房搬嚟呢度，妳上嚟探我、幫我買傢俬電器；鼓勵我出嚟做義工，識多啲朋友；我先可以有今日，越做越開心，越做越精神！妳睇我一啲都唔似80！好多謝妳！」
「曾伯，其實應該係我多謝你先啱！為咗報恩，咁就賣豬仔俾我賣咗十年！」
我知道，有不少團體對我這位榮獲機構多年至尊金獎的金牌義工虎視眈眈，誠邀過檔；但他，一直對我不離不棄、對我噓寒問暖、和我並肩作戰！
而他在我心目中，亦早已佔據了一個特別的位置！
曾伯，謝謝你！
有緣的話，就讓我們一起相約，邁向下一個十年吧！
公開大學 評價 在 香港鯨魚大學？有錢就讀得? 公大公開大學OUHK【大學生衣著 ... 的美食出口停車場
今次來到香港 公開大學 訪問，帶大家看看公大學生真實的一面 街訪花絮｜Antonia的一天：https://youtu.be/Xo7oVf4W2rk00:24 有什麼花名?00:52 有什麼 ... ... <看更多>