做過好幾間公司，同事們都覺得小弟メンタル（mental）好強，成日都問我我點解做嘢好似余裕（よゆう=綽綽有餘）有時做外國人有外國人嘅好，可以block咗一啲唔需要嘅資訊，就算俾上司用字拮到都唔覺痛
冇人會想係一個高壓力同鬥爭嘅環境中做嘢！做日資真係隨時令自己心靈崩潰。如果大家記得小弟之前間外資人事公司做個時，曾經分享過日本人女魔頭施壓下，有同事患咗抑鬱症被休息半年。小弟去到今次呢間診所又遇到同樣事件，今日返到去得知有犧牲者出現！！當然唔係我（雖然都有少少）
喺兩黨競爭之下，坐對面女同事受不住重壓同鬥爭大環境決定請辭！今日開大會嘅時候，上層終於意識到事件嘅嚴重性想商討對策，可惜補救已經來得太遲啦！ ！下晏仲請晒成個事務所食lunch想雙方和解，friends返！希望返去之前嗰種工作模式，成場雙方假到不得了！兩個搞事嘅人物竟然有講有笑，成餐lunch令到小弟係咁反白眼翻到上天花板！求其一個路人睇到呢個場面都知道係假，我就做返平時自己者。好想知理事長最後會點樣拆掂呢壇嘢？
Btw：呢間麵包店嘅食咗陣風落肚黑松露空氣麵包出咗咖喱包，但今次真係上訴得直攞滿分！麵包外脆內煙韌，裏面嘅咖喱汁濃郁、分量多到咇晒出嚟！！而家回味緊～
#trufflebakery
