// 🚌💨 格魯吉亞 交通懶人包 // #格魯吉亞半月遊
襯記憶猶新 先講講格魯吉亞的交通。
以為雞同鴨講好難坐車？這裡的司機有個強項，就是英文都不會多句，都有方法招你上車。的士司機是，小巴司機如是。去到車站個刻還會讓你覺得自己是萬人迷的蜂擁而至☻
由於科技發達到手持smart phone裝上google map旅行都不太需要問路，google大神已經會教你點行點行，幾號車，咩出口，幾點有車都瞭如指掌📲 但在格魯吉亞，google可用～但不要盡信☝🏻很多路線都伏伏地，未太完善。而city與city間的小巴google map 沒有資料的。不過格的交通其實算很好搭，市中心有好平的地鐵、巴士、小巴、的士（廢話嗎？！因為好平 所以今個旅程 的士都是主力！）
🌝所以「好平的」這句是形容格魯吉亞所有交通：
1. 地鐵
只有在首都Tbilisi。
先買張類似八達通的交通卡就可以入錢入去搭車用，卡賣 Gel $2 可退，每程地鐵不論長短都是Gel $0.5 即大約個幾港幣。而最神奇的是一張卡可以比好多人share用，賣比我的職員叫我們三人就share一張用，拍卡入閘，出閘無閘。
2.巴士
在Tbilisi跟地鐵一樣，不論長短一個收費，上車拍卡。同價 Gel $0.5一程。其他城市都有巴士但我無搭過，交通卡應該不適用。有人試過可以話我知我再補充資料🙌🏻
3.的士
平到有時懶得行去坐其他車。
一程的士最平試過hkd $6 你想像到嗎😂
為免比人剁，一定要download call車app，要出發前先dl定，一落機已經有用，不知為何 到埗後我用機場wifi dl唔成功，好彩朋友早dl定。
首都Tbilisi：用Yandex 最抵，而且都算容易call車，不過司機質素幾參次
其他城市：Yandex用唔到，可用Bolt，不過未試過。在Kataisi、Mestia都是坐街邊兜的的士，講價後都比Bolt show的價錢貴Gel $1-2 不過都算合理。反而最tourist的紅酒小鎮Sighnaghi明比人抬高了車資🙈不過無計，因為個邊無選擇～無機會成本的話就無得計啦。
4.小巴
應該算是格魯吉亞最方便的長途交通工具 他們稱之為Marshkatrut。類似大版的7人車，可坐10幾人，還接受企位。不過小巴非常狹窄，座位絕無九巴舒服，路面又比較凹凸不平，坐個幾小時真的很癲疲。
但city - city間3-5小時車程都不過收你hkd $30左右，無咩要求啦。
▲ p.s.如果打算長期以小巴移動，強烈建議帶背包隨行，而且因為放行李位置好少，行李愈細件愈好，跟身size最prefect。
水蛇春長的文字，睇唔攰寫都攰😂
下次先再講講taxi/包車/share taxi什麼價錢算無比人剁啦～
✨行程、住宿、歷史、食物、文化、景點慢慢再介紹 如果我冇半途而廢的話。
如果又想知道的 可以留言話我知～再詳細講講👋🏻
// 📷 #georgia🇬🇪 // #格魯吉亞 #第比利斯 #交通攻略 #懶人包
More⚋⚋⚋✍ #cciiinGeorgia
八達通app用唔到 在 八達通Octopus - 【用到定用唔到？嘟 - Facebook 的美食出口停車場
用到定用唔到？嘟~嘟嘟~響聲會幫到】 你嘅八達通卡號碼有括號嗎？如果無，你又聽到「嘟~嘟嘟~」，就係時候換卡啦！ 以下批次號碼嘅八達通卡將於5月19日起失效︰ ... ... <看更多>